الموضوع: تركيب كباس يباني للميجان ؟

المشاركة الأصلية كتبت بواسطة amr_mabd

لا لما بجري مبيبقاش ربع السيراتو و كل طرق البمشي عليها سريعة و عربية الراجل فعلن فرقة جامد أنا جربتها بنفسي

تقريبا عندك مشكلة فى التكييف على العموم جرب موضوع الكباس اليابنى وشوف وانقلنا التجربة

متابع معاك الشغل الجامد ده

بحب الاقدام دايما على التغيير والتعديل للوصول لنتيجه افضل ........

المشاركة الأصلية كتبت بواسطة amr_mabd

لا لما بجري مبيبقاش ربع السيراتو و كل طرق البمشي عليها سريعة و عربية الراجل فعلن فرقة جامد أنا جربتها بنفسي

كلامك صح تكييف الميجان حتى عالطريق ميجيش نص السيراتو فعلا تكييفها قوى كأنه تكييف بيت

المشاركة الأصلية كتبت بواسطة shawkylotfy

تقريبا عندك مشكلة فى التكييف على العموم جرب موضوع الكباس اليابنى وشوف وانقلنا التجربة

رحت النهردة لواحد في المهندسين بتاع تكيفات أسمه أمجد بصلي عل التكيف من أ لل ي ملقاش أي مشاكل و قاس البرودة بالترمومتر جابت 2 مع أنت مش بالعها راغم أني شوفتو كتب 2 و سألتة علي حوار الكباس اليباني أحبطني زي كل صنيعية بلدنا

المشاركة الأصلية كتبت بواسطة amr_mabd

رحت النهردة لواحد في المهندسين بتاع تكيفات أسمه أمجد بصلي عل التكيف من أ لل ي ملقاش أي مشاكل و قاس البرودة بالترمومتر جابت 2 مع أنت مش بالعها راغم أني شوفتو كتب 2 و سألتة علي حوار الكباس اليباني أحبطني زي كل صنيعية بلدنا

حضرتك ينفع تغيير الكباس بس قبل ما هتغير هتشيل الطارة بتاعت كباس الميجان وتشيل الطارة بتاعت الكباس الجديد وتركب الطارة بتاعت كباس الميجان على الكباس الجديد علشان تكون نفس سنون السير مش مختلفة وبالتالى السير ميتقطعش ودة السير الى علية الدينمو يعنى لو اتقطع وانت على طريق سفر شكرا العربية مش هتكمل معاك 5 كيلو وتقف.

... مش عارف انت على كلامك بتقول حتى والعربية بتجرى الكتيف مش ربع تكيف السيراتو .. انا لما بجرى بالعربية 10 دقايق متواصل ايدى بتتجمد على الدركسيون وافضل افركها علشان مش مستحمل السقوعية ... انا مش عارف اية مشكلتك ... طيب انت الفلتر بتاع الكيف ممكن يكون مسدود مثلا ؟

المشاركة الأصلية كتبت بواسطة shawkylotfy

حضرتك ينفع تغيير الكباس بس قبل ما هتغير هتشيل الطارة بتاعت كباس الميجان وتشيل الطارة بتاعت الكباس الجديد وتركب الطارة بتاعت كباس الميجان على الكباس الجديد علشان تكون نفس سنون السير مش مختلفة وبالتالى السير ميتقطعش ودة السير الى علية الدينمو يعنى لو اتقطع وانت على طريق سفر شكرا العربية مش هتكمل معاك 5 كيلو وتقف.

... مش عارف انت على كلامك بتقول حتى والعربية بتجرى الكتيف مش ربع تكيف السيراتو .. انا لما بجرى بالعربية 10 دقايق متواصل ايدى بتتجمد على الدركسيون وافضل افركها علشان مش مستحمل السقوعية ... انا مش عارف اية مشكلتك ... طيب انت الفلتر بتاع الكيف ممكن يكون مسدود مثلا ؟

فلتر التكيف جديد لسة جيبة و السربنتينة غسلتها و التلاجة الجوة بردو نضفتها علي قد ما قدرت كلة مشيك علية حتي فكيت مروحت السربنتينة يمكن الغيب منها لقيتو بيها أحسن

المشاركة الأصلية كتبت بواسطة amr_mabd

فلتر التكيف جديد لسة جيبة و السربنتينة غسلتها و التلاجة الجوة بردو نضفتها علي قد ما قدرت كلة مشيك علية حتي فكيت مروحت السربنتينة يمكن الغيب منها لقيتو بيها أحسن

طيب انت جربت تحط ايدك على الماسورة الى عند البلف الى بيتشحن منة التكييف
بس هى المفروض تبقى (ثلج) بعد 3 دقايق من تشغيل التكيف بمعنى انك تحط ايدك عليها سقوعيتها انك مسكت قطعة ثلج..

2. هل لما تمور وتدوس بنزين وتجيب ال ار بى ام على 3000 لفة الكباس بيفصل معاك ؟ بمعنى ان السقوعية تقل ؟
لو كدة يبقى الشحنة مش مزبطة ولما تجرى التكيف هيفصل منك
3. لو تقدر تجيب ثرمومتر ديجتال صغير وحطة قدام فتحة التكيف الى فى النص واطلع بالعربية على طريق وبعد 5 دقايق جرى قولنا القراية معاك كاام ؟ المفروض تبقى اقل من 12 سليزس لو درجة الحرارة برة مثلا 30

(ممكن الكباس نفسة عندك ضعيف او اكسبانشن فالف مش قد كدة بس انا استبعد دة

طيب ممكن تقولى انت حططيت كام جرام فريون اخر مرة شحنت ؟
المفروض الميجان بتاخد 550 جرام تزيد او تقل 30 جرام مش مشكلة لو اكتر او اقل التبريد هيبقى قليل ويا ترى اية نوع الفريون الى انت حططيتة ؟ طبعا اكيد انت سيبت الراجل هو الى يتعامل وهما طبعا بيحطوا صينى (انصحك بفريون اولاد رزق مصرى بس ممتاز وعن تجربة وهات الانبوبة ال 500 جرام وخلى الى بيعملك فاكيوم يعمل فاكيوم 15 دقيقة على الاقل مش اول ما يقولك يابشا خلاص الموتور مبيجبش هوا تانى معنى كدة خلاص لا فى رطوبة جوة دورة التكييف لازم تخرج من الدورة ولو قالك يابشا خلاص كدة قولو ياعم اعمل الى انا عايزة وخد مصنعيتك ( دة المفروض الفاكيوم دة يبقى نص ساعة على الاقل) وجرب كدة

ربنا معاك.......و ان شاء الله تجد حل