اقتباس المشاركة الأصلية كتبت بواسطة tutankhamoun مشاهدة المشاركة
صباح الغرز و قلة الأدب على الطريق ده ........ أنا أخدت المسافة النهاردة الصبح من دريم لاند لغاية أول دخلة على المحور في 40 دقيقة
و طبعا مكنتش أعرف أيه السبب لغاية ما حضرتك وضحت موضوع الفانتازيا .

و الطريق ده السواقة عليه أصبحت سيئة جدا ما عدا يوم الجمعة الصبح .
غير كدا .......... قلة أدب بصراحة
نقل ماسك الشمال ........... و نقل ماشي جنب اللي ماسك الشمال في النص ........ و غرز للصبح من كل العربيات يعني تلاقي النقل بيعمل غرز و الله العظيم مش ببالغ ...... و تلاقي طبعا شباب الجامعات .. الله ينور ..... و معاهم بقى الأشاوس بتوع الميكروبات ....

صباح الكنافة يا مصر و يا شعب مصر

لغاية أمتى هانفضل عايشين في الكنافة مش عارف ؟؟
حضرتك هتقوللى :(

فعلا الطريق بقى مقرف بالذات الحته اللى عند المطبين بتوع دريم ... البياعين يطلعوا الصبح من السوق و ينزلوا الثمن ... الناس تعتبرها لقطه ... تركن و تنزل تشترى .. الطريق يقف :(

بس فعلا النهارده كانت فى حاجه غريبه ... انا كملت نوم فى العربيه :)

و بالنسبه للشباب اللى زى حالاتى ... نصيحه ابعد عنهم كلهم فى الطريق ده بالذات حتى لو شكله محترم و مبيجريش

علشان لو بيجرى مع حد ... مش هيدوس فرامل لحد ( و الكلام ده على لسان صحاب ليا )

و لو مبيجريش هيبقى لسه مصحيش و مش مركز .. ف ابعد عنه برضو


و ربنا يستر طريقنا جميعا