الموضوع: هل تطفئ المحرك وقت تعبئة البنزين

المشاركة الأصلية كتبت بواسطة montaser2005

بصراحة مطفتهوش غير مرتين تلاته لكن موضوع تحرك الترسبات اللي فالتانك وقت التفويل ده هيخليني أطفي بعد كده وبالنسبة لموضوع الأجراء الأمني بصراحة مش مقتنع بيه وممكن أكون غلطان طبعاً

البنزين يا فندم مادة شديدة الأشتعال .و بتمسك في النار بكل سهولة .

و لما بتكون بتمون .... حضرتك فاتح تانك البنزين و تحتك تانك أو خزان بنزين مليان الاف اللترات من البنزين .
يعني لو فيه شرارة واحدة من موتورك لقطت مع البنزين .....
شكرا على كدا ....... كل اللي في البنزينة هايبقوا فحمة .

مصادر الشرر في العربية
الموتور نفسه من عند البوجيهات
الشكمان .


بس ممكن سؤال
هو ليه لو البنزينة بتقول أغلق المحرك و لا تستخدم المحمول
أحنا بنفكر أننا لازم نقتنع شخصيا علشان السلامة العامة ؟؟ ... بس هي في الآخر مش حاجة شخصية دي حاجة عامة و المفروض أنها ليس لها علاقة بالأقتناع الشخصي ... يجب أن نلتزم جميعا بقواعد التموين من محطات البنزين
معلش أصل لما حضرتك قلت مش مقتنع شخصيا .... أسئلة دارت في دماغي .

طبعا انا بطفي وبريح دماغي

المشاركة الأصلية كتبت بواسطة inteltech

بس هقولكم حاجة ويشهد عليا ربنا اني شفتها بعيني وباكثر من مرة ان الناس اللي شغالين في المحطة بيكونوا مولعين سجاير مش اللي بيفولك طبعا بس بيكونوا اللي قاعدين مولعين وشغالين شاي ،وانا شفت من كم يوم بس واحد والله العظيم بيفضي بنزين بجركن كده من نظام السوق السودا لعربية ملاكي واقفة على الناحية التانية من البنزينة والسيجارة ببقه على اساس ان ده العادي وعجبي

أنا شوفت نفس المنظر ......... بس البنزينة ولعت و عربية البنزين الكبيرة أتفحمت ... بنزينة في 6 أكتوبر وكان أنفجار رهيب بسبب برضه أن واحد بيدخن سجاير .

البنزنية هي بنزينة وطنية على طريق الواحات من حوالي 8 شهور

مش بقولك ....... مصر ......... صباح الكنافة

ياجماعة يا جماعة ... أنتو مكبرين الموضوع ده كده ليه ... قرار أطفاء المحرك ده طلع بعد الي كنت بعملو زمان وانا شب في البانزينات .

زمان أيام الجامعة ايام مكان البانزين ب 90 قرش وكان كلو رصاص وغزى ... بنزين روعه وكان اسمو بانزين يا ممتاز يا عادة .

كنت باخود عربية الحج من وراه والحج ربنا يسامحو كان بيسيب العربية فاضية علشان عارف اني عامل نسخة من مفتاح عربيتو احتياط وهخطفها بمجرد ماينام ... فكان حارمني من المصروف ... وكان مبيسيبش بانزين في العربية .حفاظاً على حياة العربية .هههههههه

فكنت بروح البانزينه واقلوا فول يا أبني وبكل قلاطة كانت بيجو 505 والناس تقولك اده عيل راكب بيجو ده اكيد باشا ابن باشا واسيب العربية دايرة ... واول مايقوم ماليها ويرجع المسدس مكانو واتأكد انو قفل الغطا اقوم مديها الاول والعجل يلف مكانو واخود ديلي في أسناني وأقول يا فكيك هههههههههههههههههههه وكل مره في ببانزينة شكل .

علشان كده من ساعتها طلعوا قرار كل واحد داخل يمون يطفي المحرك ولو يطولوا انهم ياخدو مفتاح العربية من صاحب العربية علشان ميفلسعش كانوا عملوها هههههههههههه ربنا يسامحنا بقه وتحياتي .

بطفيههههه طبعا :)