الموضوع: افضل الطرق للحام الكوتش التيوبلس

المشاركة الأصلية كتبت بواسطة axel

ابعد عن حاجة اسمها خوابير كله اشتغالات و في الاخر هتخليك ترمي الكاوتش بعد كام خابور

و يقولكده امريكي و ده هندي و ده مصري و كله واحد و بعضهم بيجيب كارتة الخوابير فيها 5 خوابير بيقسم كل خابور لاتنين و يخلي كارتة زي مهي و يقولك ده صيني و ده امريكي و الاتنين واحد
و كارتة الخوابير 3-5 ج فيها 5 خوابير

أفضل شئ اللحام لأنه بيسد الخرم نهائيا وفي الاخر بيتساوي

زي ما وضحت المثل قبل كده

لو عندنا ازازتين مية بلاستيك مخرومين
أول ازازة سدينا الخرم بحتة بلاستيك او كرتونة ملزوقة بغراء او أمير
و التانية جبنا حتة بلاستيك و سيحناها و مكان الخرم و باقي جدار الازازة بقي واحد

ايهما أفضل ؟؟؟

جزاك الله خيرا حبيبى عموووور

لان العجله عندى كل يومين الاقيها بتريح خالص على الارض
رحت لباع الكوتش قالى لازمها خابور قالى فيه واحد صينى لونه اصفر ب5 جنيه وفيه امريكى ب 10 جنيه
المهم قلتله الامريكى بس ب 7 جنيه قالى ماشى وبدأء يوسع الخرم علشان يضع الخابور
وبعد ما وضعه كشف على العجله لقاها لسه بتنفس من نفس الخرم راح حاطط خابور تانى
حسيت انها اشتغاله ... المهم سبته لما خلص وبردوا فيها تنفيس بسيط قالى هو هيسد لوحده لما العربيه تمشى .... باديله 7 جنيه قالى انا ركبت اتنين يعنى الحساب 14 جنيه
قلتله انا مقلتلكش توسع الخرم علشان تركب اتنين احنا اتفاقنا على واحد بس
فضل يتنطط ويخبط ايده رحت سايبوه وماشى

المهم ان العجله ريحت تانى ولا زم كل شويه انفخها اعمل ايه ؟؟؟؟

المشاركة الأصلية كتبت بواسطة hamaza81

ببص يا كومي على حسب عمر الكاوتش
لو الكاوتش قديم أومعاد تغييره قرب أو هو أصلا فيه لحامات خوابير كتير قبل كدة يبقى خليك في الخوابير وأنا رأيي ان كلها واحد سيبك من الهجص بتاع الامريكي والصيني والكلام دا

أما لو الكاوتش لسة في أولة يبقى خليك في اللحام الداخلي سواء على البارد أو الساخن وهم بتوع الكاوتش غالبا بيعملوا البارد

أهم من دا كله بلاش تتعامل مع بتوع الكاوتش اللي في البنزينة .... غالبا هاتندم
شوف حد بتاع كاوتش يكون بيتقي ربنا لانك لو وقعت مع واحد ما عندوش ضمير ها تتبهدل

جزاك الله خيرا حماذه على الرد
الكوتش يعتبر 50 % يعنى مش جديد ولا قديم قوى

وفعلا بتوع الكوتش بقى سفاحين ربنا يهدى

المشاركة الأصلية كتبت بواسطة axel

صباح الاشتغالات فكر فيها لو كان فعلا امريكي او مكلفه مكنش نزل من 10 - 7 زي مقولتلك الكارتة فيها 5 خوابير بـ3-5 جنيه ههههههه و قولتلك ع باقي القصة بيعملوا ايه
سيبك من المحلات الا لو محل كويس تعرفه
و لو عملت في بنزينة اعمل في بنزينة وطنية و مفيش حاجة عندهم اسمها ده نوعه كذا و ده نوعه كذا و السعر موحد و الاسعار متعلقة كمان قدامك
و لو حصل و حطلك خابورين في نفس الخرم بيحسبلك ع انه خابور واحد
لكن سيبك من الخوابير خالص و خليك في اللحام لأن الفرق مش كبيير 2-3 ج و هتريحك و أضمن من الخابور و الضامن هو الله
روح لشخص تاني يشيل الخابور و يلحم مكانه لأن واضح ان بتاع الكاوتش ده استهبل فيها و وسع المكان اووي و بعد كده متعملش غير لحام
و اللحام متدفعش فيه اكتر من 7-8 ج ابدا و مش ع البارد

و عشان متقرفش نفسك و تتزنق و تبقي مضطر تروح لأي حد خلي معاك منفاخ هوا و مقياس في العربية حصل و ريحت تملاها و خاصة انها تيوبليس و تقدر تمشي بيها لحد ما توصل لمكان كويس و تعملها فيه :)

بس العربية عاملة عندك كام كيلو ؟ و الكاوتش ده الفبريكة فيها الجوود يير ؟؟ و لا متغير ؟؟

سمعت ان اللحام على الساخن بيبوظ السلك فى العجله
لانه يجعله يتمدد اكثر من اللازم الكلام ده صح ام خطأ

المشاركة الأصلية كتبت بواسطة ahmed1006

اسوء شئ فالدنيا الخوابير دي
بجد كل ما اجربها مرة العجلة تبوظ خالص بعدها واغيرها كلها
لحد ما حرمت اعمل لحام كده
نصيحة بلاش خوابير فلحام العجل ..

جزاك الله خيرا
استاذ احمد على النصيحه
بارك الله فيك