يعنى حضرتك عايز تعمل ورشة تعديل فيبر و بودى كيت و كده + الاكسسوارات المختلفة للعربيات .....
لو كده , حضرتك لازم تكون بتعرف تصب فيبر و تعمل اسطمبات او على الاقل فى الاول تكون بتعرف تسحب اسطمبة من اسطمبة جاهزة انت شاريها , ده بالنسبة لموضوع الفيبر و تعديل العربيات من بره .. ( محتاج مجهود على فكرة مش سهل )
بالنسبة لجوه حضرتك هتحتاج تتعامل مع سروجى محترم و كهربائى علشان اى حاجة هتتعمل , او تتعلم ازى تعمل شغل الكهرباء البسيط , ومحتاج تعرف ازاى تعدل فوانيس و تعمل دواير الكهرباء و كده , هى سهلة بس محتاجه تجربة كذا مرة لغاية ما تتقنها .....
بالنسبة للكماليات و الاكسسوارات , هتشوف تاجر جملة تتعامل معاه و دول غالبا فى القاهرة التوفيقية , او توصل للمستورد نفسه و تجيب منه الحاجة ..........
موضوع الاستيكرات ده سهل هى مكنة طباعة بتتشرى و الاستيكرات فيه كتير جاهز على النت و بتطبع و بتلزق و خلاص ....
الموضوع عموما سهل مش صعب , بس محتاج منك مجهود انك تتعلم الحاجات الى هتحتاج لها فى شغلك .... ربنا معاك و بالتوفيق ان شاء الله ..
المفضلات