تركيب كباس يباني للميجان ؟

**shawkylotfy** · 05-05-2012 05:45 PM

المشاركة الأصلية كتبت بواسطة rsarabia

انا كل الميجان اللى ركبتهم نفس درجة التكييف عندى تكييف جيد لكن ابدا مش قوى زى سيراتووو

ممكن حضرتك تقولنا بتمشى عادة بالعربية امتى ؟؟ يعنى ايد حضرتك بتسقع جامد الكلام دا بالنهار ولا بالليل ؟؟ لان بالليل بتبقى تلاجة فعلا و مينفعش تشغل السرعة الرابعة لكن بالنهار بتبقى جايب اخر سرعة و فرق كبير

بالنهار وكلامى لما العربية تكون بتجرى يعنى ماشى 100 او 90 لدة 10 دقايق لو الجو برة 40 درجة وتكيف عربيتك اقل من كدة تاكد عندك مشكلة ما

ملحوظة : انا كان عندى قبل الميجان كيا سيفيا 99 وتكيفها كان جبار حتى لو العربية واقفة ودرجة الحرارة برة 40 بجد فريزر وانا شايف ان الميجان لما بتجرى نفس الكفائة يعنى حتى لو اقل هيبقى 2 او 3 درجة مئوية انما مش تقولى حتى والعربية بتجرى تكيفها ميجبش ربع السيراتو (مفتكرش) هو تكييف السيراتو بيبقى 0 درجة مئوية مثلا ؟ طبعا لا اكيد مثلا هتبقى درجة البرودة مثلا 10 والميجان مثلا هيبقى 12 او 13 ( دة فى حالة ان العربية بتجرى) بس لما بتقف مثلا 5 دقايق فى اشارة معاك تكييفها ملوش لازمة

**amr_mabd** · 07-05-2012 04:20 PM

المشاركة الأصلية كتبت بواسطة shawkylotfy

طيب انت جربت تحط ايدك على الماسورة الى عند البلف الى بيتشحن منة التكييف
بس هى المفروض تبقى (ثلج) بعد 3 دقايق من تشغيل التكيف بمعنى انك تحط ايدك عليها سقوعيتها انك مسكت قطعة ثلج..

2. هل لما تمور وتدوس بنزين وتجيب ال ار بى ام على 3000 لفة الكباس بيفصل معاك ؟ بمعنى ان السقوعية تقل ؟
لو كدة يبقى الشحنة مش مزبطة ولما تجرى التكيف هيفصل منك
3. لو تقدر تجيب ثرمومتر ديجتال صغير وحطة قدام فتحة التكيف الى فى النص واطلع بالعربية على طريق وبعد 5 دقايق جرى قولنا القراية معاك كاام ؟ المفروض تبقى اقل من 12 سليزس لو درجة الحرارة برة مثلا 30

(ممكن الكباس نفسة عندك ضعيف او اكسبانشن فالف مش قد كدة بس انا استبعد دة

طيب ممكن تقولى انت حططيت كام جرام فريون اخر مرة شحنت ؟
المفروض الميجان بتاخد 550 جرام تزيد او تقل 30 جرام مش مشكلة لو اكتر او اقل التبريد هيبقى قليل ويا ترى اية نوع الفريون الى انت حططيتة ؟ طبعا اكيد انت سيبت الراجل هو الى يتعامل وهما طبعا بيحطوا صينى (انصحك بفريون اولاد رزق مصرى بس ممتاز وعن تجربة وهات الانبوبة ال 500 جرام وخلى الى بيعملك فاكيوم يعمل فاكيوم 15 دقيقة على الاقل مش اول ما يقولك يابشا خلاص الموتور مبيجبش هوا تانى معنى كدة خلاص لا فى رطوبة جوة دورة التكييف لازم تخرج من الدورة ولو قالك يابشا خلاص كدة قولو ياعم اعمل الى انا عايزة وخد مصنعيتك ( دة المفروض الفاكيوم دة يبقى نص ساعة على الاقل) وجرب كدة

هو فعلن حضرتك لما بمور العربية و بوصل RPM ل 3000 الكباس بيفصل و الشحنلي شحنلي بجهاز كمبيوتر شبة المكنسة الكهربة فمركزتش في نوع الفريون ولا شوفت بتاخد كام و لما بطفي التكيف بسمع صوت تنفيس من نحيت الكباس السربنتينة و لما سألتو قلي ده الأكسبنشن و عادي مش تدق

أنا جبت مفك و دست شوية علي بلف الفريون لقيت هواء بيطلع مش فريون و بعد كدة فريون و وصلت rpm لحد 5000 الكباس مفصلش و في تحسين سنة

طب أجيب فريون أولاد رزق ده منين و حضرتك تنصحني بمين كويس بتاع تكيف

**shawkylotfy** · 07-05-2012 05:39 PM

المشاركة الأصلية كتبت بواسطة amr_mabd

هو فعلن حضرتك لما بمور العربية و بوصل rpm ل 3000 الكباس بيفصل و الشحنلي شحنلي بجهاز كمبيوتر شبة المكنسة الكهربة فمركزتش في نوع الفريون ولا شوفت بتاخد كام و لما بطفي التكيف بسمع صوت تنفيس من نحيت الكباس السربنتينة و لما سألتو قلي ده الأكسبنشن و عادي مش تدق

أنا جبت مفك و دست شوية علي بلف الفريون لقيت هواء بيطلع مش فريون و بعد كدة فريون و وصلت rpm لحد 5000 الكباس مفصلش و في تحسين سنة

طب أجيب فريون أولاد رزق ده منين و حضرتك تنصحني بمين كويس بتاع تكيف

الفريون من اى بتاع قطع غيار ثلاجات محترم
هات 500 جرام فقط
قبل ما تشحن اسئال على واحد عندة ضميير وبيفهم علشان يعملك فاكيوم صح (يعنى قبل ما حضرتك تشحن تقولة انا عايزك تعملى فاكيوم للدورة 15 دقيقة على الاقل زود فى الكلام معاك سيبة وامشى وشوف غيرة (هما مش بيعملة فاكيوم مدة علشان بيخافوا على مواتيير الثلاجات الى بيستخدموها احسن تتحرق)
قبل ما تشحن حاول تتاكد ان مفيش تنفيس عندك لان لو فية تنفيس او تسريب يبقى كل الى انت بتعملموا ملوش لازمة
خلية يديها بوق زيت كباس قبل ما يشحن

**amr_mabd** · 08-05-2012 03:42 AM

المشاركة الأصلية كتبت بواسطة shawkylotfy

الفريون من اى بتاع قطع غيار ثلاجات محترم
هات 500 جرام فقط
قبل ما تشحن اسئال على واحد عندة ضميير وبيفهم علشان يعملك فاكيوم صح (يعنى قبل ما حضرتك تشحن تقولة انا عايزك تعملى فاكيوم للدورة 15 دقيقة على الاقل زود فى الكلام معاك سيبة وامشى وشوف غيرة (هما مش بيعملة فاكيوم مدة علشان بيخافوا على مواتيير الثلاجات الى بيستخدموها احسن تتحرق)
قبل ما تشحن حاول تتاكد ان مفيش تنفيس عندك لان لو فية تنفيس او تسريب يبقى كل الى انت بتعملموا ملوش لازمة
خلية يديها بوق زيت كباس قبل ما يشحن

هي المجان مش بتاخد 550 تزيد أو تقل 30 طيب هي ال العلبة ال 500 لما أشحنها مش هيبقى الشحن قليل حوالي 50 جرام ؟؟
و هو فية صوت تنفيس بسمعو لما بطفي التكيف من عند االكباس و السربنتينة هل ده عادي ؟

**shawkylotfy** · 08-05-2012 07:33 PM

المشاركة الأصلية كتبت بواسطة amr_mabd

هي المجان مش بتاخد 550 تزيد أو تقل 30 طيب هي ال العلبة ال 500 لما أشحنها مش هيبقى الشحن قليل حوالي 50 جرام ؟؟
و هو فية صوت تنفيس بسمعو لما بطفي التكيف من عند االكباس و السربنتينة هل ده عادي ؟

مش مهم ال 50 جرام... اديها نص كيلو تمام
ممكن يكون الكباس بينفس حاول تكشف علية
انت لازمك واحد امين علشان متتعبش وانا مش من القاهرة علشان اقدر افيدك ممكن تسال ايمن مومو على بتاع تكيفات كويس

**shawkylotfy** · 08-05-2012 09:11 PM

على فكرة نسيت اضيف حاجة
انهاردة كنت فى مشوار بالعربية على العصرية كدة والشمس كانت جامدة جدااااااا ودرجة الحرارة 26 درجة اخدت المشوار من الطريق الصحراوى جرى وكنت مشغل التكيف على 4 وكان والدى راكب وار هو وجدى اندفاع الهوا كنت موجة فتحة منهم على وشى واللة بعد 10 دقايق جرى خدى اتخدر ومبقتش حاسس بية يعنى مش هقولك ايدى بقى الى اتجمدت لا دة وشى كمان لدرجة ان والدى كمان قالى قلل التكييف شوية (دة الى قاعد ورا) وانا لما نزلت من العربية حسيت بسخونية جااااامدة فى خدى وحاسس انوا منمل

(الخلاصة الميجان وهى بتجرى تكيفها زيو زوى الكورى او اليابانى وانا كان معايا كيا سيفيا وعارف معنى كلمة تكييف جبااار يعنى اية يعنى مش بتكلم وخلاص وبالامانة انا ندمت انى بعت السيفيا لانى حاسس ان تكييفها مش هيتعوض كانت بجد جبارة سواء فى الاشارات او الجرى.

**amr_mabd** · 12-05-2012 11:58 AM

المشاركة الأصلية كتبت بواسطة shawkylotfy

على فكرة نسيت اضيف حاجة
انهاردة كنت فى مشوار بالعربية على العصرية كدة والشمس كانت جامدة جدااااااا ودرجة الحرارة 26 درجة اخدت المشوار من الطريق الصحراوى جرى وكنت مشغل التكيف على 4 وكان والدى راكب وار هو وجدى اندفاع الهوا كنت موجة فتحة منهم على وشى والله بعد 10 دقايق جرى خدى اتخدر ومبقتش حاسس بية يعنى مش هقولك ايدى بقى الى اتجمدت لا دة وشى كمان لدرجة ان والدى كمان قالى قلل التكييف شوية (دة الى قاعد ورا) وانا لما نزلت من العربية حسيت بسخونية جااااامدة فى خدى وحاسس انوا منمل

(الخلاصة الميجان وهى بتجرى تكيفها زيو زوى الكورى او اليابانى وانا كان معايا كيا سيفيا وعارف معنى كلمة تكييف جبااار يعنى اية يعنى مش بتكلم وخلاص وبالامانة انا ندمت انى بعت السيفيا لانى حاسس ان تكييفها مش هيتعوض كانت بجد جبارة سواء فى الاشارات او الجرى.

؟؟؟؟؟؟؟؟؟؟
يبقي أكيد في حاجة غلط عندي بس أنا رحت لأكتر من واحد بتاع تكيف و كلة قسلي درجة الحرارة بالثرمومتر و صلت 2 و واحد تاني وصلت 3.5 و كلهم بصولي علي كل حاجة لقوها تمام و حضرتك أنا من المنيا و بروح كل أسبوع بالعربية علي الكريمات يعني ببقا فاتح في السرعة و بردو مفيش سقوعة و ركبت مع واحد صحبي معاة 2009 عملة 29 ألف بردو تكفها وحش؟؟
طب هو حضرتك مغير حاجة في دورة التكيف أو الكباس؟

**shawkylotfy** · 12-05-2012 12:25 PM

المشاركة الأصلية كتبت بواسطة amr_mabd

؟؟؟؟؟؟؟؟؟؟
يبقي أكيد في حاجة غلط عندي بس أنا رحت لأكتر من واحد بتاع تكيف و كلة قسلي درجة الحرارة بالثرمومتر و صلت 2 و واحد تاني وصلت 3.5 و كلهم بصولي علي كل حاجة لقوها تمام و حضرتك أنا من المنيا و بروح كل أسبوع بالعربية علي الكريمات يعني ببقا فاتح في السرعة و بردو مفيش سقوعة و ركبت مع واحد صحبي معاة 2009 عملة 29 ألف بردو تكفها وحش؟؟
طب هو حضرتك مغير حاجة في دورة التكيف أو الكباس؟

انا مش مغير حاجة طيب انت لما بتجرى مثلا بالعربية درجة الحرارة فى الخارج بتبقى مثلا 35 ؟

ملحوظة : هو الى اعرفة ان افجر تكييف عربية بيخلى درجة الحرارة 8 او 7 لو الثلاجة عندك بتعمل ثلج هتقلل السقوعية علشان هتسد الهوا وكمان انت كنت قايل ان التكييف بيفصل معاك على 3000 لفة معنى كدة ان لما تجرى هيفصل معاك لما توصل سرعتك 110 مثلا

**shawkylotfy** · 12-05-2012 12:33 PM

ممكن لو ركبت كباس اكبر وسربنتينة اكبر يزود معاك السقوعية

**Rsarabia** · 12-05-2012 08:53 PM

انا عندى شك فى حاجة هل ممكن يكون جلد الباب بتاع السواق هو السبب فى المشكلة دى لانها عندى متاكلة و بحس لما بحط ايدى ناحيتها و الباب مقفول ان فى هوا جاى من برا :s