الموضوع: توكيل المقطم المستفز

المشاركة الأصلية كتبت بواسطة airfox

انا عندي مشكله في العربيه اللي لسه مشتريها انها فيها حدفه شمال و غيرت الكاوتش و ظبطها عند اكتر من و احد بتاع زوايا و برده الحدفه موجوده لما زهقت روحت لعادل اللي في المقطم و حطتها علي الكمبيوتر و ظبط زوايا تاني و برده بعد ما استلامتها منه لسه بتحدف فرحتله تاني فقالي اروح التوكيل في المقطم و اقولهم اني عايز اكشف علي الزوايا .المهم روحت و قلت للمهندس عايز اكشف علي الزوايا علشان عندي حدفه شمال قالي انت بتصلح فين قلتله انا لسه مشتري العربيه .راح قالي يبقي لازم نعمل كشف كامل علي العربيه ب 500 جنيه قلتله انا عايز اكشف علي الزوايا بس قالي ماينفعش .قلتله انا لما اشتريت العربيه عملت كشف كامل عليها عند فرنش اللي في الرحاب الكول سنتر قالي انه معتمد من رينو لعمل الصيانه و الكشف ؟ فقالي روحلهم يكشفوا هما عليها ؟ بجد انا اول مره اتعامل معاهم و اخر مره دول ناس مستفزه ؟ انا عملت الكشف الكامل عند فرنش بحوالي 260 و العربيه كانت سليمه في الشاسيه و الموتور كان فيها شويه كماليات زي المريات و الفوانيس هما كانوا كويسين بس بيقول في مرايه فيها مسمار و فنوس مطفي و شويه هبل محدش بيفكر فيه.المهم كلمت عادل فقالي برده ايه الهبل ده و قالي اكلمه تاني بكره . انا اللي خانقني في الموضوع ان كل حد يكشف علي العربيه يقولي سليمه و زي الفل امال الحدفه ديه من ايه مش عارفين .انا نفسي اعرف حتي لو مش هحصلها المهم ابقي فاهم

يا أستاذي انا ليه صاحبي شاري ميجان 1 حصلت له مشكله في تدوير العربيه راحلهم عملو كشف لان العربيه بقالها سنتين مرحتش ليهم ودفع 500 جنيه وعملوا مقايسه لتصليح العربيه بكام ب 45000 ايوه خمسه واربعين الف جنيه يعني اغلي من تمن العربيه بحوالي عشره الف منهم راديو ب 7000 جنيه لوحده.


كل توكيلات مصر تحس انها فنادق 5 نجوم بيحاسبوك سياحي بس للأمانه رينو تعد احسنهم معامله

انا معاك مهو انا لما روحت كشفت علي العربيه قبل ما اشتريها عملوا مقايسه ب 22 الف منه 6 جنوط و 4500 كاسيت و 4 كاوتش 5600 2 مرايه ضم علشان واحده فيهم فيها مسمار فا لازم اغير الاثين طبعا صاحب العربيه اتخانق و عمل حوار بس انا قلتله انا فاهم الهبل ده المهم في العربيه شاسيه و عفشه و موتور . بس انا دلوقتي مش عارف اعمل ايه في موضوع الحدفه ما دام التوكيل بيستهبل كده عمتا انا هستني و اشوف عادل هيقول ايه و ربنا يستر .بس انا شايف ان التوكيلات في مصر لازم معاملتهم تبقي احسن و المبالغه في الاسعار تخف شويه الواحد مش بينزل يشتري عربيه بالشي الفلاني علشان يلاقي التوكيل بيستهبل بالمنظر ده و هو ده اللي بيخلي ناس كتير تصلح بره .انا عارف ان برده في ناس كتير بتروح التوكيل يعني تقريبا بنسبه 60% ل 40% لصالح التوكيل بس برده ده معناه انهم خسرانين عملاء كتير

المشاركة الأصلية كتبت بواسطة airfox

انا معاك مهو انا لما روحت كشفت علي العربيه قبل ما اشتريها عملوا مقايسه ب 22 الف منه 6 جنوط و 4500 كاسيت و 4 كاوتش 5600 2 مرايه ضم علشان واحده فيهم فيها مسمار فا لازم اغير الاثين طبعا صاحب العربيه اتخانق و عمل حوار بس انا قلتله انا فاهم الهبل ده المهم في العربيه شاسيه و عفشه و موتور . بس انا دلوقتي مش عارف اعمل ايه في موضوع الحدفه ما دام التوكيل بيستهبل كده عمتا انا هستني و اشوف عادل هيقول ايه و ربنا يستر .بس انا شايف ان التوكيلات في مصر لازم معاملتهم تبقي احسن و المبالغه في الاسعار تخف شويه الواحد مش بينزل يشتري عربيه بالشي الفلاني علشان يلاقي التوكيل بيستهبل بالمنظر ده و هو ده اللي بيخلي ناس كتير تصلح بره .انا عارف ان برده في ناس كتير بتروح التوكيل يعني تقريبا بنسبه 60% ل 40% لصالح التوكيل بس برده ده معناه انهم خسرانين عملاء كتير

علي فكره هما هياخدو 500 جنيه الكشف ويصلحوا العيب حضرتك خلي المقايسه معاك وصلح فيها بره جوه زي مانت عايز يعني شوف انت ايه الاساسيات اللي لازم تتصلح واعمله واسمك معاك كشف بعيوب العربيه كلها مره واحده

المشاركة الأصلية كتبت بواسطة ahmed a.maksoud

معلش أسمحلى أقولك أن غلطان أنك مشيت من هناك

يعنى أيه أروح أكشف على زوايا يقولى كشف كامل على العربية ؟
و يعنى أيه تقوله أنك عملت كشف فى مركز خدمة معتمد يقولك روح يكشفولك زوايا هناك.

أنا لو مكانك كنت بهدلته و فرجت عليه الناس و بعد كده دخلت لمدير خدمة ما بعد البيع و على فكرة هو أنسان محترم جداً و كان هيحل المشكلة.

عموماً لو أنت مش عاوز تروح هناك تانى.....فيه واحد كنت بتعامل معاه فى الحرفيين كان ممتاز.

أسمه الأسكندرانى.........هتدخل من مدخل الحرفيين اللى جنب سور مزرعة الجيش و تفضل ماشى مع السور لحد ما يخلص و تدخل يمين معاه و بعد كده يمين تانى معاه هيكون شارع ضيق و مش مرصوف هتمشى حوالى 50 متر أو 100 متر هتلاقيه على الشمال.

بالمناسبة هو كان بيستعمل جهاز زوايا قديم قوى من اللى بيشتغل بمرايا و خيط بس الراجل نفسه أستاذ و فاهم كويس هو و أبنه ( أبنه أسمه محمود )

الكشف بيكون لان العربيه مابتعملش الصيانات الدوريه في التوكيل فلازم يتكشف عليها كاجراء