الموضوع: تطورات تصليح اللانسر 2 .. مع اسعار قطع الغيار

قدر الله و مشاء فعل ربنا يقويك و فعلا هات الى انت قولتة علية استيراد احسن و لو عرفت تزود عليهم كام حاجة استيراد يبقى تمام طبعا لو النقدية سمحت لان الاستيراد افضل بكتير من الجديد عن تجربة مريرة انشاء الله ترجع احسن من الاول و ربنا ينتقم من المفترى الى عمل فيها كدة

الله يعينك وان شاء الله حترجع تمام

اسعار الجديد رخيص والله وحيقضى الغرض تمام

يعنى القصه مش حتعدى 15000 بلكتير اوى ...

المشاركة الأصلية كتبت بواسطة optiplex

قدر الله و مشاء فعل ربنا يقويك و فعلا هات الى انت قولتة علية استيراد احسن و لو عرفت تزود عليهم كام حاجة استيراد يبقى تمام طبعا لو النقدية سمحت لان الاستيراد افضل بكتير من الجديد عن تجربة مريرة إن شاء الله ترجع احسن من الاول و ربنا ينتقم من المفترى الى عمل فيها كدة

للأسف انا عارف إن الجديد هيبقي حاجات مش قد كده بس اعمل ايه ... عايز اوفر علي الوالد بأي شكل

المشاركة الأصلية كتبت بواسطة hossam_elwani

الله يعينك وان شاء الله حترجع تمام

اسعار الجديد رخيص والله وحيقضى الغرض تمام

يعنى القصه مش حتعدى 15000 بلكتير اوى ...

والله بدعي إن التكاليف متزيدتش عن 15 الف

المشاركة الأصلية كتبت بواسطة mohaakotb

بتابع معاكو تطورات تصليح ال لانسر اللي كانت مسروقه .. ومعلش عملت توبيك جديد بس عشان هكتب فيه اسعا قطع الغيار عشات تفيد الناس
ده التوبيك الاصلي اللي كنت كاتب فيه الحاله من الاول
http://www.nilemotors.net/nile/283115-a.html

المهم انا زي ما كتبت قبل كده إن الماتور اترفع وراح عند الميكانيكي و العربيه دخلت ورشه السمكري عشان يبدأ يشتغل - هو بدأ إنهارده -
الميكانيكي لما كشف علي الماتور للأسف لقاه مكسور منه حته صغيره من تحت من عند الحله كده .. انا قعدت ابحث علي النت واشوف الموضوع ده ليه حل ولا لأ ملقيتش للأسف والميكانيكي قالي هتجيب ماتور شورت بلوك " اللي هو ماتور فاضي مفيهوش الفرن ولا الانجكشن ولا الفتيس " و الفتيس كان فيه زي حاجه معلقه كده من جوا وهو عدلها و الغطا الاسود كان مخبوط وداخل ل جوه وهو عدله بردو وبكده الفتيس سليم مفيهوش مشاكل

دي بقي اسعار قطع الغيار اللي هعوزعها للعربيه
ماتور شورت بلوك 1600+ حساس كرنك +قاعدة باور +قاعدة تكييف > 4000 ج إستيراد
4 قواعد ماتور " امامي و خلفي و شمال و يمين " > 1350 إستيراد .. 315 جديد تايواني
طقم تبريد " سربنتينه + ريداتير +مروحتين " بالكتاوت > 1800 استيراد .. 1300 جديد
سدر > 250 جديد
قنطرة > 150 جديد
رفرف > 500 إستيراد .. 95 جديد
كبوت > 1400 إستيراد .. 270 جديد
إكصدام امامي > 1000 إستيراد .. 220 جديد
إكصدام خلفي > 1000 استيراد .. 220 جديد
علبه بيئه > 400 استيراد
كمبروسر تكييف > 500 إستيراد
علبه دريكسيون > 1700 إستيراد
فوانيس امامي > 1200 إستيراد .. 200 جديد .. ده فانوس السوبر اكشن الاسود
فوانيس خلفي > 1400 استيراد .. 160 جديد .. الشفاف
دراع الاشاره > 225 جديد
طاره فاضيه > 500 استيراد
ايرباج لوحده > 1500 استيراد
مرايا شمال > 100 .. جديد
فلتر هواء ب العلبه بتاعته بالعمه > 450 جديد

الاسعار دي جايه من عند " سوسو المريوطيه .. المنير فيصل .. ملك ال لانسر الحرفيين وكذا محل تاني "
وانا كاتب اقل الاسعار
طبعا انا عارف إن في حاجات هتطلع تاني لما يبدأو تصليح صح بس هيبقي كله خفيف إن شاء الله هو اللي فات ده كان التقيل
و انا قررت اني اجيب كله جديد ما عدا الماتور الشورت بلوك و علبه الدريكسيون و كمبروسر التكييف و علبه البيئه هجيبهم استيراد ... عشان العمليه مزنقه جدا ولسه هيبقي في مصنعيه الميكانيكي والسمكري و الكهربائي و الدهان ولسه ليله يعني

ف أنتو ايه رأيكو في الكلام ده؟ .... وهل فيه اسعار احسن من كده ؟ والماتور ملوش حل كده خالص ؟
هو السمكري نازل بكره الحرفيين يشتري شويه حاجات .. لو عرف يجيبلي الحاجات اللي قلت عليها استيراد بسعر اقل من اللي انا كاتبه هقله هاتهم وابقي احاسبك

الرفارف والكبوت والاكصدامات والفوانيس والحاجات دى هاتها جديدة
هتبقى رخيصة وهتقضى الغرض

بالنسبى للماتور هانه على بعضه احسن وبيع اللى عندك قطع غيار
هتوفر معاك جامد

وبالنسبة للطارة الفاضية والايرباج اظن انهم غاليين قوى

موفق ان شاء الله

المشاركة الأصلية كتبت بواسطة ahmed_h_g

أنصحك تشترى موتور بالقواعد بالكباس بكل مشتملاته من غير فتيس
بدل ما تعمل شغل فى الموتور القديم وتبيع الكباس ووش السلندر اللى عندك

طب وليه ما اشتغلش في القديم ؟ هيبقي في مشكله يعني ؟ اصلي مضطر يعني لازم اوفر في الفلوس وده هيوفر معايا النص