تفعيل ضمان نيسان صني

**momo_h** · 27-04-2012 04:54 AM

يا جماعة انا عايز اعرف بعد ما استلمت الضمان المفروض بقى اعمل ايه اتصل على الرقم المختصر الخاص بشركة نيسان ولا اعمل ايه بالظبط وهل صورة رخصة العربية لها اهمية ولا لا

وكمان عندي سؤال بالنسبة لاستهلاك البنزين عربيتي ex اوتوماتيك استهلاك البنزين عالي جدا جدا يعني الصفيحة بتعمل حوالي 150 بدون تكييف مع العلم ان انا لسه في اول الف كيلو واللي اعرفه ان استهلاك البنزين هيقل بعد التليين بس انا عايز اعرف هيقل كتير ولا قليل لان انا مش شايف اي تحسن في استهلاك العربية رغم ان المفروض بيتحسن تدريجيا حسب الكلام اللي قريته هنا في المنتدي وانا حاسس ان الاستهلاك يعني مش هيقل كتير وهيفضل برده عالي بعد التليين والحل ايه في موضوع البنزين وهل ممكن يبقى في عيب في العربية ولا لا ؟

معلش طولت عليكم وفي انتظار اجابتكم

**Manchestrawy** · 27-04-2012 04:58 AM

نفس معدل الاستهلاك ده عندي .. عربيتي عامله 150000 ..
انتظر مشاركه احد الاعضاء صحاب الخبره يفيديوك في موضوع الاستهلاك والضمان

**momo_h** · 27-04-2012 05:03 AM

المشاركة الأصلية كتبت بواسطة manchestrawy

نفس معدل الاستهلاك ده عندي .. عربيتي عامله 150000 ..
انتظر مشاركه احد الاعضاء صحاب الخبره يفيديوك في موضوع الاستهلاك والضمان

والاستهلاك عند حضرتك مش بيتحسن عن كده

**Manchestrawy** · 27-04-2012 05:27 AM

المشاركة الأصلية كتبت بواسطة momo_h

والاستهلاك عند حضرتك مش بيتحسن عن كده

ممكن لو محرقتش ومشيت عالهادي يعمل 170 كيلو ده كدا يبقى انجااااااااز ..
عامةً عربيتي حالة خاصه انتظر مشاركه الاعضاء الي عربياتهم حديثه شوية ..

**shshshsh** · 27-04-2012 05:43 AM

سيارتي2009ex اتوماتيك عامله80000 استهلاكها داخل البلد 180ك والطريق240-220ك وهي معايا من الزيرو ومعملتش لها اي صيانه ولا حتي غيرت بوجيهات الي الان بس مبخليش الrpm يزيد عن 3

**Sehsss** · 27-04-2012 09:58 AM

بص يا باشا، هو المفروض حضرتك تتصل بالرقم المختصر وتفعل الضمان دا أولا.. ثانيا بالنسبة لاستهلاك البنزين ما تحكمش إلا بعد صيانة الألف كيلو هاتلاقي الاستهلاك إن شاء الله قل، وبعد 5 آلاف كيلو هاتلاقيه قل أكثر ما تقلقش.. تحياتي

**Abdm** · 27-04-2012 11:50 PM

حضرتك أتصل على رقم 16244 لتفعيل الضمان قبل ما تروح تعمل الصيانة ودية أهم حاجة بعد ما تستلم العربية حتى تستطيع التعامل مع التوكيل .
والله الموفق والمستعان

**Dr'AhmZZong** · 28-04-2012 12:23 AM

المشاركة الأصلية كتبت بواسطة Sehsss

بص يا باشا، هو المفروض حضرتك تتصل بالرقم المختصر وتفعل الضمان دا أولا.. ثانيا بالنسبة لاستهلاك البنزين ما تحكمش إلا بعد صيانة الألف كيلو هاتلاقي الاستهلاك إن شاء الله قل، وبعد 5 آلاف كيلو هاتلاقيه قل أكثر ما تقلقش.. تحياتي