محتار يا جماعة وعاوز رأيكو علشان بقيت بكلم نفسى قبل ما انام

**Hmatchy** · 01-06-2010 06:59 PM

أولاً السلام عليكم يا اجمل أخوة و أصدقاء
انا واقع فى حيرة جامدة أوى و ما يعلم بيها الا ربنا
انا ناويت الحمد لله اجيب FSV gls مانيوال العربية شكلها عاجبنى جدا و امكانيتها تحفة وشبابية واستهلاك بنزين بسيط باختصار فيها كل اللى نفسى فيه
انا ناوى أجيبها قسط ان شاء الله المهم و انا ببوص فى أخبر السيرات بتاع الاهرام لقيت بافاريان عاملة عرض على سبلندور وجالينا قسط بدون فوائد قلت أسئل يمكن الاقى حبيبتى FSV بس للأسف قالى دى موش فى العرض طب يا عم علشان المكالمة متبقاش أونطة قولى عرض الاسبلندور
انا قلت هيقولى مثلا تدفع 60 او 70 و أقسط الباقى على سنة ولا حاجة لقيتو بيقولى هتدفع 27 الف بس و الباقى هتقسطوا على 3 سنين يعنى الفين جنيه كل شهر استغربت و خت رقم المسئول اتصلت بيه اكدلى الكلام قفلت معاه وحسبتها تانى لقيت ان كدة الاسبلندور هتكون تقريباً بتمن الFSV ويمكن أرخص ب 10 الاف جنيه كمان بقيت هتجنن
وسألت واحد صاحبى معاه FRV قالى الاسبلندور أرخص قطع غيار فى موديلات بريلليانس كلها ومن ساعتها وانا عمال افكر وبلف حوالين نفسى موش عارف أعمل ايه
أنا حابب الFSV اكتر من الاسبلندور بس انا لقيت نفسى بتكلم فى فرق فلوس حوالى 20 أو 25 ألف جنيه(15 الفرق بين سعر العربيتين + باقى فرق الفائدة حوالى 10 الاف)
حد يقوللى أعمل ايه وينصحنى انا زيى أخوكوا الصغير و اللى هيقولى رد يريحنى ويقنعنى ليه عندى عزومة على أيس كريم بمناسبة الحر دا

**SHERIF2009BHIT** · 02-06-2010 12:00 AM

splendor or BS4 السيارة واخدة صفر فى اختبار التصادم الاوروبى انا عن نغسى كنت معجب بها جدا ولكن من الملاحظ السعرعالى كان 110 الف ثم اصبح 100 الف والمبيعات منها ضغيفة عكس FRVالموتور اعتقد نفس موتور FRV 1600 CC مع اختلاف حجم السيارة العرض اللى حضرتك بتثول علية مغرى جدا ولكن شكل FSV اجمل استخير ربنا وادرس المواصفات كويس واسال حد جرب السيارة انا عن نفسى مجربFRV وهى ادائها ممتاز وربنا يوفقك

**Hmatchy** · 02-06-2010 12:04 AM

المشاركة الأصلية كتبت بواسطة sonson56

فى الحقيقة يا صديقى انا لسة شارى بريليانس frv 2010 بسعر 74000 و بالفوائد توصل 97500 يعنى الفرق 1500 ج بس و طبعا احتارت زيك بس كانت خلاص الفأس وقعت فى الراس و اشتريت و مضيت شيكات للبنك و لا ينفع الندم بس للأمانة فى ناس قالولى ان التوكيل عامل العرض ده علشان العربية دى مش بتتباع و مش كويسة بس انا بشك فى الكلام ده و ممكن يبقى كلام معارض علشان ما يقطعوش على نفسهم - المهم انصحك انك تدور كويس فى المنتدى على مواصفات العربية دى و مميزاتها و عيوبها و استخير ربنا و ما تتردش و ربنا يوفقك و ممكن تلحق تعمل اللى انا ما لحقتش اعمله و بالتوفيق :b4_388: و انصحك ما تسمعش كلام من حد ما جربش العربية لأن اللى بيفتوا بدون علم كتير .

انا متشكر على ردك و الحقيقة انا موش لاقى حد معاه سبلندور علشان أسئلو عليها و موش منتشرة كتير
بس ادينى بدور وبسئل وربنا يسهل و يقدملى اللى فيه الخير

**Hmatchy** · 02-06-2010 12:10 AM

المشاركة الأصلية كتبت بواسطة sherif2009bhit

splendor or bs4 السيارة واخدة صفر فى اختبار التصادم الاوروبى انا عن نغسى كنت معجب بها جدا ولكن من الملاحظ السعرعالى كان 110 الف ثم اصبح 100 الف والمبيعات منها ضغيفة عكس frvالموتور اعتقد نفس موتور frv 1600 cc مع اختلاف حجم السيارة العرض اللى حضرتك بتثول علية مغرى جدا ولكن شكل fsv اجمل استخير ربنا وادرس المواصفات كويس واسال حد جرب السيارة انا عن نفسى مجربfrv وهى ادائها ممتاز وربنا يوفقك

أستاذ شريف أشكرك على النصيحة بس اللى انت قصدك عليها دى خدت 3 نجوم على ما أعتقد اللى خدت صفر دى الجالينا
و انا شكلى هجيب الfsv لأنى مجرب زيك frv وعجبانى أكتر من الاسبلدور

**Hmatchy** · 02-06-2010 01:56 PM

المشاركة الأصلية كتبت بواسطة m1988

والله انا معاى frvوبابا معاه الاسبلندر ولما عربيتى كانت فى التوكيل كنت باخد عربيته والله الاسبلندر ديه احسن عربيه نزلتها البرليانس وعن تجربه ثبات وفخامه وسواقه وكل حاجه العربيه بسم الله ماشاء الله عليه واقسم بالله العربيه ديه مش واخده حقه خالص هى مشكلتها الوحيده طولها وعرضها بس يعنى فى الزحمه مش حتسلك زى frv واسئل فى التوكيل شوف حيقولك عليها ايه لكن الجالينا عربيه فاشله جدا وربنا يسهلك ومبروك مقدمنا

ماهو مشكلة الاسبلندور انها اتخدت فى الرجلين مع الجالينا وكمان علشان نزول السيراتو اللى موش بس أثر على الاسبلندور لكن أثر على عربيات كتير
انا زيك كدة عارف انها عربية جميلة بس كبيرة أوى عليا خصوصا انا عند شغلى فى أزمة فى ركن العربيات دا اللى معاه ماروتى بيحتاس بيه
عموما انا متشكر لحضرتك جدا و واضح انك من عائلة تعشق البريلليانس يعنى ناس بتفهم