انا جديد فى الماروتى محتاج مساعدة..

**amgadshah** · 03-05-2012 02:58 PM

ده اول موضوع ليا فى المنتدى المحترم ده بس انا متابعه من فترة ولاحظت الاحترام المتبادل والتعاون الشديد بين اعضائه مما شجعنى على طلب المشورة..

انا ربنا كرمنى بماروتى 2012 لسة مرخصها امبارح -دعواتكم- فى حاجة غريبة لاحظتها فى سواقتها .. الغيار الاول والتانى والتالت لما بيوصل لنص سرعته كده العربية بترجرج الا لو كابس بنزين او اديتها الغيار اللى بعده.
فهل الرجرجه دى سببها ان العربية محتاجة الغيار اللى بعديها ولا معناه حاجة تانية..

تانى حاجة فى الدواره الصبح العربية بتبقى بارده ياترى اكاركلها عشان تدور لانى كنت بعمل لعربيتى القديمة كده ولا فى حاجة تانية ممكن اعملها؟؟

اسف للاطالة بس من عشمى والله.

**Inteltech** · 03-05-2012 03:12 PM

أهلا بيك ويسعدني اكون اول واحد يرد على حضرتك ويبارك لك على العربية الجديدة ربنا يديك خيرها ويكفيك شرها ، على قد معرفتي وانا كمان عضو جديد زي حضرتك وهرد على اللي اعرفه ولو في حاجة مش صح ارجو المشرفين والاعضاء اللي عندهم خبرة يردوا

بالنسبة للرجرجة اللي حضرتك قلت عليها اتصور لان الموتور صغير وده حمل زيادة عليه فلما بترمي اللي بعده بترتاح وبتختفي بس الاحتمال الاغلب ان في مشكلة في الكهربا في العربية وعايزة تزبط التفسيمة مثلا او فحص البوجيهات

بالنسبة للداورة الصبح والتكريك ده اللي يحدده العربية دي انجكشن ولا كاربيتر وده اللي يحدد لو انجكشن او حقن مباشر مش محتاج تكارك لان كده كده الحساسات هتدي امر ان يتم سحب البنزين مباشرة من التنك وعن نفسي بدور بدون ما اعمل الحكاية دي في اخر عربية كانت معايا . اما لو كاربتير فاعتقد لازم تكارك علشان تجهز البنزين في الكاربتير وتم الدوارة بسهولة بس مش تكثر لحسن تشرق من حضرتك او تاخد زيادة بنزين ومش تدور والله اعلم
بالنهاية سامحني انت والاعضاء الكرام ان كانت معلوماتي غلط وانا بتعلم برضو زي حضرتك المعلومة دي عن العربية دي
دمتم بود

**mesaharaty** · 03-05-2012 03:15 PM

ألف مبروك يا باشا

**amgadshah** · 03-05-2012 03:25 PM

المشاركة الأصلية كتبت بواسطة mesaharaty

ألف مبروك يا باشا

شكرا لحضرتك وربنا يباركلك..

**ahma8** · 03-05-2012 03:28 PM

الف مبروك يا باشا و ربنا يديك خيرها و يكفيك شرها
اللى انا اعرفه ان لازم تعمل طقوس تشغيل الماروتى
و اللى هيا _على حسب علمى _ :-
هتسمى الله
تمور العربية و تحط المفتاح فى الكونتاك لغاية لما النور الاحمر ينور فى العدادات
تديها بنزين للاخر و تشيل رجلك بسرعة مرة او اتنين
و تدور على بركة الله و ربنا يسهلها

و هيا كابرديتاير فهتتعبك شوية الصبح
و لما تتعود عليها هتبقى زى الزبادى معاك

بس مش قلتلنا جبتها بكام ولا منين و على فكرة فى عضو معانا اسمه وائل من العاشر برضو لو حضرتك من العاشر

يلا ربنا يباركلك فيها

احمد,

**amgadshah** · 03-05-2012 04:48 PM

المشاركة الأصلية كتبت بواسطة ahma8

الف مبروك يا باشا و ربنا يديك خيرها و يكفيك شرها
اللى انا اعرفه ان لازم تعمل طقوس تشغيل الماروتى
و اللى هيا _على حسب علمى _ :-
هتسمى الله
تمور العربية و تحط المفتاح فى الكونتاك لغاية لما النور الاحمر ينور فى العدادات
تديها بنزين للاخر و تشيل رجلك بسرعة مرة او اتنين
و تدور على بركة الله و ربنا يسهلها

و هيا كابرديتاير فهتتعبك شوية الصبح
و لما تتعود عليها هتبقى زى الزبادى معاك

بس مش قلتلنا جبتها بكام ولا منين و على فكرة فى عضو معانا اسمه وائل من العاشر برضو لو حضرتك من العاشر

يلا ربنا يباركلك فيها

احمد,

ربنا يباركلك يا باشا وشكرا على الرد والاهتمام..
انا اولا من اسكندرية وجبت العربية من عند احمد مرعى بعد ما كنت اتفقت مع المصرية بس الناس خوفونى من المصرية قمت رحت لمرعى وهو مكان محترم وموزع سوزوكى ونيسان ..
انا اشتريتها ب 39500

**amgadshah** · 03-05-2012 07:06 PM

مستنى ردودكم يا خبراء ..جزاكم الله خيرا.

**HRH_Sameh** · 03-05-2012 08:14 PM

مبروك عليك
حمل الملف ده واقراه كويس والتزم بالصيانة تعيش معاك العربية
http://www.nilemotors.net/Nile/98669-800.html

**waelgam2005** · 03-05-2012 09:18 PM

مبروك عليك ياباشا الماروتى
بالنسبة للتدوير زى ما قال العضو ahma لما تحط المفاتح وتدور على الكونتاكت دوس دوسة بنزين للاخر وسيب مرة واحدة ودور هتلاقيها دارت ولما تدور اديها امبليه صغير بس عشان متبطلش منك وشغل الشفاط على تانى تكة لحد ما مؤشر الحرارة يرفع على حرف C واقفل الشفاط تانى وامشى والحركة دى هتعملها لما تيجى تدور كل يوم الصبح او لما تسيب العربيه اكتر من ساعتين تقريبا لانها هتكون بردت غير كدا مش هتحتاج تشغل شفاط وتستنى تسخن اما موضوع الرجرجه دى هيا سااعات بتعمل معايا وساعات لا بس لما بلاقيها بتعمل معايا على التالت مثلا بريحلها غيار وبديها الرابع ومبتعملش تانى مش عارف اللى بعملو ده صح ولا لاء وعلى فكرة انا برضه لسه جايب ماروتى 2012 من شهر اهو والحمد لله ربنا رحمنى من التكسيات والسواقين