الموضوع: مشكله في كهرباء الشــــــارك !!!

السلام عليكم :_

انا معايا لانسر شارك موديل 09 وعامله 25,500 تقريبا ,, المهم امبارح الصبح جيت ادور العربيه مش لاقطه ومش بتدور جرب الكاسيت والانتظار مش شغالين المهم قولت دي بطاريه ( لم تتغير من شراء العربيه ) , وكنت سامع صوت " تكتكه " من علبه الفيوزات ولما فتحتها لاقيت كتاوت بيتكتك المهم جيت على اخر النهار وقولت اجيب كهربائي علشان اخد واصله واروح اغير البطاريه المهم يعني وصلت من ناس اقاربي والعربيه دارت فقولت ابطل وادور تاني والمفاجأة ان بطلت وشيلت المفتااااااااح من الكونتكت والعربيه لسه داااايره ومش بتطفي الا لما اشيل فيوز معين كده او اشيل طبعا كابل البطاريه !!! ,, والفكره ان العربيه سواء كان فيها المفتاح :) او مش فيها لما باجي امشي واتحرك بيها فهما ماشيه عاادي خااالص بس طبعا لمبة ال
" Check " منورة بس ,, ولما الميكانيكي جالي بجهاز كده تقريبا كشف اعطال حتى مش عارف هو كان بيستخدمه صح اوي ولا لا بس فرضا انه استخدمه صح كان بيطلع ال Error ==> P0657

,, ولما دخلت على النت لاقيته بيتكلم فيه :: supply voltage circuit relay

انا عاوز بس منكم حاجتين :: -
1- في حد عارف ايه طبيعة المشكله دي
2- اعمل ايه يعني انا فكرت اوديها التوكيل بس كده غالبا هجيب ونش ببقى ولا ايه