محتار بين نوبيرا او byd

**lonedoctor** · 29-04-2012 02:32 PM

المشاركة الأصلية كتبت بواسطة kimo-nubira

استسلام ايه بس هو احنا في حرب ؟؟ الراجل داخل يقارن بين عربيتين انت من ملاك واحده منهم

كل اللي عليك تقوله مميزات وعيوب عربيتك وانا من ملاك العربيه الاخري نفس الوضع

والراجل هو اللي يختار لـــيه تفرض رأيك بالتعصب ده ؟؟

وانا والله كان عندي راي ومكنتش عايز اقوله علشان محدش يقول بي اني متعصب للدايو بس للاسف مضطر اقوله

انا شايف ان العربيتين ماينفعش اصلا يتقارنو ببعض والمقارنه هاتبقي ظالمه للبي واي دي

زي مثلا انا ماينفعش اقارن نوبيرا بلانسر او تيوتا لانها محسومه من البدايه

لان العربيات ديه ليها تاريخ مش عربيه لسه بنت امبارح والناس لسه معرفتهاش

ولا يهمك ياباشا انا قصدى الاستسلام من الشعب المصرى موش من الحوار فى المنتدى وربنا يخلى لك سيارتك ويبارك لك فيها ويكفيك شرها وستظل الدايو سيارات لها تاريخ حتى ولو اصبحت جزء من التاريخ الى الابد
تقبل تحياتى

**bassem.naguib** · 29-04-2012 02:43 PM

كيمو نوبيرا باشا .. عندك حق مينفعش نقارن بين عربيتين من جهتين مصنعتين (يعني منقارنش الياباني بالكوري على سبيل المثال) لاختلاف العراقة في المنشأ.

بس عاوزك ترجع بالزمن شوية وتشوف بدايات الياباني والكوري في أواخر السبعينات وأوائل التمانينات .. كان الناس بتقول زي ما أنت بتقول دلوقتي .. أيه ده حد يقارن عربية كاديلاك أو فيات بعربية ياباني أو كوري ؟!! وطبعاً المقارنة كانت ظالمة لأن الياباني والكوري كانوا لسه بيحبوا في عالم السيارات .

إنما ما يميز الصيني دلوقتي أنه ابتدى من حيث أنتهى إليه الأخرون
وبيطوروا جامد مع عدم إغفال الميزة السعرية الفظيعة اللي بيقدموها مقابل الكماليات والإمكانيات اللي في عربياتهم .. فالزمن القادم ولعقود عديدة حيكون للصيني مش في مصر بس ولكن في العالم كله .

ومتفق معاك في باقي كلامك بشأن أن كل عربية ليها عيوبها ومميزاتها حتى لو كانت مرسيدس أو بي أم .

**bassem.naguib** · 29-04-2012 03:25 PM

المشاركة الأصلية كتبت بواسطة kimo-nubira

الف شكر لتفهمك واسلوبك الراقي في الحوار بس احب اطمنك من ناحيه قطع الغيار فهى لحد وقتنا هذا بتتصنع في جنرال موتوز

وفي مصر قطع الغيار الدايو عموما متوفره بكثره النقطه ديه ملهاش علاقه بالافلاس او بيع دايو عموما تقبل تحياتي ويارب ماكونش ضايقتك

ما شيء طبيعي تكون قطع الغيار متوافرة .. مهياش يعني عربية موديل الأربعينات ولا التلاتينات علشان تنقرض ، ده حتى في نقطة أثيرت عن الشيفورليه لانوس أن معظم القطع المصنعة منها في مصر عمنا منصور مستوردها من الصين لتخفيض التكاليف عكس الدايو لانوس في أول نزولها كانت مصنعة من قطع غيار أصلية مش مضروبة (على فكرة فيه صناعات صيني نمرة واحد وأنضف من الياباني كمان بس القدرة الشرائية للمستهلك والاسترخاص هو اللي مودينا في داهية)

كلامك مظبوط يا باسم وانا معاك في نقط كتير منه بس

مــع احترامي للصين في التصنيع ديما يعتمدو علي التقليد وده شئ مش ظريف مستقبلا

عكس الكورين في بدايتهم كان اعتمدهم علي افكار وتصميمات جديده وكانو بيعتدمو علي انفسهم

علي العكس الصينين تحس انهم واخدين من كل عربيه حته وده يعيبهم الي حد كبير

حيضرك أيه كمستخدم للعربية أنها متقلدة من عربية تانية ؟!! أحنا اللي يهمنا أن العربية حلوة وسعرها مناسب ومقضية العرض منها وزيادة مقابل سعرها .. وبعدين يا سيدي ما كل الشركات المصنعة للعربيات في العالم بتقتبس من بعضها التصميمات مع إدخال تعديلات بسيطة عليها .. الكلام اللي بتقوله ده الشركات ومراكز أبحاثها وتطويرها تعاير بعضيها بيه أقولك ماشي .. إنما الموضوع ده ميهمناش في المقام الأول كمستخدمين للسيارة في شيء .

متزعلش مني بصراحة لما بسمع الرأي ده سواء منك أو من غيرك (مع كامل احترامي طبعاً) بحس أنه ينطبق عليه المثل "ملاقوش في الورد عيب قالوا أحمر الخدين" .

**ahmad--ezzat** · 29-04-2012 06:20 PM

هههههههههههههههههههه

**refoo** · 29-04-2012 09:22 PM

من غير تحيز و بعقلانيه تامه
العربيتين حلوين وكل واحده فيه مميزات عن التانيه
بي واي دي أوبشن زياده و موديلات حديثه شكل أفضل و طبعا شبه الكورولا و قطع غيارها ليها بديل ياباني
نوبيرا أعتماديه بالدرجه الأولي وسع رهيب و قطع غيار برخص التراب و أي ميكانيكي بيفهم فيها
بس في سؤال عايزك تسأله لنفسك
ليه عربيه قديمه وأنتاجها وقف ولسه ماسكه سعرها في حين أن البي واي لو هتجيب موديل 2010 هيكون في نفس السعر ده غير أنك هتلاقي الطلب علي النوبيرا أكتر واللي يقولك أصلها ثقافه شعب متأخر والكلام ده سيبك منو, ممكن يكون كلامو صح بس أحنا من الشعب ده
الخلاصه هات عربيه واسعه وعائليه وميكانيكا سهله وعمر العربيه ماهتكسفك في جري أو ثبات مطلقا و أثبتت نجاحه 100% في السوق المصري وسيبك من اللي بيقول أنها من العربيات الفاشله وبقوله يافندم أخرج بعربيتك لمده ساعه أتمشي في شوارع مصر وعد كام نوبيرا هتشوفها و أنت ساعتها أكيد هتراجع نفسك في الكلام ده

**sv065** · 29-04-2012 11:15 PM

السادة الأفاضل

برجاء الهدوء وعدم إخراج الموضوع عن هدفه الرئيسي وهو المقارنة بين موديلات مختلفة

والإلتزام بقوانين المنتدي بعدم شخصنة الحوار ففي النهاية كلنا متفقون أننا نحترم رأي الآخرين مهما كان مخالفا لوجهة نظرنا وكلنا هنا لنكتسب ونتبادل الخبرات من بعضنا وليس للتحيز أوالتعصب لشيء معين

فكم من أحباء كسبناهم من هذا الموقع وصاروا أكثر من الأهل فلنحتوي بعضنا بود ورفق ومحبة مهما إختلفنا في الرأي الذي لا يفسد للود قضية

**memofree** · 30-04-2012 03:54 AM

نوبيرا طبعا

**hazemhassan** · 06-05-2012 08:59 PM

المشاركة الأصلية كتبت بواسطة lonedoctor

النوبيرا فاشلة--يعنى مصنع دايو لما فلس فى 2004 فلس من شوية ؟ماهو من العربيات التعبانة دى

شكرا ياباشا
بس انا شيفورلية .........................................
من افشل الى افششششششششششششششششششششششش ل
ههههههههههههههههههههههه
ومن وجة نظرى طلاما الاتنين مستعملين
يبقى نوبيرا

-

الموضوع: محتار بين نوبيرا او byd

LinkBack

أدوات الموضوع

عرض

-

-

-

-

-

-

المواضيع المتشابهه

محتار بين نوبيرا و لوجان

محتار بين لانسر كريستاله ومكوة ودايو نوبيرا

محتار اركب رشاشات نوبيرا ولا لانوس !

فيرنا ولا نوبيرا محتار جدا

محتار بين لانوس و نوبيرا مستعمل

الكلمات الدلالية لهذا الموضوع

المفضلات

المفضلات

ضوابط المشاركة