سؤال عن تغيير بطارية الصني

**ammarxn** · 28-09-2011 10:01 PM

السلام عليكم ...

إزيكم يا شباب ... يارب تكونوا جميعا بخير وصحة وعافية ...

عندي سؤال ليكم عن بطارية الصني ...

معايا صني 2010 ببطارية التوكيل وهي ذات تيار 44 أمبير ...

كنت عايز أغيرها ببطارية جافة بتيار 55 أمبيير ...

وأعتقد إن دينامو الصني ممكن يخرج تيار بقيمة 90 أمبيير .... وبالتالي يقدر عادي يشحن الـبطارية الــ 55 أمبيير.

حد جرب التغيير ده وشاف تأثيره على السيارة ... ؟

إيه رأيكم في البطاريات الجافة ... ما هي أفضل أنواعها ... ؟

وأخيرا هل هذا التغيير ليه أي تأثير على ضمان السيارة ...

دمتم بود ...

**goudamahdy** · 29-09-2011 12:10 AM

السلام عليكم ورحمة الله وبركاته

يشرفني اكون أول واحد رد عليك

أولا عربية حضرتك مانيوال ولا اوتو

هي في الاوتو بتفرق كتير في الميكانيزم بتاع العربية كلها وخصوصا في نقلات الغيارات بتخليها سلسة جدا... وما بتحسش بنتشة ( والكلام ده من ناس معاها اوتو وغيرو البطارية لــ 55 امبير وفرقت معاهم جاامد)

بالنسبة للمانيوال ( وده حال عربيتي انا شخصيا : مانيوال 2011 استلام 13-3-2011) حبيت اغير البطارية للـــ 55 امبير( وهي جديدة طبعا وفي الضمان ) وسالتهم في السبع وانا في صيانة الــ 10000 المهندس محمد غالي قالي البطارية مش هتفرق معاك كتير قوي في الآداء بتاع العربية ... دا بالاضافة إلى إني هاخسر البطارية اللي لسه جديدة وفي الضمان أصلا ... هتتباع كانها مستعملة من فترة ... بصراحة صرفت نظر عن الموضوع ... وبادور اني ابيعها كده عادي لأي حد معرفة واجيب الجافة 55 امبير..

**omar-saad** · 29-09-2011 02:27 AM

العربية ادائها فعلا هايتغير كتير لو اوتوماتيك
وهاتحس بقوة الدوارة والمارش
واداء العربية بوجه عام هايتحسن كتير
وانا لما غيرت جبت نوع اسمه ac-deleco
امريكى تقفيل سعودى وتوكيله مع منصور
وربنا بوفقك للخير

**ammarxn** · 29-09-2011 12:59 PM

السيارة أوتوماتيك يا شباب ...

لكن هل التغيير ده ليه أي تأثير على الضمان ...

و أشكرك يا أستاذ جوده ويا استاذ عمر على سرعة الرد ...

**goudamahdy** · 29-09-2011 05:48 PM

يا باشا لا شكر على واجب .....

حضرتك تؤمر ....

ضمان البطارية ما لوش اي علاقة بضمان العربية .... لأنه ضمان منفصل بتاخده لوحده مع العربية

ويا ريت حضرتك تقولي رغيرتها ازاي علشان اغير انا كمان بطاريتي وما اخسرش فيها كتير

**ammarxn** · 30-09-2011 02:40 PM

أنا سألت النهاردة على الأسعار عند سمير بيومي ال في الدقي وقالي الأسعار كالتالي:

فارتا + القديمة بــ 430
اي سي ديلكو + القديمة بــ 370

طبعا كنت بسأل عن الجافة 55 أمبير ...

**Bishoy.Girgis** · 01-10-2011 02:07 AM

حضرتك اللي اعرفه انك لو ركبت بطارية اكبر في الامبير .. هيهلك دينامو العربية
فالافضل انك تركب بطارية جافة 55 امبير و انا كنت جايب بطارية اكترون سعودي و هي ممتازة

**رزق** · 01-10-2011 11:36 AM

المشاركة الأصلية كتبت بواسطة omar-saad

العربية ادائها فعلا هايتغير كتير لو اوتوماتيك
وهاتحس بقوة الدوارة والمارش
واداء العربية بوجه عام هايتحسن كتير
وانا لما غيرت جبت نوع اسمه ac-deleco
امريكى تقفيل سعودى وتوكيله مع منصور
وربنا بوفقك للخير

+1
البطارية اللي كانت فيها ماتت خالص جبت ac delco ال 62 a
ممتازة ما شاء الله
500 من غير القديمة

**ahm128** · 01-10-2011 01:05 PM

عازين حد متخصص يردلنا على موضوع البطارية لان معلوماتى ان البطارية الاعلى بتجهد الدينامو علشان يشحنها فعلى المدى ممكن الدينامو يتعب فعلا زائد انى قابلت فى التوكيل واحد معاه صنى 2010 ركبلها زينون وليدات خارج التوكيل وقالوا له غير البطارية ب 60 مشى فترة وبعدين الدينامو اتحرق وطبعا كانت مشكلة لانها اصبحت خارج الضمان لانه ركب بطارية خارج مواصفات السيارة

**maged george** · 01-10-2011 01:44 PM

اللي اعرفه يا جماعة ان بطارية الصني الياباني يعني موديل 2003 55 امبير يعني بالطبع الدينامو يستحملها وزيادة والمفروض اصلا انها 55امبير بس المصنع بيوفر شوية وده باين من مكان البطارية المبهوئ على 44 امبير وانا غيرتها من سنتين ونصف وماشاء الله زى الفل بس كانت سائلة كلورايد وربنا يستر عشان عربيتي اتوماتيك ولما البطارية بتضرب بحتاس لانها مبتتزقش.