الموضوع: مشكله بعد تركيب اليايات فيات 131

منذ فتره وانا احتاج الى تغيير اليايات الخلفيه للسياره لان لما يركب معايا شخصين متوسطين الوزن العربيه بتهبط على الاخر واحس ان جسم السياره راسى على الجلد الموجود على الدفرنس فاتكلت على الله وقلت اغيرهم
اولا سئلت عن انواع اليايات الموجوده فوجد ان اليايات التى تركب على 132 تركب على 131 و كذا نوع للفيات فقلت لصاحب المحل عاوز بتعتها مش بتاعه 132 فقلى هما بيركبوا 132 لانها اقوا و عشان الغاز الطبيعى فقلتلوا انا مش مركب غاز فقلى هجبلك بتعتها ( انا عربيتى 131 ) فاشترتها ب 200 جنيه من التوفيقيه من المول الى هناك
ثانى يوم روحت للميكانيكى بتاعى مكانشى فاضى ورحت ثالث يوم شرحه فقلى روح للعفشجى فقلتله مش انت فكيتلى الدفرنس قبل كده علشان نغيره انا عاوزك انت الى تغيرهم لى فقلى استنى لما افضى هو راجل محترم وفاهم جدا وممكن يغيرهم المهم روحت وبدات ايدى تكلنى وقلت اغيرهم بنفسى المهم استعنت بالله وقلت اغيرهم لانى عارف طريقه التغيير لانها اتفكت امامى .
اليوم نزلت الساعه 11 صباحا بدون الخوض فى تفاصيل الفك لانى طلع عينى وعين اخويا وهدومى اتبهدلت ولكن كلو يهون الحمد لله ركبتهم ولما نزلت الكوريك وجدت الاتى
1- ارتفاع العربيه اصبح اعلى 7 سم تقريبا فقلت مش مهم
2- علشان اركب صاموله المساعد العلويه كان لازم اخويا يضغط على شنطه العربيه من الخلف علشان اربط الصاموله طبعا ماهتمتشى بالقصه ديه لكن ضهرت بسببها مشكله
ثانيه هحكلكم عليها بعد قليل
خلصت تركيب اليايات الساعه 5 وكنت تعبان فقلت اطلع واخد دش محترم .
نزلت الساعه 6 وقلت اجرب العربيه طبعا مشكله الارتفاع قلت اليايات هتريح مع الاستعمال فركبت العربيه ومع اول مطب لقيت رز جامد فاخذت مطب ثانى لقيت نفس الرزع فتذكرت ان المساعد الى خليت اخويا يضغط على جسم العربيه من الخلف ليركب المساعد فتذكرت المساعد لما اخويا ضغط على العربيه علشان اركب الصاموله فعرفت ان المساعد يصل الى اقصى مشواره وهذا نتيجه ان العربيه عاليه فعلا
فروحت البيت ووضعت رصيف خرسانه بتاع الرصيف وبعض الطوب ( 100 ك تقريبا ) ( مش عاوز حد يضحط )ليهبط السياره فانخقضت السياره 5 سم تقريبا وطلعت اجرب العربيه فوجدت ان الرزعه اختفت .
ففكرت فى الحول المقترحه وياريت تشاركونى فى فى ذلك
1- اخفط ارتفاع السياره
أ-عن طريق الكاوتش الى تحت اليايات عن طريق شراء جلد ارفع من الى راكب
فيها ( معرفشى هل هناك ارتفاعات مختلفه منه )
ب - اخف الى راكب بمنشار لتقليل سمكه
2- اطول عمود المساعد عن طريق مسمار يركب بشكل معين

على فكره واحد صحبى مركب نفس اليايات ومعندوش الى مشكله
انا مركب كل حاجه صح والكاوتش متركب فى مكانه وله مجره بتمشى مع الحلزون ونهايه الياى
ياريت تدلونى بدل ما امشى بالطوب فى الشنطه عل طول
وانا ان شاء الله هابلغكم باى جديد ان شاء الله

فعلا انا ركبت السوست 132 من فتره كبيره وركبت جاويط تطويل المساعد ومركب علايات كاوتش عاليه(تقريبا علايات مرسيدس) والعربيه ثباتها وحش وهى فاضيه وحلو اوى وهى محمله