نظام ال vsc في التويوتا ...

**me_medoo** · 02-05-2012 01:40 AM

اها ،. لا هو بالنسبة لخرطوم الزيت ده فعلاً. هتبقى حاجة ممكن تحرق المطور بس الحمدالله انهم بيغيروه على طول

بالنسبة للفرامل هيا بتخلص على ١٠.٠٠٠ كيلو زي الكورولا الجديدة ولا على ٤٠.٠٠٠ اذا على الاربعين مفيش مشكلة
وبالنسبة للستارة الكهربا بطلو لعب فيها وهيا متخربش ههههههههههه زي زمان كان عندي بيجو ٤٠٦ الجديدة والعربية زيرو وكل شوية يخرب قزاز الكهربا فيها. لقيت المهندس في توكيل الوهدان بيقلي بطلووو لعب فيها وهيا متخربش هههههههه

بالنسبة لعلبة الدريكسيون. ده فعلاً عيب شائع في بعض موديلات شركة تويوتا. زي الديهاتسو سيريون والماتريا بس انا في السيريون رحت التوكيل وغيرولي علية الدريكسيون في الضمان مع اني كنت بره الضمان بس عارفين انو عيب حقيقي من الشركة الأم تويوتا ... عامة ربنا يباركلك فيها يادكتور ويكفيك شر اعطالها وشر الطريق ، بس ابقى هاتلي ستاره كهربا. الله يباركلك وانتا جي مصر ههههههههه نفسي اقعد العب كده في الستارة الي ورى ههههههه. والناس تقول ياااااااه اده تكنولوجيا ... وتحياتي ليك يا دكتور

**S O P H O S** · 02-05-2012 04:00 AM

استني يا ميدو
انت كان معاك سيريون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

**me_medoo** · 02-05-2012 04:51 AM

اه ياريس ٢٠٠٨ و Glx كمان. ١٥٠٠ سي سي

**د.محمود صلاح** · 02-05-2012 06:30 AM

شكرا لمروركم الكريم ...

**me_medoo** · 02-05-2012 06:58 PM

حبيبي يا أحمد أذا عاوز تجيب عربية جمب الكورولا هات سيريون ... بس اوعه تفرط في التويوتا كورولا أبدا أبداً ألا أذا كانت عربيتك ضربها الدم ..

بالنسبة للسريون هيا بنت تويوتا الصغيرة ... واغلب مشاكلها هيا هيا نفسها الي هتلاقيها في التويوتا ... بس نصيحة هات ال GLX دي بتبقى فل فل اوبشن ... شعورك وانتا راكبها مش زي أي شعور تاني يعني مش قادر أشبها بحاجة معينة غير أنك ملك الدنيا والعربية كلها بتاعتك وجميع أبعادها قدام عنيك .

في ركنتها بتقدر تركنها في اي مكان وفي وسعها مفيش اتنين يقدرو يختلفوا عليها ده انا كنت مركب واحد جمبي قد زاكيا زكريا وكان قاعد مستريح على الاخـر . والاتوماتيك منها رائع وبنالسبه للتسارع والثبات مفيش بعد كده ... حتى المطبات مبتحيسش بيها .

فرق الاوبشن الجي ال أكس عن الجي ال بس فروق توصل بأكتر من 10 الاف جنيه ... من اول الجنوط للابويلر للكاسيت ال mp3 بتاعها للمقابض النيكل ويكفي اني اقولك الكاسيت بتعها لوحدو الاصلي تمنو 6000 جنيه وي مش فاكر .

بالنسبة لقطع غيارها متوفرة وتوكيلها توكيل محترم جداً عبداللطيف جميل بتاع السعودية موجود في مصر .

نيجي باه لعيوبها :

1- الطانبير فيها مع الوقت بتحتاج تغيرهم .

2- علبة الدريكسيون نازل فيه عيب صناعة . بس الشركة بتغيرو بدون كلام ومن غير ماتفتح بوقك بس دريكسيونها ناعم جداً وسمبتيك .

3- أسطوانت الدبرياج في بعض الموديلات .

4- قزاز السيارة غير معالج ضدد الاشعة الفوق البنفسجية بتاعت الشمس زي مافي التويوتا .

5- شنطتها زي شنطة أي عربية هاتش باك ... لكن في السيريون في ميزة تعديل الكراسي وتقدمها وترجعها وتلعب فيها لعب يا معلم .

بصفة عامة مفيش اتنين يقدرو يختلفو أن السيريون عربية مميزة جداً والي بيقتنيها كشاب لايمكن يفكر يبعها ... غير اذا محتاج يغير .
ومش عاوز اقولك ليا واحد صاحبي جيبها وشغال في شرم الشيخ مبيسفرش غير بيها لدرجة انو قطع مسافة 200.000 كيلو بيها وهيا لسه جديدة ومشتكاش منها خالص ... وتحياتي يا أحمد .

**S O P H O S** · 02-05-2012 08:30 PM

تسلم يا ميدو علي الرد الجميل ده
بس بقلق منها في صغر حجم الحوض وانت عارف ان بحب الجري وفالاخر مش بلاقي فرامل
وياما عملت ...... بسبب الفرامل والجري وخايف تزعل مني خصوصا اني معرفش فراملها اخبرها ايه
علما ان التويوتا بشوف اداء الفرامل متوسط وليس ممتاز (اخبار الفرامل ايه والتكيف )
يعني كمان الجيتز شكلها حلو وماتور جيد والحوض مش قريب اوي علما ان ملاكها مش بيشكورا فالفرامل ...
ياريت تبقي المقارنة مع الكورولا فالوصف علشان اتخيل هههههههههههه
ومتنساش برودا رايك فالهيونداي جيتز ....

**me_medoo** · 03-05-2012 08:45 AM

احمد انتا بجد قلقتني. على عربيتك الكورولا انا عاوز اقابلك واخودها اجربها اشوف ايه حكايتها !!!! ياباشا. ده العالم كلو بيشكر في فرامل التويوتا ، طب اقولك حاجة في ناس من هبلها فاكره عندهم اي بي اس مع ان العربية منيول ههههههه. وكفاية بقه مش عاوز اشكر في فرامل التويوتا اكتر من كده لحسن نتحسد احنا مش ناقصين هههههههه

بسم الله مشاء الله على كل تويوتا في مصر والعالم كلووو ، بالنسبة للسيريون. متقلقش خالص من موضوع فراملها لان فراملها اكثر اكثر من رائعة. وبالنسبة لمقارنه بينها وبين الهونداي. ياريس. ايش جاب لجاب دي يباني ودي كوري دي بتتصنع باجود الخامات والتانية بتتصنع بخامات كوري مشي حالك ده حتى الشكل الخارجي السيريون فيها لمست فخامة وضخامة اكتر من الهونداي
وبالنسبة للوسع. مش هتحس بفرق في الوسع بين السيريون والكرولا او اليارس اللهم. الشنطة فقط ... وتحياتي ليك يا غالي

**S O P H O S** · 03-05-2012 07:32 PM

تمام اوي يا ميدو

بس انت ايه رايك فصغر الحوض والياريس بردوا كده
بس السيريون الحوض صغير اوي وانت عارف المصريين تبقي ما شي فامان الله وتلاقي الي قدامك بيقف مرة واحدة
والجيتز شكلك مش مقتنع بيها ..صح