تغيير بطارية الصني بأخرى جافة

**Sehsss** · 05-05-2012 08:38 PM

السلام عليكم ورحمة الله وبركاته
قمت اليوم بتغيير البطارية السائلة ماركة كلورايد (44 أمبير) ببطارية جافة ماركة ac delco البطارية القديمة عدت السنة في العربية وكنت مقلق منها إنها تقل بأصلها في أي مكان قلت آخدها من قصيرها وأغيرها وأريح دماغي، البطارية سعرها 340 جنيها (55 أمبير) + البطارية القديمة فقلت أقولكم على السعر علشان في لعب كتير اليومين دول في أسعار البطاريات.. تحياتي

**Sehsss** · 05-05-2012 09:15 PM

المشاركة الأصلية كتبت بواسطة anasnora

معلش ياباشا برجاء الرد هل فرقت فى حكايه النتشه بتاعه النقله من 44 امبير الى 55 امبير اصلى ناوى اغيرها ل55 امبير

أنا مانيوال يا باشا

**Inteltech** · 05-05-2012 09:30 PM

مبروك البطارية يا باشا وتفكير سليم
بس عندي سؤال هو في اثر ايجابي او سلبي في اي حال من الاحوال لما نزيد من قوة امبير البطارية من اقل لزيادة ؟؟؟ وده للعلم لاني مش عارف اجابة الموضوع ده وشكرا

**Sehsss** · 05-05-2012 09:38 PM

المشاركة الأصلية كتبت بواسطة atefadel

طيب70 امبير جافة بكام

ما سألتش عليها، هاسأل وأرد عليك

**Sehsss** · 05-05-2012 09:39 PM

المشاركة الأصلية كتبت بواسطة inteltech

مبروك البطارية يا باشا وتفكير سليم
بس عندي سؤال هو في اثر ايجابي او سلبي في اي حال من الاحوال لما نزيد من قوة امبير البطارية من اقل لزيادة ؟؟؟ وده للعلم لاني مش عارف اجابة الموضوع ده وشكرا

ربنا يبارك فيك، مانيوال العربية بيقول إنه مسموح لحد 65 أمبير، وأغلب العربيات الـ1500 أو الـ1600 سي سي البطارية المناسبة ليها 55 أمبير، إلا لو مركب زينون وأو شوية حاجات كهرباء بتخليها 70 أمبير

**Sehsss** · 05-05-2012 09:46 PM

المشاركة الأصلية كتبت بواسطة peaceman

الف الف مبروك يا محمد البطارية الجديدة .. بس سنة واحدة علي البطارية القديمة ده شوية خالص .. انا البطارية قعدت معايا سنتين

الله يبارك فيك يا بيشو، أنا موسوس للأسف، وعلى فكرة الصوباعين الطوال اللي ربطين البطارية كانوا على وشك التآكل من مياه البطارية، (أنا عندي قناعة إن البطارية المياه اختراع فاشل وراح زمنه)