عاوز خبير اوبل يسمع صوت الموتور ده ويقولى سببه

**hamdy916** · 02-05-2012 04:38 PM

انا عربيتى اوبل فيكترا 1998 منيول 1600

اما بجى ادورها الصبح وهيا بارده بيبقى صوتها عالى شويه زى ما هتسمعوه فى الفيديو ده وساعات بردك

وهيا سخنه بتعمل نفس الصوت روحت لكذا ميكانيكى كل واحد يقولى حاجه اخرها واحد قالى طرمبة زيت

وانا حاسس كده بس عاوز رايكو

ولو حد يعرف سعرها جديدة بكام يا ريت يقولى عند منين وبكام

وده الفيديو كنت مصوره وهيا سخنه مش بارده بس مفرقتش عشان الصوت ده وهيا سخنه او بارده

[youtube]http://www.youtube.com/watch?v=Xb5-iJxRWmo&feature=youtu.be[/youtube]

**فادى محمد** · 02-05-2012 06:17 PM

بص ياباشا .
الصوت ده من دلايل الصبابات او بيسموها الشواكيش..
في حاجتين عندك يعملوا صوت التكتكه ده ..
الكوستبانات والدلايل بس الكوستبانات بتبان الصبح اول ماتدور العربيه اثناء مالكوستبان فاضي من الزيت ولما الموتور يسخن الصوت بيخف اما لو الصوت كان مستمر ي عندك كده فيبقي زي ماقولت لسيادتك الشواكيش واللي بيفتح يغيرهم بيغير بالمره الكوستبانات هما 8 كوستبان و8 شاكوش ومكانهم في بيت الكامه فوق يعني مش هتفتح الموتور ولا هتغير جوان وش سلندر..
بالنسبه لطرمبه الزيت من اعراض تلفها زياده درجه حراره الموتور عن الرانج الطبيعي + الاويل فلو بتاعها بيقل وتقدر تكتشفه لو الموتور شغال وفتحت غطا الزيت وتزود بايدك بنزين من الاكسراتير(العصفوره) لو في طرطشه زيت تبقي الطرمبه تمام والعكس صحيح,ربنا يوفقك تحياتي

**بيشوى_رمزى** · 03-05-2012 12:52 AM

المشاركة الأصلية كتبت بواسطة hellboy

بص ياباشا .
الصوت ده من دلايل الصبابات او بيسموها الشواكيش..
في حاجتين عندك يعملوا صوت التكتكه ده ..
الكوستبانات والدلايل بس الكوستبانات بتبان الصبح اول ماتدور العربيه اثناء مالكوستبان فاضي من الزيت ولما الموتور يسخن الصوت بيخف اما لو الصوت كان مستمر ي عندك كده فيبقي زي ماقولت لسيادتك الشواكيش واللي بيفتح يغيرهم بيغير بالمره الكوستبانات هما 8 كوستبان و8 شاكوش ومكانهم في بيت الكامه فوق يعني مش هتفتح الموتور ولا هتغير جوان وش سلندر..
بالنسبه لطرمبه الزيت من اعراض تلفها زياده درجه حراره الموتور عن الرانج الطبيعي + الاويل فلو بتاعها بيقل وتقدر تكتشفه لو الموتور شغال وفتحت غطا الزيت وتزود بايدك بنزين من الاكسراتير(العصفوره) لو في طرطشه زيت تبقي الطرمبه تمام والعكس صحيح,ربنا يوفقك تحياتي

+1111111111111111111111111111111111111111111111111 11111111111111111111111111111

**بيشوى_رمزى** · 03-05-2012 12:53 AM

بس الشواكيش و الكوستبانات جديدة و لا استيراد؟؟؟؟؟؟

**hamdy916** · 03-05-2012 09:02 AM

المشاركة الأصلية كتبت بواسطة dice

بس الشواكيش و الكوستبانات جديدة و لا استيراد؟؟؟؟؟؟

مش عارف بس غالبا ده بتاعت العربية انا جايبه مستعمله اوبل 98

انا جربت موضوع الزيت ده الصبح فتحت الغطاء اول ما دورت لقت بترتش نقط زيت خفيفه اوى يعنى 6 نقط ولا حاجه

**mifs** · 03-05-2012 10:22 AM

انسى موضوع الطرمبة
طالما طرطشت
وطالما بتشوف الزيت بيلف مع الكامة
وطالما ساعة الزيت سليمة واللمبة بتنور قبل الدوارة وتطفي بعدها
ومبتنورش وانت ماشي
يبقى الطرمبة براءة

**فادى محمد** · 03-05-2012 12:09 PM

الكوستبانش او الشاكوش سعر الواحد منهم 65ج جديد الماني ولو استيراد هتلاقي الواحد ب25ج بس خلي ميكانيكي شاطر يشتريهم معاك علشان حالتهم

**فادى محمد** · 03-05-2012 05:06 PM

-لو لاقدر الله طرمبه الزيت عندك ضعيفه حتي مش بايظه الموتور هيمسك حراره بشكل مش طبيعي لان الاويل فلو بتاعها مش قادر يبرد الشميز
-لما تفك بيت الكامه هتلاقي 8 كوستبانات و فوقيهم 8 شواكيش الميكانيكي يشوفهم ويقولك هتغيرهم كلهم ولا فيهم حاجه كويسه وتغير التالف بس..
-الكوستبان التالف بتلاقي ضغطه خفيف لو ضغط عليه بايدك
-الشاكوش التالف بتلاقيه منقور او متاكل من مكان ما بيبات علي الكوستبان
-اللي بيبوظ الكوستبانات هي ان الزيت بيفضل مده كبيره في الموتور وهو مش نظيف فيسد فتحه التزييت بتاعتها او ان السوسته اللي جواه يكون عمرها انتهي
راجع كده المشكله دي نفس اللي عندك بالضبط

http://www.nilemotors.net/Nile/280502-a.html

-

-

الموضوع: عاوز خبير اوبل يسمع صوت الموتور ده ويقولى سببه

LinkBack

أدوات الموضوع

عرض

عاوز خبير اوبل يسمع صوت الموتور ده ويقولى سببه - انشر الموضوع فى :

-

-

-

-

-

المواضيع المتشابهه

حد عاوز يسمع اخر نكتة فطستني من الضحك في توكيل رينو !!!!!

عاوز خبير فى الجولف

عاوز حد خبير كبير يفهم علي ويجاوب

ياريت خبير اوبل فكترا

عاوز خبير فى التيست درايف

الكلمات الدلالية لهذا الموضوع

المفضلات

المفضلات

ضوابط المشاركة