تصاعد أزمة بين نوكيا و الحكومة المصرية

**Hossam_Hassan** · 13-06-2008 09:39 PM

المشاركة الأصلية كتبت بواسطة Ahmed Samy

المشكلة ان الأمن المصري خايف من خياله .....

يعنى يخاف حتى الناس تعرف هيا فين

لازم الناس تفضل (تايهه)

مش حكاية خوف، ده مجرد كسل، يعنى ليه يتعبوا زيادة و يصرفوا فلوس زيادة و هم محتاجين الميزانية لادارة التربية و التعليم بوزارة الداخلية.

بالظبط كده زى ما اغلب الأقسام بتحاول تنهى اى مشكلة من غير محضر، علشان عندهم ضغط شغل نتيجة نقص الضباط و العساكر و الأمناء اللى مشغولين بحفظ أمن (الدولة)

**M.Elwan** · 13-06-2008 10:06 PM

هو الموضوع ممنوع بسبب حاجة تانية خالص طبعا انتو عارفين ان gps بيكون نظام ملاحى عليه خريطة اى دولة وطبعا منها مصر والخريطة دى بتكون تفصيلية بكل الشوارع وكده بس مش دى المشكلة المشكلة ان ممكن لو انا معايا موبايل ومفتوح ممكن بمنتهى السهولة تحديد موقع الموبايل وطبعا موقع اللى شايله
طيب فين المشكلة ؟؟؟؟
المشكله ان ممكن اى شخص وانا بقول اى شخص ... شايل موبايل ويكون مستهدف من اى منظمة او دولة انها توجة صاروخ من نوعية الموجهة عن طريق القمر الصناعى وهنا القمر الصناعى ياخد اشارتة من خلال ال gps ويقوم بتوجية الصاروخ الى المكان المظبوط عن طيق target lock وده يخلى الصاروخ يتتبع الهدف بدقة متناهية ويفضل ماشى وراه لحد ما يصيبه

طبعا الموضوع كبير بس اى دولة عندها انظمة دفاعية او دولة مش بتخاف من خيالها مش حتفكر فى الموضوع ده لكن طبعا دولة زى كوريا ليها عذرها فى منع نظام زى ده لانها تعتبر فى حالة حرب ولازم تأمن نفسها لكن مصر ايه وضعها

**PRO-DRIVE** · 13-06-2008 10:20 PM

^^^ عادي اسرائيل كانت بتعتمد علي الثريه في تحديد مواقع الناس اللي شايلاها
و من غير Gps خالص

غير كدا الراجل الامني ميمسكش الموبايل معتقدش انو مش ناقصه في الدنيا غير موبايل و خريطه :(

**wawoo** · 13-06-2008 11:53 PM

المشاركة الأصلية كتبت بواسطة kingaya

ويقوم بتوجية الصاروخ الى المكان المظبوط عن طيق target lock وده يخلى الصاروخ يتتبع الهدف بدقة متناهية ويفضل ماشى وراه لحد ما يصيبه

صاروخ اية بس يا اخ جينج , و الصاروخ دة حيدخل مصر ازى , كل الحدود مراقبة او اى صاروخ حيدخل حيترصد قبل ما يوصل لهدفة بمدة كافية ,و بعدين اللى خايفة على نفسة حيقفل الخصية دى يعنى , انا شخصيا اعتقد ان سبب المنع ان مافيش ليسة فى جهات المنية اجهزة لرصد كل الاتصالات بين الموبيل و القمر الصناعى , يعنى دة اتصال ممكن يستغل فى نقل معلومات و بينات اخرى غير مجرد المواقع , حتقلى ما الجهزة موجودة بالفعل , حقلوك اة موجوة بس برضو العدد قلييل انما لما العدد يزيد بيقى لازم يكون فى سلطة للدول على هذة الاتصلات و متابعتها ان ارادو , و دة اللى ليسة مش متوفر بالنسبة للعدد كبير من الاجهزة .

**جندى مجند** · 14-06-2008 12:29 AM

المشاركة الأصلية كتبت بواسطة wawoo

سبب المنع ان مافيش ليسة فى جهات المنية اجهزة لرصد كل الاتصالات بين الموبيل و القمر الصناعى , يعنى دة اتصال ممكن يستغل فى نقل معلومات و بينات اخرى غير مجرد المواقع , حتقلى ما الجهزة موجودة بالفعل , حقلوك اة موجوة بس برضو العدد قلييل انما لما العدد يزيد بيقى لازم يكون فى سلطة للدول على هذة الاتصلات و متابعتها ان ارادو , و دة اللى ليسة مش متوفر بالنسبة للعدد كبير من الاجهزة .

لأ مش دة السبب برضو لأن نظام الGPS بيكون الاتصال فيه من طرف واحد يعنى الموبايل يستقبل فقط من القمر الصناعى لكن لا يرسل له أى بيانات زى بالضبط نظام استقبال الدش العادى اللى موجود فى كل حتة بيستقبل قنوات التليفزيون من القمر الصناعى لكن لا يقوم بارسال أى بيانات له.

أعتقد ان السبب اللى خايفين منه ان ممكن أى واحد يحدد احداثيات أى "هدف" بسهولة عن طريق الـ GPS و يعمل هجوم ارهابى عليه ... حاجة كدة زى يافطة "ممنوع الاقتراب و التصوير"!! ... و نتيجة للفكر العجيب دة مصر بتتحرم من تكنولوجيا مفيدة جداً جداً العالم كله بيستخدمها فى تنظيم المرور و تجنب الشوارع المزدحمة و ايجاد أيسر الطرق للوصول لأى مكان ... وكنت قريت من فترة خبر ان شركات تاكسى العاصمة كانت فى أزمة بينها و بين الحكومة عشان كانوا عايزين يشغلوا النظام دة لتتبع أسطول السيارات و لكن تم الرفض لأسباب أمنية ... و النتيجة ان السواقين بيسرقوا الشركات دى و بيشغلوا التاكسى لحسابهم ... دة حتى المرسيدس الاس كلاس اللى بتتجمع فى مصر مبينزلش فيها GPS رغم انه تجهيز أساسى فى العربية دى ...

و اللى ينرفز بجد ان النوكيا 95 موجود و بيتباع فى كل حتة و ناس كتير معاهم أجهزة جى بى اس خاصةً مهندسى المساحة و منظمى رحلات السفارى و غيرهم و الأجهزة دخولها مصر سهل جداً لكن أعتقد فعلاً الحكومة مكسلة تنظم الموضوع أو يمكن بيفكروا يفرضوا ضريبة على الأجهزة دى و لسة مش عارفين يطبقوها ازاى!!

**Mohamed-Saoud** · 14-06-2008 12:52 AM

موتورولا حاولت من سنتين تنزل في مصر موبايل فيه Gps بس ماعرفتش برده!!!

**wawoo** · 14-06-2008 12:54 AM

المشاركة الأصلية كتبت بواسطة جندى مجند

لأ مش دة السبب برضو لأن نظام الGPS بيكون الاتصال فيه من طرف واحد يعنى الموبايل يستقبل فقط من القمر الصناعى لكن لا يرسل له أى بيانات زى بالضبط نظام استقبال الدش العادى اللى موجود فى كل حتة بيستقبل قنوات التليفزيون من القمر الصناعى لكن لا يقوم بارسال أى بيانات له.

ازى لا يرسل بيانات , امال هوة القمر حيعرف منين ان اللى طالب تحديد مكانة هوة هذا الموبيل , لازم يكون فى اشارة مبعوتة من الموبيل للقمر او على الاقل اى تحديد عشان المعلومات توصل للموبيل دة بالتحديد , ياريت خبراء الاتصلات يفيدونا فى الموضوع دة.

فى احتمال اخر و ان كان مستبعد لكن وارد و و هو ان تكون اشارات الل gps دى اساسا تكون بتشوشر على ترددات تانية بتستعملها الحكومة فى اغرضها الخاصة , و يكون من الصعب او من المكلف تغير هذة الاجهزة او الترددات ,

**pointer** · 14-06-2008 01:08 AM

المشاركة الأصلية كتبت بواسطة جندى مجند

أعتقد ان السبب اللى خايفين منه ان ممكن أى واحد يحدد احداثيات أى "هدف" بسهولة عن طريق الـ GPS و يعمل هجوم ارهابى عليه ... حاجة كدة زى يافطة "ممنوع الاقتراب و التصوير"!! ... و نتيجة للفكر العجيب دة مصر بتتحرم من تكنولوجيا مفيدة جداً جداً العالم كله بيستخدمها فى تنظيم المرور و تجنب الشوارع المزدحمة و ايجاد أيسر الطرق للوصول لأى مكان ... وكنت قريت من فترة خبر ان شركات تاكسى العاصمة كانت فى أزمة بينها و بين الحكومة عشان كانوا عايزين يشغلوا النظام دة لتتبع أسطول السيارات و لكن تم الرفض لأسباب أمنية ... و النتيجة ان السواقين بيسرقوا الشركات دى و بيشغلوا التاكسى لحسابهم ... دة حتى المرسيدس الاس كلاس اللى بتتجمع فى مصر مبينزلش فيها GPS رغم انه تجهيز أساسى فى العربية دى ...

يانهار ابيض ده انا مش داخل المنتدى ده تاني ده موقع الربوه و احداثياته من علي الجوجل ارث ماليه المنتدي لا يا عم انا شلت جوجل ارث ليحرزوا اللاب توب ولا البي سي بتاعي ولا يقولوا علينا بنحضر لعمليات ارهابيه و الهجمه اللي جايه الربوه يوم الجمعه الجايه

**جندى مجند** · 14-06-2008 01:46 AM

المشاركة الأصلية كتبت بواسطة wawoo

ازى لا يرسل بيانات , امال هوة القمر حيعرف منين ان اللى طالب تحديد مكانة هوة هذا الموبيل , لازم يكون فى اشارة مبعوتة من الموبيل للقمر او على الاقل اى تحديد عشان المعلومات توصل للموبيل دة بالتحديد , ياريت خبراء الاتصلات يفيدونا فى الموضوع دة.

فى احتمال اخر و ان كان مستبعد لكن وارد و و هو ان تكون اشارات الل gps دى اساسا تكون بتشوشر على ترددات تانية بتستعملها الحكومة فى اغرضها الخاصة , و يكون من الصعب او من المكلف تغير هذة الاجهزة او الترددات ,

الـ GPS بيعمل عن طريق ان الجهاز يلقط اشارة من 3 أو 4 أقمار على الأقل كل قمر منهم بيبعت اشارة تحدد موقعه (موقع القمر) و الجهاز بيقدر يحسب عن طريق عملية حسابية اسمها Trilateration موقعه (موقع الجهاز) و ارتفاعه عن مستوى سطح البحر. و العملية دى كلها مش محتاجة ان القمر الصناعى يعرف أى معلومة عن موقع الجهاز. لمزيد من التفاصيل و الرسوم التوضيحية: http://en.wikipedia.org/wiki/Gps

و حتى برضو موضوع ان تردد الـ GPS يكون بيشوشر على ترددات تانية غير وارد لسبب بسيط ان اشارات الجى بى اس موجودة بالفعل فى أى مكان مفتوح زيها زى اشارات التليفزيون و الراديو و بيتم ارسالها منذ أن تم اختراع نظام الجى بى اس و بالتالى لو فى أى أجهزة ترددها بيتعارض مع الجى بى اس كانت حتتأثر من زمان و مش مستنية وجود أجهزة الاستقبال ...

يعنى للأسف مفيش أى سبب تقنى مقنع يبرر تأخر مصر فى استخدام الجى بى اس بينما العالم كله بيستخدمه عادى جداً ... يا راجل دا أنا بأحمد ربنا انهم فى مصر سامحين بالانترنت و كان ممكن يمنعوها و يقولوا لأسباب أمنية!!