السلام عليكم
معايا 170 الى 180 الف ان شاء الله و محتاااااار جدا بين الثلاثى دول
لو تويوتا حتبقى الهاى لاين
لو السيفك حتبقى الفئة الاولى مش الهاى لاين لانها ب 200 الف
لو الفورد حتبقى الى ب 180 ان شاء الله
و عاوز مقارنة من حيث كل شىء
و ربنا يقدم اللى فيه الخير
فانتظار راي الاعضاء
انما لو ليا اختار التويوتا
موفق
و الله انا محتار جداااا السيفك كماتور احسن من التويوتا لاكن واطيه جدااا و كل مطب بتحك تقريبااقتباس:
المشاركة الأصلية كتبت بواسطة ahmed1006
سعر اعادة البيع للتويوتا طبعااا
بس المشكلة ان التويوتا فقيرة جدا كا كماليات و الشكل من جوه عادية جدااا
فانا محتار جدااا و عاوز مساعدات من الناس الخبرة فى مجال السيارات و ناس جربت العربيات دى
بلا نقاش الفوكاس , اولا هنستبعد الكورولا لان مفيهاش اي حاجة تستاهل 170 الف جنيه , لا ثبات ولا كماليات ولا راحة ولا اي حاجة
الفوكاس والسيفيك , بالنسبة للشكل وده راي شخصي , الفوكاس شكلها ممتاز وانسيابي ومميز خصوصا عالحقيقة ويا سلام لو جبت الهاتش باك , الهوندا شكلها تعبان جدا خصوصا من ورا وملامح السيفيك اختفت من الجيل ده
من جوا الفوكاس خاماتها ممتازة وتابلوه شيك جدا , السيفيك تابلوه مش قد كده بس اضاءة مبهرة خصوصا العدادات
السيفيك 125 حصان والعزم 151 نيوتن , الفوكاس 125 حصان والعزم 159 نيوتن وبتوصل 0-100 في 11.2 ثانية
ثبات الفوكاس ممتاز وال handling سلس
العربيتين واسعين من ورا ولكن خامات الفوكاس احسن والكراسي مريحة ومش متعبة , خامات السيفيك مش قد كده
ب 180 الف هتاخد كماليات كتير في الفوكاس بينما هتاخد عربية فاضية في السيفيك , لانها مبتنزلش بجنوط سبور ولا فوج لايت ولا مرايات ضم ولا usb ولا بلوتوث ولا سنسور بارك ولا كاميرا خلفية ولا فرش جلد ولا سمارت كي ولا طارة ملتي ولا حساسات مطر ولا تكييف دوال زون ولا كراسي كهربائية , معظم الحاجات دي موجودة في الفوكاس
الفوكاس الماني والسيفيك اوروبي , في فرق واضح طبعا
فتيس الفوكاس 6 سرعات dual clutch , بيدي اداء رياضي كويس بس مش قد كده في الزحمة وبيتردد كتير في النقلات
فتيس الهوندا اوتو عادي 5 سرعات مش 6
بس برضه الفوكاس : عفشة ممتازة , هاندلينج ممتاز وفخامة الالماني , عزل ممتاز ( برضه السيفيك عزلها ممتاز ) , خامات ممتازة مش بلاستيك زي السيفيك
الكورولا ركبتها كتير , مفيهاش اي ميزة غير اعادة البيع بساقتباس:
المشاركة الأصلية كتبت بواسطة solom_2010
اعتقد الفوكاس احسنهم و شوف الاسترا برضه كويسه جداا بس من الواضح انك بتفكر في عربيه عائليه
الفوكاس الاستيشن جامده جدا
لكن السيفك
شكلها ولا تساوي حتي 120000 جنيه
الموديل السابق اشد منها
غير انها واطيه جدا
انا ركبتها وكنا 3 في العربيه يعني واحد بس قاعد في الكنبه الخلفيه
في الضياع عند اي مطب لازم تسلم عليه
غير ان الموديل الجديد لا يكاد يذكر في الشارع
يعني فاشله مفيش مبيعات
الكورلا اظن اكثرهم ربحا عند اعاده البيع
الاختيار بين كورلا وفوكس
تويوتا مش مميز ه خالص الا فعلا في اعاده البيع فعلا
انا ركبت الفورد فوكاس ...هي كنبتها ضيقه شويتين في رايي
الهوندا فعلا سعرها مغالي فيها بس انا شايف ان تابلوهها رائع و خامتها مش سيئه
الموضوع يرجع لك......عايز تركب جديد و تحب الشياكه يبقي خليك مع الهوندا او الفوكاس ...... قلبك جامد و ممكن تاخد مخاطره مع الفتيس اللي عليه كلام شويتين ( مع ان الفورد اكتر عربيه محبوبه فب اوربا الان) يبقي خليك مع الفوكاس......عايز اعتماديه رهيبه مع فتره ضمان اعلي من الفوكاس بس هتضحي بالكماليات و شويه شياكهمن بره يبقي هوندا
octavia
السلام عليكم ورحمة الله وبركاته
كل سيارة من التلاتة لها مزايا عن الأخرى ولا أستطيع أن أقول أن واحدة منها تعتبر خسارة أو فشل. الموضوع يتوقف على احتياجك من السيارة وشخصيتك.
الكورولا سعر إعادة البيع لها أحسن كتير لأن قطع غيارها متوفرة وصيانتها أسهل وأعطالها قليلة وسمعتها معروفة. عربية سهلة وتكييفها هايل لكن أقل فى الثبات وإمكانيات الموتور والكماليات من الاتنين التانيين.
الفوكس أحلاهم فى الشكل الخارجى والإمكانيات والكماليات ولكن المعلومات الأولى بتقول إن الفتيس ممكن يعمل مشاكل وسعر إعادة البيع أقل واحد فيهم والتكييف طبعا أقلهم لأنه أوروبى. أما الإعتمادية فماحدش يعرف عنها حاجة.
السيفيك ناس كتيرة زعلانة من الشكل الجديد وإن التابلوه والخامات الداخلية أقل وأرخص. لكن دى هوندا !!!!!!!! وإسم الهوندا لوحده يضمن إعتمادية أعلى بكتير والسيفيك أوسع بكتير من الإتنين التانيين وأثبت على الطريق
في رأيي كورولا ملهاش مكان في المقارنة دي,
و أظن أن السيفيك الجديدة هتضيع سمعة الشكل اللي قبله, الشكل الجديد سيء بمعنى الكلمة, أنا بتكلم على الشكل الخارجي و الداخلي, و كده كده كماليات الهوندا في الضياع, لكن بالتأكيد طول عمر مواتير الهوندا ملهاش حل, فهي عبارة عن موتور كويس و بس.
فأعتقد أن الفوكاس تكسب في المنافسة دي, يعني من الأخر هي good value for money..
السيفيك اثبت من الفوكاس !!! صعبة اوي دياقتباس:
المشاركة الأصلية كتبت بواسطة mostafa53
طيب اية راى حضرتك فى الفانتزيا ممكن تبص عليها او المازدا 3 154 اعلى فئة جميع الكمليات
خليك فى التيوتا والسيفيك علشان اعادة البيع
ومن وجة نظرى هات السيفيك عربية قوية ومش تقليدية زى التويوتا اللى تعتبر عربية قوية بس مش بحب شكلها التقليدى وكمان كماليتها مش حلوة
اما لو بتدور على شكل جامد فانا شايف انك ممكن تفكر فى سبورتاج ودى عربية suv
ولو مش حتبيع العربية خالص فممكن بردة تفكر فى الفورد على اساس انها شيك
فوكس
لو قلقان من الانتشار واعادة البيع وقطع الغيار وغيره
هات النترا
لكن كورولا لا تعليق , والسيفيك الجديده عشاق الهوندا نفسهم مش عاجباهم دا غير سعرها الخرافى
فورد فوكس
+1اقتباس:
المشاركة الأصلية كتبت بواسطة hosam_optrawy
بس النترا متتجابش غير فولي لودد
يعنى كده نقدر نقول ان الاغلبية ينصحونى بالفورد الفوكاس . انا ان شاء الله لو جبت عربية من التلاته مش حفكر فى البيع الا بعد 6 سنين اقل حاجه ان شاء الله و ربنا يدينا طول العمر .
المشكلة انى خايف من قطع الغيار و التوكيل و عدم انتشار الفوكاس خاالص بس سمعت ان التوكيل بقى كويس جدا بعد التوكيل القديم و قطع الغيار قالولى انها فى رينج العربيات اليبانى يعنى مش غالية للدرجه
طب هل ممكن ندخل المازدا 3 فى المقارنة ولا التلاته دول احسن منها ؟؟؟؟؟؟؟
شكرااا جدا لكم جميعا على سرعة المشاركة
الفوكاس معيار الفئة دي
توكل على الله عربية محترمة جداً و جربها برضه الأول
فوكاس طبعا. بس عيبها سعر إعادة بيع سيء جدا ودا بالنسبالي سبب كافي إني ناجيبهاش عشان حاحس اني بارمي فلوس في الأرض. وبرضه قطع غيارها غالية وإن كان كله كدا. أنا أقترح تفكر في الفانتازيا, فيها كل حاجة وإن كان شكلها حيغير السنه الجاية.
طبعا انصحك بالهوندا
اقولك لية لانهم برة ف اوروبا عملو احصائية عن اقل العربيات عطل فهوندا حصلت علي المركز الاول بجدارة
فتوكل علي الله
ومتنساش صلاة الاستخارة
وبالتوفيق ف القرار السليم
لو مش فارق معاك الوقت
استني كورولا الشكل الجديد 2013
متتتابع
مين اللي عمل الاحصائية دي ؟ والمصدر ايه ؟اقتباس:
المشاركة الأصلية كتبت بواسطة ahmedaglan
في الاعتمادية تبع احصائية J.D POWER
اعلى شركة في الاعتمادية هي لكزس
واقل شركة هي فوكسهول ( اوبل )
JD Power Survey 2011 - The best and worst... - Car and Car-Buying News - What Car?
التوكيل موفر قطع الغيار كلها باسعار كويسة , والمازدا اقل منهم في الاوبشن والموتوراقتباس:
المشاركة الأصلية كتبت بواسطة solom_2010
حضرتك حاطط معيار البنزين
الفوكاس 95 و متسمعش كلام الهيقولك تمشى ب 92
فا ده معيا يخليك تفكر كتييييييير قبل متقرر
التر ب 2.75 جنيه فا اعتقد
انتا محتاج تبص على الفنتازيا
أولا تطرد السيفيك الجديدة بالشالوت
الكورولا شايف انهم بيستعبطوا اوي في سعرها و مبقتش زي الكورولا بتاعت زمان
الفوكاس عربية جامدة جدا و انا شايف انها هتاكل الجو اليومين اللي جايين دول
و برضوا روح اتفرج علي اللانسر الشارك اعلي فئة و المازدا 3 اعلي فئة و الأوكتافيا و شوف لو حاجة عاجباك منهم
اقتباس:
المشاركة الأصلية كتبت بواسطة mody3on
اقتباس:
المشاركة الأصلية كتبت بواسطة mody3on
:yeah::yeah::yeah:اقتباس:
المشاركة الأصلية كتبت بواسطة minicooper20
متقلقش من التوكيل فكري مظبطه جداا و اسعار قطع الغيار نازله في الجرنال انا شايفها رخيصه جداا مقارنتا بباقي التوكيلات المشكله بس في بنزين 95 لو ماعندكش فيه مشاكل توكل علي الله و هاتها انا شايفها احسن منهم بفارق كمان
و برضه اتاكد من موضوع الدعم لاني قريت انهم ممكن يرفعوا الدعم من علي بنزين 95 في الحاله دي اللتر ممكن يوصل ل 6 جنيه