تركيب جنط اكبر مع كاوتش اعرض بيغير اداء العربية خالص
لاحظ ان كل حاجة بتعملها و انت سايق بتترجم فى الاخر من خلال الكاوتش و تماسكة مع الارض سواء تسارع او تغيير اتجاة او فرملة
مع الكاوتش الاعرض و الجنط الاكبر هتقدر تطلع طلعات اقوى من غير ما الكاوتش يفرك فى الارض على الفاضى بالتالى هتقدر توصل لسرعة اعلى فى نفس الزمن...
و هتقدر تدوس على دواسة الفرامل بشكل اقوى من غير ما العجل يقفش منك بالتالى هتقدر تقف فى مسافة اقصر من المعتاد
و هتلاقى استجابة الدركسيون بقت احسن يعنى كل مللى متر هتحودة من الدركسيون بيترجم الى تغيير فى اتجاه العربية فعلا
و طبعا فى الملفات هتلاقى العربية ماسكة نفسها و مش بتطوح لبرة مع السرعة العالية او مع حدة الملف
و اخيرا تحسن تماسك الكاوتش مع الطريق فى الامطار و الطرق الزلقة
MMamdouh
المفضلات