بتشيل رجلك من على الدبرياج ازاى

**mailo** · 01-05-2012 10:31 PM

المشاركة الأصلية كتبت بواسطة mazagngi2010

كلام تمااااااااااام يامايلو
انا عندى مشكله تانيه نفسي ابطل ادوس دبرياج على الفاضى

هتبطل لما تغير طقم وإنت مسافر زي ماحصللي

الدبرياج ملوش أي لازمة اللا إنك تنقل بس
اتعود على السواقة من غيره والعربية مش هتنطر معاك خالص اللا إذا كان فيه فرق بين سرعة العجل والمتور سواء + أو -
حاول تظبط سواقتك و واحدة واحدة وهتتعود
ماتدسش دبرياج اللا لما تنقل بس مش لازم تدوس مع الفرامل أو مع رفعة رجلك من على البنزين

المشاركة الأصلية كتبت بواسطة elawany13

طيب بالنسبة للعكس
أنا على الثالث مثلاً وجبت آخر الغيار فى السرعه
وبنقل على الرابع
المفروض اشيل رجلى بسرعه من على الدبرياج ولا ببطئ ؟

سواء هتنقل اعلي أو أقَل خلي رجلك سريعة
عشان تعشق الطقم بسرعة فـالتاكل بتاعه يقل
وعشان كده دايما لما تنقل تدوس للاخر وإنت ماشي ماتريحش رجلك على الدبرياج

**mazagngi2010** · 01-05-2012 11:25 PM

المشاركة الأصلية كتبت بواسطة mailo

ماتدسش دبرياج اللا لما تنقل بس مش لازم تدوس مع الفرامل أو مع رفعة رجلك من على البنزين

هو ده بيت القصيد

**l0new0lf** · 02-05-2012 07:54 AM

engine brake
مبيحصلش غير لما تنقل عكسى و بس
انما فى النقل العادى ( من ثالث لرابع مثلا) مستحيل يحصل
دمتم بود

**azmeralda** · 02-05-2012 05:08 PM

'كده فى ناس قالت بتوازن وناس قالت بسرعة ارسولكو على بر

كمان عندى مشكلة لما برجع مرشيدير فى مكان ضيق وفى عواميد زى جراج مثلا بضطر افضل دايسة عالدبرياج ومسيبوش للاخر وارجع ادوس وهكذا لأن لو معملتش كده بترجع بسرعة رهيبة ومبتحكمش فيها واضح ان ده غلط ايه الحل ؟؟

ونفس الفكرة لو عالتانى ولقيتنى هخبط فى اللى قدامى بهديها بالدبرياج برضه!

**azmeralda** · 02-05-2012 05:09 PM

المشاركة الأصلية كتبت بواسطة mailo

engine breake لما سرعة العجل هتبقى أعلى من نسبته مع عدد لفات الموتور بعد التعشيق مع الفتيس
ودي بتبان لما تسقطي نقلة أو 2 وماتدوسيش بنزين

الموضوع ببساطة كده

العربية سرعتها هي سرعة العجل والمتور سرعته هي ال rpm ماشي
المفروض إن عدد اللفات اللي طالع من الموتور يبقى متناسب مع عدد لفات العجل واللي بيحدد النسبة دي هو الفتيس بالتروس بتاعته

تعالي نحسب حسبى بسيطة
مثلا الموتور على rpm 3000 وال غيار التاني بيلف العجل بسرعة 40 km
على rpm 3000 برده وال غيار التالت بيلف العجل بسرعة 60 km
ماشي كده

لما تكوني ماشية على 3000 rpm والغيار التالت ,الموتور هيلف الترس بتاع الفتيس اللي متوصل بـالعجل عشان يوصل لسرعة 60

لما تدوسي دبرياج إنتي فصلتي الوصلة مابين الموتور والعجل ولسة سرعتك 60 و rpm 3000
ادي الغيار التاني شيلي رجليك من على الدبرياج عشان نوصل الموتور بالعجل

المفروض الموتور دلوقتي بيلف العجل بسرعة 40 بس العجل أصلا ماشي أسرع من كده
فـبتحصل صدمة من التوصيلة دي مابين محور بيلف سريع والتاني بطيء
فـالطبيعي دلوقتي إنهم يوصلوا لسرعة وسط
وعشان الموتور اقوي بيكون تنزيله للسرعة اكبر من رفع العجل لسرعته

فبتنزل سرعة العربية وبيعلي ال rpm شوية
نزول السرعة الجامد سِنة ده يعني فرامل ودي فرملة الموتور

-------------------------------

القصة كلها عشان تعملي توازن بين الموتور وسرعة العجل إنك تخليهم مظبوطين مع بعض
يعني اد مابتشيلي رجليك من على الدبرياج لازم تكوني بتدي بنزين مناسب ليه "بدال يعني"
والاحسن السرعة في التبديل عشان دي بتقلل من استهلاك طقم الدبرياج

الهدف إنك وإنتي بتعلي في النقلة يكون البنزين مدي الموتور ال rpm اللي يمشيه مع السرعة اللي إنتي عليها

يعني لو على التاني 3000 / 40 km
على ال 3 ال rpm المفروض يكون 2000
يبقى دوسة البنزين اللي تدوسيها تخلي ال rpm يوصل 2000

-------------------------------

طبعا أنا مش فاهم أي حاجة من اللي أنا قلته ده أصلا

مش فاهمة ؟؟:b4_048:

**MMamdouh** · 02-05-2012 05:46 PM

ألengine brake ملوش علاقة بسرعة حركة الرجل على دواسة الدبرياج... الموضوع مرتبط بعلاقة سرعة العجل و سرعة المحرك مع الاخذ فى الاعتبار النقلة اللى انتى عليها زى ما شرح محمود

لو سرعة العجل اكبر من سرعة المحرك هيحصل engine brake
لو سرعة العجل زى سرعة المحرك مش هيحصل اى حاجة (و هنا ممكن تعشقى نقلة بدون دبرياج اصلا)
لو سرعة العجل اقل من سرعة المحرك العربية هتنط للامام و قوة النطة مرتبطة عكسيا مع النقلة اللى انتى عليها

لتفادى المشكلة دى بيتم رفع سرعة المحرك قبل رفع القدم من على الدبرياج فيما يعرف باسم rev matching ... بدون الحركة دى العربية هتفرمل اول ما تسيبى دبرياج

Fundamental Skills of Heel-and-Toe - YouTube

Ayrton Senna's Heel-and-toe - YouTube

MMamdouh

**_hema** · 05-05-2012 12:26 AM

المشاركة الأصلية كتبت بواسطة azmeralda

دلوقتى حد قاللى ان لما تشيلها بسرعة ده يعمل engine break
يعنى المفروض اتقل رجلى عليه واشيل بالتدريج قوى ..؟؟

المفروض قبل الواحد مايجب الغيار الاول وهو اصعب الغيارات فى راى الواحد يدوس دبرياج على الاخر ( اى الى اخر الدواسه) واجيب عصايه الفتيس على الغيار الاول بعد كدا ألامس دواسه البنزين واشيل رجلى الشمال من على دواسه الدبرياج سنه وادوس برجلى اليمين على دواسه البنزين بنفس مقدار السنه وافضل اسيب سنه سنه كدا حتى اسمع صوت الموتور بقى عالى شويه بعدها اشيل رجلى من على الدبرياج وافضل على البنزين واما اجيب التانى ادوس اولاً على الدبرياج واشيل رجلى من البنزين واجيب الغيار وبعد ما اجيب الغيار اشيل من على الدبرياج وادوس البنزين وهكذا فى باقى الغيارات

وفى حاله الرجوع للخلف للركن فى جراج او الركن بين عربيتين غصب عن الواحد بيحمل بسيط على الدبرياج وهو جايب مرشدير عشان العربيه متنطش منو

-

الموضوع: بتشيل رجلك من على الدبرياج ازاى

LinkBack

أدوات الموضوع

عرض

-

-

-

-

المواضيع المتشابهه

ليه فى عربيات الدبرياج بتاعها تقيل وعربيات الدبرياج بتاعها خفيف ؟؟

لانوس اوتوماتك البطاريه و طقم الدبرياج ازاى اكشف عليهم

ازاى اظبط دواسة الدبرياج

اوعى رجلك والحفرة

الكلمات الدلالية لهذا الموضوع

المفضلات

المفضلات

ضوابط المشاركة