واحد صديقي عايز يخلع من خطيبته ... يعمل ايه ؟

**Screenplays** · 03-05-2012 04:01 AM

احنا قاعدين نهزر و محدش جاب حجه كويسه غير الحاج احمد هههههههههههههههه

**elpasha1** · 03-05-2012 04:34 AM

يتلكك
يعنى لو قالت له صباح الخير يرد
انت كمان بتقولى صباح الخير وقلم خدمين

**ahmed_mido1889** · 03-05-2012 06:37 AM

المشاركة الأصلية كتبت بواسطة elpasha1

يتلكك
يعنى لو قالت له صباح الخير يرد
انت كمان بتقولى صباح الخير وقلم خدمين

مش لابسه اللكلوك ليه

**sas5** · 03-05-2012 09:18 AM

السلام عليكم ورحمه الله
الحل الاسهل هو تقليل الزيارات لها وعدم الرد على اتصالاتها
وسوف يؤدى ذلك الى نرفزتها وممكن تهدده بعد ذلك بان الموضوع مش نافع يكمل - يروح على طوال ماسك فى الكلمه وتكون هى التى طلبت عدم الاستمرار

**A.Saad** · 03-05-2012 09:33 AM

هو موضوع انه يرفض ويعتذر عن الاستمرار صعب اوى ؟؟؟؟

**mesaharaty** · 03-05-2012 09:48 AM

خد المجربات دى :
1- إرجع فى إتفاقاتك اللى إتفقتها مع أهل العروسة وإدى بدلها بدايل غريبة لا يمكن تنفيذها .
2- أكتر حاجة تزهق البنت إنك ماتسألش عليها ولا تهتم بأى شأن من شئونها . إعمل كده بس وهى عليها الباقى .
3- لا زيارات - لا مكالمات - بالعربى (تقطم معاها)
حتلاقى مندوب من عندها جاى لك وبيقول لك كل شىء نصيب .

**Ghosts** · 03-05-2012 10:34 AM

فكرة أنة مريض دى حلوة بس أيدز ....
ممكن يقولها أنة قلبة بيوجعة و الدكتور حذرة من خطورة الجواز على قلبة ....

لو كانت خطيبتة لزقة أمريكانى ممكن تقولة:
يمكن الدكتور بتاعك شخص المرض غلط تعال نروح عند دكتور تانى و أنا هاجى معاك المرة دى (ودة طبعآ عشان تتأكد بنفسها أنة مش بيستعبط) ....

و ممكن تصدق علطول فتديلة الشبكة و كل واحد يشوف سكتة (بس دة أحتمال ضعيف جدآ) ....
البنت اللى بتتخطب دى بتبقى زى الغرة اللى ما يطلعش إلا بخلع الضرس (هى البنات لاقية تتجوز اليومين دول؟؟!!)

هو لو مكانش جايب شبكة كان نفضلها علطول ....
بس هو عايز يسحب نفسة وفى نفس الوقت مايخسرش فلوسة ....

و خصوصآ أن التقاليد فى مصر بتفرض على العريس أنة يسيب الشبكة للعروسة مادام هو اللى عايز يسيبها و يخلع ....

يعنى المحترم اللى يدخل البيت من بابة و يجيب شبكة بالشىء الفلانى لازم يستحمل اللى هيجرالة لو فكر أنة يسيب العروسة ....

**Ghosts** · 03-05-2012 10:39 AM

المشاركة الأصلية كتبت بواسطة ahmed_mido1889

مش لابسه اللكلوك ليه

هههههههههههههه ....
أية اللكلوك دة ؟؟!!
بيتلبس فين بالظبط ؟؟!!

**Ghosts** · 03-05-2012 10:43 AM

المشاركة الأصلية كتبت بواسطة sanhory

بص عامتة اي حجة حتطلع فيه عيب

لو قالها انا مريض حيطلع عليه سمعة بالمرض ده , ده غير ان ادعاء المرض في حد ذاته مش مستحب

لو قالها انا جاتلي سفرية و لازم اسافر و مش حنكمل حيقال عليه بتاع فلوس و مادي

لو قالها انا في حد تاني في حياتي و الكلام ده حيتقال عليه خائن

لو زهقها و حرق دمها برضه حيتقال عليه سايكو و مش طبيعي و غريب الاطوار

و قيس على كدا كل الاعذار

كده كده حيلبس في لقب و حيتقال عليه دا كذا

فياخدها من قاصيرها و يقولها انا محتاج شوية وقت ليا و ليكي نفكر في ارتباطنا عشان انا مش متاكد و بعدين دا جواز مش حيجيب موبايل و لو معجبوش يبيعه

و بعديها بكام يوم يقولها انا فكرت و خلاص مش حينفع نكمل لاسباب خاصة بيا و انتي تمام و زي الفل بس انا عندي اسبابي الخاصة

مشكلة مجتمعنا ان خطوبة يبقى لازم تكمل بجواز و ده غلط لان الخطوبة في حد ذاتها معمولة عشان لو حد عايز يرجع في كلامه و الا كانت بقيت جواز و تلبيس في الحيط من اولها

كلام سليم بس مش هينفع تطبيقة إلا فى المجتمعات المحترمة (يعنى مينفعش فى مصر خااااااااالص) ....
لأنة لو قالها عن حقيقة مشاعرة بصراحة هتقولة:
ومالة يا حبيبى مع ألف سلامة بس ملاكش عندنا شبكة ....