كل ماركب كباس لليارس يبوظ لماذا؟

**as2998** · 28-04-2012 03:29 PM

ياجماعة كل ماركب كباس للتكييف يبوظ لغاية من كام يوم نصحنى فنى التكيفات بتركيب تكييف كورولا استيراد وفعلاً ركبه للسيارة بعد اجراء بعض التعديلات وركب كتاوت للكباس علشان يفصل وفعلاً اشتغل كويس ولكن بعد اربع ايام التكييف عطل تانى وقالى ان فيه مبينه باظت لازم تتغير وسلك الكتاوت المتركب جديد ساح وطلب منى ترجيع الكباس وشراء واحد جديد تانى بدل منه .
علماً بان السيارة موديل 2006 وباظ 4 كباسات قبل هذا
فما الحل هل هو عيب كهرباء ام ماذا؟

**أشرف العدوي** · 26-05-2012 01:05 PM

انا لسة مصدوم زيك كدة أمبارح
الكباس الله يرحمه
و بردو أتقالي اجيب كباس كرولا استيراد يأما نوع جديد كدة سنغافوري عامل 2200 جنيه
لسة مش عارف هعمل ايه
بس غيربة أن تويوتا يحصل فيها كدة

أنا معايا 2007

**أشرف العدوي** · 03-06-2012 10:08 AM

أنا أخر حاجة وصلتلها أمبارح
بعد ما روحت جبت كباس أستيراد
رفض المركز تركيبه و شرحلي فكرة عمل كباس الياريس و الكرولا و انهم عرضة للتلف بنسبة اكبر من غيرهم
لان الكباس بيبقى شغال أول ما تدور العربية يعني صيف شتاء شغال طول ما العربية دايرة علشان كدة بيستهلك بسرعة
الحل تركيب كباس تكييف نزوع دانسون سنغافوري و تعديل في المواسير و قاعدة الكباس و عليه ضمان سنة
الكباس تمنه 1300 جنيه و التعديل و الشحن و كله يبقى الحوار كله هيتكلف 1900

بس الموضوع بياخد يوم بحالة
و السيستم هيتقلب زي العربيات العادية الي هي تدوس على زرار التكييف الكباس يشتغل

أنتوا ايه رايكوا في الحوار ده

على فكرة النصيحة دي خدتها من 2 بتوع تكييف
و كمان أمبارح كان في باسات بتركب الكباس ده عند الراجل

**أشرف العدوي** · 03-06-2012 10:36 AM

أسف الماركة أسمها ساندن مش دانسون
و اثناء البحث لقيت ليها توكيل في المعادي
و كاتب على الصفحة بتاعته ان عنده قطع غيار لجميع أنواع الكباس الخاصة بالسيارات
أنا أن شاء الله أروحله و أشوف ايه النظام و اقولكم
بس الموضوع ممكن يخلص على الأسبوع الي جاي علشان انا مش فاضي الاسبوع ده خالص

**أشرف العدوي** · 09-06-2012 10:32 AM

أمبارح روحت لكذا واحد منهم واحد في ناس كتير شكرت فيه بدون ذكر أسماء
كلامه معجبنيش خالص
و خصوصاً انه قالي تكلفة في التليفون و لما روحت قبل ما يكشف زود حوالي 300 جنيه
سيبته و طلعت على شركة في المعادي جابلي الناهية
قالي سيبك من شغل القواعد و الكلام ده
انت تجيب الكباس بتاعها و تغير معاه السربنتينة
روحت لواحد تاني في السيدة تبع واحد زميلي قالي نفس الكلام
و لازم السربنتينة تتغير معاه و هو بدون ضمان و تمن الكباس بتاعها الياباني على أساس كلامه 2800 جديد بدون ضمان و تغير السربنتينة بـ 700 و مصنعية و شحن 250 يبقى كله 3750
طبعاً التكلفة ذادت الضعف عن ما كنت متخيل

في ملاحظة غريبة
الثلاث محلات الي عديت عليهم كنت بلاقي عندهم عربيات أوكتافيا a5 بتغير الكباس و لما استفسرت قالي اصله نفس نظام الكباس الي عندي

هو على حد ما فهمت منهم انه مش شغال على طول بالمعنى المفهوم بس نظامه بيختلف عن التكييف بتاع الأفيو مثلاً
يعني ده ليه كنترول لوحده و حساس هو المسئول عن دخول الهواء الساقع لما تدوس على زرار التكييف و لكن الكمبرويسور بيبقى شغال اول ما تدور و الموضوع ده في معظم العربيات الحديثة علشان ما تحسش بخنقة العربية لما تشغل التكييف ( يعني ما تحسش بأختلاف في السحب و السرعة لما تدوس على الزرار ) و علشان كدة اول ما بتدوس على الزرار بيطلع هواء ساقع على طول مش زي عندي مثلا في الأفيو بتاخد بتاع 30 إلى 40 ثانية علشان تحس بسقوعية الهواء الي خارج

ده الي انا فهمته من شركة متخصصة في المعادي و ممكن أكون فهمت غلط لاني مش فني قوي

**mbx4e** · 10-06-2012 03:19 PM

المشكله انه ماحدش فاهم ايه نوع الدوره بتاعت الياريس
وواضح كدا طالما الكمبروسر بتحرق او بيبوز ان الدايره فيها عيب تاني هو اللي بيحمل على الكباس ( اخبار الاكبنشن فالف ايه ؟؟)

-

الموضوع: كل ماركب كباس لليارس يبوظ لماذا؟

LinkBack

أدوات الموضوع

عرض

-

-

-

-

المواضيع المتشابهه

نزلت التنك وبعد ماركب مش بيتفول

بعد ماركب التاكسي حـــس __ ربـنا يستـر_ خللي بالكوا

كباس التكييف عندى باظ وعايز اركب كباس يابانى

كباس التكييف عندى باظ وعايز اركب كباس يابانى

ركبت بطارية ماركب فى العربيه.

الكلمات الدلالية لهذا الموضوع

المفضلات

المفضلات

ضوابط المشاركة