الموضوع: جوله مصوره داخل جناح " فيات " بمعرض اوتوماك

المشاركة الأصلية كتبت بواسطة topfield

جميل جدا بس كان نفسي تصور البونتو من الداخل انا كنت عمال اقلب فى الصور بتاعتك عشان اوصل للبونتو معلش المهم مجهودك اكتر من رائع ومشكووووور كتييييير على افادتك للجميع هنا من فيات/نيل موتورز

انا اسف فعلا نسيت خالص اصور البونتو بالرغم من انى دخلت قعدت فيها ... بس بجد العربيه ديه عجبانى جدا ... سعرها معقول , موفره فى البنزين و عمليه و فيها ايرباجز و ABS و جينوط اسبور و فوج لايتس .

المشاركة الأصلية كتبت بواسطة mohamed ibiza

بجد بجد بجد بجد بجد بجد بجد التحفه الفعلية الصغيرة 500 عربية معدية فعلا تحفه بس للاسف ثقافة الشعب المصري مش هتدي للعربية دي سوق خالص و هتتباع التيلة:( انا عن نفسي لو بفكر في عربية بمواصفاتها مش هشتري غيرها لانها تحفه فعلا البرافو حلوة بس في تصميمات احلي من كده الجراند tjet برضه في تصميمات احلي من كده بس الموتور هيبقي تحفه في الاداء شفتوا بقي رئيس العصابة المضادة روحه رياضية ازاي :D

الف شكر ل رئيس عصابه سيات على الى الروح الرياضيه و معاك فعلا ال500 تحفه بكل المقايس .... ياريت اشوفها بتمشى فى شوارع مصر .

المشاركة الأصلية كتبت بواسطة creative

بجد بجد مجهودك اكتر من رائع يامهاب وانا متابع حركة نزول سيارات فيات الجديدة فى مصر وبحاول اعرف كل حاجة عن امكانيتهم على النت وكنت مبهور بالجراند بونتو وكانت فى فى تقييم تم فى انجلترا عن البيجو 307 والاوبل استرا والجراند بونتو تفوقت الجراند بونتو عنهم بفوارق بسيطة من حيث السعر مقابل الامكانيات
وكمان كنت مبهور طبعا بالبرافو بس مستنى اجمع معلومات كافية عنها
انا بصراحة بحب التصميم الايطالى فى كل حاجة لو بجد خد التوكيل لو عمل دعاية وخد باله من نفسه كويس هايكسب ثقة العملاء لان بجد الموديلات اكثر من رائعة

الف شكر يا كريتف على كلامك الجميل ... فعلا بالرغم من البونتو B - segmen الى انها كمواصفات و قياسات و تصميم ... اعلى من كل العربيات الى فى نفس فأتها .. وسعرها ممتاز جدا جدا و تستاهل كل قرش فيها .... وعلاشان كده ممكن تتقارن ب فئه سيارات ال C - segmen

المشاركة الأصلية كتبت بواسطة tutankhamoun

أولا أحب أشكر ........ الأستاذ مهاب جدا على هذه الجولة و الصور في جناح ............. العريقة الجميلة فيات

من أفضل السيارات التي أقتنيتها طوال حياتي ..........فيات معشوقتي الجميلة بالإضافة لبروتون

أنا نفسي في الجراند بونتو .............. أيه الجمال ده

تصميم غير متكلف و جميل و هادئ جدا و محرك توربو ... أوعى وشك


شكرا يا أستاذ مهاب

العفو ..يا استاذ توت وانا الى بشكرك على كلامك الجميل ومشاركتك الجميله ..و كل مواضيعك الى منوره المنتدى
ربنا يباركلك فى البونتو و الجين 2 يارب , وعقبال ما نشوف البونتو بتاعت حضرتك بقت جراند بونتو ... ويبقى عندك " الجميله و الوحش "

المشاركة الأصلية كتبت بواسطة ahmed_su

مش ممكن ايه الجمال ده والحلاوة دى ...

تحفة بجد ....تسلم ايديك قضيت لحظات من المتعة مع صور

حبى الاول والاخير ....فيات !!!!

اهلا بيك يا استاذ احمد .تسلم يا باشا . الحمد لله ان الموضوع عجبك ...... على فكره انا زيك حبى الاول و الاخير لفيات ...فى علاقه حب بتربطى ب فيات و كل السيارات الايطاليه .
وده الى مخلينى واقف ضد فكره بيع ال131 ...