المشاركة الأصلية كتبت بواسطة lonedoctor
ولا يهمك ياباشا انا قصدى الاستسلام من الشعب المصرى موش من الحوار فى المنتدى وربنا يخلى لك سيارتك ويبارك لك فيها ويكفيك شرها وستظل الدايو سيارات لها تاريخ حتى ولو اصبحت جزء من التاريخ الى الابد
تقبل تحياتى
الف شكر لتفهمك واسلوبك الراقي في الحوار بس احب اطمنك من ناحيه قطع الغيار فهى لحد وقتنا هذا بتتصنع في جنرال موتوز
وفي مصر قطع الغيار الدايو عموما متوفره بكثره النقطه ديه ملهاش علاقه بالافلاس او بيع دايو عموما تقبل تحياتي ويارب ماكونش ضايقتك
المشاركة الأصلية كتبت بواسطة ziabassem
كيمو نوبيرا باشا .. عندك حق مينفعش نقارن بين عربيتين من جهتين مصنعتين (يعني منقارنش الياباني بالكوري على سبيل المثال) لاختلاف العراقة في المنشأ.
بس عاوزك ترجع بالزمن شوية وتشوف بدايات الياباني والكوري في أواخر السبعينات وأوائل التمانينات .. كان الناس بتقول زي ما أنت بتقول دلوقتي .. أيه ده حد يقارن عربية كاديلاك أو فيات بعربية ياباني أو كوري ؟!! وطبعاً المقارنة كانت ظالمة لأن الياباني والكوري كانوا لسه بيحبوا في عالم السيارات .
إنما ما يميز الصيني دلوقتي أنه ابتدى من حيث أنتهى إليه الأخرون
وبيطوروا جامد مع عدم إغفال الميزة السعرية الفظيعة اللي بيقدموها مقابل الكماليات والإمكانيات اللي في عربياتهم .. فالزمن القادم ولعقود عديدة حيكون للصيني مش في مصر بس ولكن في العالم كله .
ومتفق معاك في باقي كلامك بشأن أن كل عربية ليها عيوبها ومميزاتها حتى لو كانت مرسيدس أو بي أم .
كلامك مظبوط يا باسم وانا معاك في نقط كتير منه بس
مــع احترامي للصين في التصنيع ديما يعتمدو علي التقليد وده شئ مش ظريف مستقبلا
عكس الكورين في بدايتهم كان اعتمدهم علي افكار وتصميمات جديده وكانو بيعتدمو علي انفسهم
علي العكس الصينين تحس انهم واخدين من كل عربيه حته وده يعيبهم الي حد كبير
المفضلات