الموضوع: انا جديد فى الماروتى محتاج مساعدة..

المشاركة الأصلية كتبت بواسطة waelgam2005

مبروك عليك ياباشا الماروتى
بالنسبة للتدوير زى ما قال العضو ahma لما تحط المفاتح وتدور على الكونتاكت دوس دوسة بنزين للاخر وسيب مرة واحدة ودور هتلاقيها دارت ولما تدور اديها امبليه صغير بس عشان متبطلش منك وشغل الشفاط على تانى تكة لحد ما مؤشر الحرارة يرفع على حرف c واقفل الشفاط تانى وامشى والحركة دى هتعملها لما تيجى تدور كل يوم الصبح او لما تسيب العربيه اكتر من ساعتين تقريبا لانها هتكون بردت غير كدا مش هتحتاج تشغل شفاط وتستنى تسخن اما موضوع الرجرجه دى هيا سااعات بتعمل معايا وساعات لا بس لما بلاقيها بتعمل معايا على التالت مثلا بريحلها غيار وبديها الرابع ومبتعملش تانى مش عارف اللى بعملو ده صح ولا لاء وعلى فكرة انا برضه لسه جايب ماروتى 2012 من شهر اهو والحمد لله ربنا رحمنى من التكسيات والسواقين

بالشكل ده حضرتك كمان لسه عريس ماروتى جديد زيى ..ربنا يديك خيرها ويكفيك شرها.
غالبا بقى الموضوع ده مش مشكة بدل بتعمل كده مع حضرتك كمان يبقى مش حالة فردية..
عموما انا لو عرفت حاجة بخصوص الموضوع ده هحاول اقوللك.

المشاركة الأصلية كتبت بواسطة Axel

الف مبروك العربية ربنا يديك خيرها و يكفيك شرها معلش جت متأخرة شوية
و انا سعيد بانضمامك لينا لتكون احد نسور السوزوكي الطايرين في الشوارع هههههههه

بس انا زعلان منك بقي يا راجل تستلم العربية و متعملناش تقرير كده حلو عن استلام العربية :)

بالنسبة العربية اولا حضرتك بتغير كل غيار ع كام ؟؟؟ و الرجة بتحس بيها ازاي ؟؟

و بالنسبة الغيارات
الأول تطلع العربية بس و تنقل ع التاني
التاني لحد 30-40
التالت لحد 55-60
الرابع اوبن بوفيه طبعا لكن متزودش حاليا عن 90 عشان العربية تعتبر في التليين
متحرقش اكتر من كده ع الغيارات عشان التروس و الموتور

بالنسبة الصبح كما قال الاخوة طقوس تشغيل الماروتي بتم ازاي و اوعي تستغرب هتشوف معانا العجب لكن مش هتندم ان شاء الله

و الموضوع ده هتشوف فيه العجب بجد هههههه

http://www.nilemotors.net/Nile/274773-a.html

و ديه هدية بسيطة كده

http://www.nilemotors.net/Nile/252145-a.html

و اي استفسار سواء عن العربية او الصيانات اتفضل

شكرا ياباشا على ذوقك الكبير..

انا باختصار كنت هجيب العربية من المصرية لقيتها عامله 217 كم تخيل!!يعنى معنى كده انها جاية من القاهرة ابو رواش ماشية..
وفى اعضاء بصراحة خوفونى من المصرية وغشهم وتعاملاتعم اللى مش دوغرى..
رحت توكلت على الله ورحت لأحمد مرعى مكان محترم وموزع معتمد للسوزوكى والنيسان ولقيت العربية عاملة حاجة واربعين كم ..فقلت ادى العيش لخبازه ..وعملولى نفس الخصم اللى المصرية عملتهولى وهو 250 جنيه..يعنى بدل 39750 بقى 39500
المهم العربية قرفتها حلوة الصراحة وكل ورقها مشى صاروخ حتى المرور عملنالها ملف ونمر وكل شيء فى ساعة وشوية ..
بس يا سيدى ..
هو ملاحظاتى على العربية طبعا هى جميلة وخفيفة وشكلها جميل والاهم من ده كله انها زيرو..
بس الصراحة حاسس ان عربيتى القديمة كانت اعفى منها كتير ..
انا كان معايا سيات 133 حمارة شغل طلعت عين ابوها مكنش ليها اى طلبات غير حبة البنزين اللى بتاخده و وشوية المية كل كام يوم والزيت كل سنة تقريبا..يلا الله يرحم ايامها بقى بس صراحة مفتقد دوشتها وصوت مكنتها العالى جدا جدا وعداداتها اللى مش شغالة بس ادى سنة الحياه

المشاركة الأصلية كتبت بواسطة amgadshah

شكرا ياباشا على ذوقك الكبير..

انا باختصار كنت هجيب العربية من المصرية لقيتها عامله 217 كم تخيل!!يعنى معنى كده انها جاية من القاهرة ابو رواش ماشية..
وفى اعضاء بصراحة خوفونى من المصرية وغشهم وتعاملاتعم اللى مش دوغرى..
رحت توكلت على الله ورحت لأحمد مرعى مكان محترم وموزع معتمد للسوزوكى والنيسان ولقيت العربية عاملة حاجة واربعين كم ..فقلت ادى العيش لخبازه ..وعملولى نفس الخصم اللى المصرية عملتهولى وهو 250 جنيه:f_eyeb1[1]:..يعنى بدل 39750 بقى 39500
المهم العربية قرفتها حلوة الصراحة وكل ورقها مشى صاروخ حتى المرور عملنالها ملف ونمر وكل شيء فى ساعة وشوية ..
بس يا سيدى ..
هو ملاحظاتى على العربية طبعا هى جميلة وخفيفة وشكلها جميل والاهم من ده كله انها زيرو..
بس الصراحة حاسس ان عربيتى القديمة كانت اعفى منها كتير ..
انا كان معايا سيات 133 حمارة شغل طلعت عين ابوها مكنش ليها اى طلبات غير حبة البنزين اللى بتاخده و وشوية المية كل كام يوم والزيت كل سنة تقريبا..يلا الله يرحم ايامها بقى بس صراحة مفتقد دوشتها وصوت مكنتها العالى جدا جدا وعداداتها اللى مش شغالة:copy of m-s5::f_eyeb1[1]: بس ادى سنة الحياه

اكسيل مش هيسيبك برضه وهيقولك كل ده زى الفل بس اعملو بقى بتقرير مصور هههههههه
عملو معايا كدا وعملت التقرير يلا مستنين توبيك كدا بقى والصور مقولتش لونها ايه ؟ انا جبتها فضى