الموضوع: شكلى كده ..... قطعت الخلف ...

الضحك لا يتوقف فى هذا الموضوع, معانى كل مأتخيل منظر الكتكوت البرىء العبيط و هو بيمد راسه يتفرج و راحت طخخخخ, يصعب عليا اوى, ربنا يرحمه ,ويسامح أخوك الجزار ده :d.

المشاركة الأصلية كتبت بواسطة w-m-a

تعيش وتاخد غيرها
بقى قطط تعمل فيك كده؟

ابقى جرب كده الموضوع ده ... ده قطط متوحشه ... القطه دوست عليها و نطت من الخامس و لا كأنها واخدة فرقه مظلات ........

المشاركة الأصلية كتبت بواسطة magid1010

ههههههههههه والله انت مش ممكن انا فطست على نفسى من الضحك الف شكر ليك و سلامه ابنك

بدل ما تعيط عشانى ... ماشى يا عم اضحك .. ربنا ما يوريها لحد

المشاركة الأصلية كتبت بواسطة m.elgergawy

ههههههههههههههه
يا راجل انت فين وحشتني كتير من ايام الحديقة الدولية :)

حديقة دولية ... انا مش فاكر ... لو كنت تقصد الملاهى اللى دخلتها انا و العيال يبقى اه ..

المشاركة الأصلية كتبت بواسطة ahmedeihab

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه و الله العظيم انا بدخل اقرى مواضيعك علشان اضحك
بس تعيش و تاخد غيرها
ادى اخرت العيال و اللى ييجى من وراها
الحمد لله لسه متجوزتش
^_^

لما تتجوز ابقى اسكن فى عمارة مفهاش قطط ...

المشاركة الأصلية كتبت بواسطة fiat128man

انا دمعت من الضحك والله ربنا يجازيك خير ........ألف سلامة عليك و طمنا علي ابنك

الله يسلمك ......

المشاركة الأصلية كتبت بواسطة mohammedabdallh

والف سلامه عليك والى الولد
وده العادى

الله يسلمك و ما يحكم على حد منكم بالموقف ده

المشاركة الأصلية كتبت بواسطة mesaharaty

باقول إيه بقى ونصيحة لوجه الله تعالى

موضوع الخرابيش ده يرجى عدم الإهمال فيه .
اكشف واعرض نفسك على طبيب لتطمئن بإذن الله لأن أنا كان عندى تجربة - غير شخصية - مش حلوة مع القطط ولا أريد أن أحكيها فى هذا المجال ولا أريد أن أخوفك . بس المطلوب حضرتك تطمئن على الخرابيش دى .

االحمد لله رجلى خفت شوية .. طهرتها ... بس عاوز اظبط زوايا ... رجلى بتحدف يمين شوية

المشاركة الأصلية كتبت بواسطة mkhayiat

هههههههههههههههههههههههه ...مبدع يا استاذ حسام ...والف سلامه لحضرتك ولابنك

متشكرين يا جميل ... و الله يسلمك

المشاركة الأصلية كتبت بواسطة Screenplays

جارك اسمه براد ؟ براد شاي و لا اسمه براد brad ؟ و روح اكشف علي موضوع الخرابيش دي عشان التلوث و ربنا يخليلك العيال

اه .. شكلك مقريتش موضوع البراد ده ... ده الاسم الحركى لجار عندنا .. بص شوف الموضوع ده .. و انت هتعرف مين براد ده
هعزل من بيتنا ...... و السبب الست كزورنه .....

المشاركة الأصلية كتبت بواسطة aif

ايون انا برضو لفت نظري brad gilbert جارو ده
بس موقف تحفة يا حسام
هههههههههههه
ههههههههههه
طيب والقطة حصللها ايه ؟؟؟؟
دا انت اكيد فعصت أهلها وبقت قطاقيط

فعصتها ... الله يسامحك يا حاج احمد ... هو انا لحقت .. يا دوبك او ما لمست ضهرها و دماغها .. قامت لفه و اديتنى كام زغروف من ابو مخالب على السمانه ...

المشاركة الأصلية كتبت بواسطة medoghaly

هههههههههههههه انت راجل زى العسل يا استاذ حسام ربنا يخليك الف سلامة عليك

يا سيدى شكرا .. انت اللى عسل و الله

المشاركة الأصلية كتبت بواسطة aif

موضوع القطة ده فكرني بموضوع الكتكوت
كتكوت ؟؟؟ مين موضوع الكتكوت ده ؟؟؟
كان ياما كان في سالف العصر والاوان ولا يحلى الكلام الا بذكر النبي عليه الصلاة والسلام
كان في بيت جدتي زماااان واحنا صغيرين في كفر الزيات كان عندها غرفتين في البيت مخصصاهم للطيور اللي بتربيها
البيت كله كان 6 غرف او 8 مش فاكر ... ما علينا من الغرف وعددها
المهم ان غرفة منهم كان فيها حمام .... والتانية كان فيها فراخ وبط
الغرفة التانية دي كان الباب بتاعها الاوكرة بايظة ومش بيتقفل غير لما يتفتح ع الآخر ويترزع جامد بعنف عشان يتقفل
انا واخويا كنا طبعا مغرمين بالفرجة على الكتاكيت والفراخ
واخويا كان فاتح الغرفة من ورا جدتي بيتفرج ع الكتاكيت
المهم هو شعر ان جدتي جاية من بعيد .... بعيد في بيت جدتي يعني 20 او 30 متر كدة
المهم اخويا قال لما اقفل الاوضة قبل ما الفراخ تطلع برة وجدتي تيجي تزعقلي
خرج م الاوضة وطبعا الباب بايظ
راح فاتح الباب ع الآخر وبكل قوته راح رااازع الباب عشان يتقفل
في نفس اللحظة وبالتزامن مع تلكم الاحداث كان فيه كتكوت صغنن فضولي جدا عاوز يعرف ايه اللي موجود خارج الاوضة اللي عمره ما طلع براها ..... بمنتهى البراءة راح مادد رقبته عشان يبص .... طررااااااااااخ
...
واخويا بقي بيجري وستي بتجري وراه بالعصاية
ماليش دعوة يا ستي .... هو اللي مد راسة برة الباب .....
عارفين المقصلة بتاعت الثورة الفرنسية
النهاردة بقى الذكري السنوية ال43 للكتكوت العسول ده :copy of m-s5:

قصتك ده بقى يا حاج احمد طلع الكتكوت هو الضحية ... بس معايا انا بقى اللى طلعت الضحية ..
بس الحمد لله ... انا لو كنت دوست على كتكوت مكنتش هسامح نفسى .. اصل انا قلبى رهيف فى الحاجات ده ... طب اسمع ده ..
مرة الحجه كانت مربية بط صغير فوق السطح .. و كنا فى شتا و الدنيا متلجه .. طلعت اشوفة لاقيت يا عينى بطه وقعه فى صينيه الميه التى تقترب درجه حرارتها من الصفر .. و خلاص جلدها ازرق و خشبت خالص و الله ... المهم صعبت عليا .. و خدتها و نزلت على تحت جرى و دخلت جبت السيشوار بتاع اختى و شغلته و قعدت انشفها و اخواتى بيضحكوا عليه .. المهم مفاصلها فكت كده و شكلها كانت مستمتعه بجلسه السونا ده .. و من ساعتها .. اول ما اعتب السطح .. تخدنى بالجناحات .. و تفضل ترفرف و تجرى واريا .. بس للاسف طلعت فى الاخر ... دكر

المشاركة الأصلية كتبت بواسطة s a m a

ههههههههههههههههههههههههه هههههه
حرام عليكم
عينى دمعت من قصص القطط والكتاكيت
ده احنا مفروض نعملهم موضوع منفصل عن مواقف وطرائف الاعضاء والحيوان :-)
تسلم ايدك يا حسام
والله يرحم الكتكوت يا حج احمد كان زمانه كبر واتاكل دلوقتى :-)
بس المهم يا حسام
الواد اللى اكل: الفراولة جراله ايه وهل هو هو الواد اللى بياكل التفاح ولا ده ولد تانى :-)

هو بغباوته بدمه العكر ....

المشاركة الأصلية كتبت بواسطة donzi

هههههههههههههههههههههه قطط و كتاكيت ايه الجمال دا كله

الف سلامة عليك و على ابنك يا استاذ سيف و تعيش و تاخد غيرها

انا مرة قبل كدا كان النور قاطع و انا راجعة من برة و في مدخل بيتنا دوست على حاجة لزجة كدا و لاقيت حاجة بتسرسع اتاريها عرسة و كأنني دوست على حتة جيلي مافيهاش اي عضم و اول مارفعت رجلي سم واحد جريت جري كانها في ماراثون

الحمد لله انها جت على عرسه ... ده حتى مبتخربش .. و صوتها عاطفى ... انا مش هنسى القط اللى دوست على ديله .. صوتنا احنا الاتنين كان جايب اخر الشارع ...