الموضوع: الفتيس بيهرب

السلام عليكم
ضع بين الرف بتاع السماعات وبين المسندين الموجودين علي الطرفان اسفنج بيلزق من ناحية وناحيه لأ
والله المستعان

يعنى ممكن يكون حشو عصاية الفتيس السبب؟ هيا فعلا عايزة تتغير لكن متهيألى مش هيا السبب
دلوقتى الغيار بقى بيتاخد و يفصل و بعد كدا يتاخد تانى
ان شاء الله انا رايح الجمعه للميكانيكى

ده دبرياج يا باشا ولازم تحل مشكلته علشان مش يأثر على الفتيس وشكرا

المشاركة الأصلية كتبت بواسطة axel

طب ممكن نعرف ليه بلاش هندي ؟؟ سيبك من الياباني احنا عارفين ان الياباني دلوقتي هنا لا راح اليابان و لا شافها
لكن الهندي يعني حاجة زي الاس جي بي اللي نازل مع العربية اساسا
والفاليو الكوري نضيف طبعا لكن الأصلي منه و للأسف الموضوع أصبح شبه معدوم انك تلاقي فاليو أصلي الاغلب الصيني اللي نزل تقليد و اللي بسببه شركة فاليو الاصلية اضافت شعار ع العلبة للتفرقة لكن ده يخلينا نقلق انه ممكن يتغير خاصة في ظل جشع بعض التجار

السلام عليكم
غيرت كذا مره طقم الدبرياج الهندي واليابانى وكانت ريش الدسك دائما تنكسر فنصحنى بعض الأخوه بالفاليو والحمد لله ماشيه زي الفل من اكثر من سنتان
والله المستعان

المشاركة الأصلية كتبت بواسطة alking_2006

يعنى ممكن يكون حشو عصاية الفتيس السبب؟ هيا فعلا عايزة تتغير لكن متهيألى مش هيا السبب
دلوقتى الغيار بقى بيتاخد و يفصل و بعد كدا يتاخد تانى
ان شاء الله انا رايح الجمعه للميكانيكى

السلام عليكم
الرجاء طمأنتنا وأخبارنا ماذا وجد
والله المستعان

المشاركة الأصلية كتبت بواسطة walaaeldeen

السلام عليكم
غيرت كذا مره طقم الدبرياج الهندي واليابانى وكانت ريش الدسك دائما تنكسر فنصحنى بعض الأخوه بالفاليو والحمد لله ماشيه زي الفل من اكثر من سنتان
والله المستعان

طب اجيب الطقم الفاليو دا منين بالظبط؟؟؟و كان بكام؟

رحت للميكانيكى الخميس اللى فات المهم ركب العربية و جربها قالى دا كاربراتير مش دبرياج خالص
و وصفلى واحد بتاع كاربراتير فى امبابة

المهم رحتله كانت الساعة 2 قالى لأ انا مش بقبل عربيات بعد الساعة 1
المهم اتصلت بمركز الصفا اللى فى جسر السويس قالى انا بقبل عربيات لحد الساعة 4 و نص

طلعت على مركز الصفا و قالولى هنكشف على العربية و نقولك مصاريف التصليح و لو مش عايز تصلح هتدفع 25 ثمن الكشف قلتلهم ماشى

اخدت دور و الراجل جه كشف على العربية قالى الكاربراتير عايز يتحل و نشوف فيه ايه قلتله ماشى قالى المصنعية 100 جنيه غير ثمن اى حاجة عايزة تتغير كمان قلتله ماااااااااشى

فك الكاربراتير و بعد حوالى ساعتين ركبه تانى قالى الكاربراتير كان عايز يتنظف و احنا ركبنالك حاجة اسمها "بلية تعجيل" كانت مش موجودة عندك + جوان قاعدة كاربراتير

المهم دفعت فى الاخر 121 جنيه كالأتى
100 مصنعية تصليح كاربراتير
5 بلية تعجيل
5 جوان قاعدة كاربراتير
11 ثمن ضريبة مبيعات 10%

و قالى لازم تغير سلك البوجيهات علشان بيقطع قلتله ماشى و لو فيه اى حاجة تعالى تانى فى خلال اسبوعين

و طلعت بالعربية و حسيت بفرق جامد ما شاء الله و التقطيعه راحت تماما لكن انا اعيب على المركز فى كذا حاجة

1- غالى طحن يعنى انا لولا انى مزنوق فى الوقت كنت رحت عند اى محل تانى و مكنش هياخد اكتر من 50 جنيه و مش هياخد ضريبة مبيعات !!!!

2- طريقه مكسر جامد يعنى هتصلح الكاربراتير و تبوظ العفشة

3- بعد ما روحت بفتح الكابوت لقيت العمه بتلعب فى مكانها المهم فكيتها لقيت الصنايعى النص لبه بتاعهم ضيعلى الجوان الكاوتش الاسود اللى بيبقى ما بين العمه و الكاربراتير و طبعا فصلت انا واحد جديد من شنبر كاوتش قديم

4- كل ما ادوس بنزين جامد البدال بتاع البنزين ما بيرضاش يرجع تانى قمت جايب wd40 و رشيت على الكاربراتير من برا الموضوع اتظبط

5- كان فيه جزء من اجزاء الكاربراتير بيقع من مكانه كل ما ادوس بنزين قمت جايب سلكه نحاس و ثبته

فالنتيجة انى طبعا مش هروحله تانى ابداااااااااا

و الحمد لله على كل حال