اشترى الجين 2 ولا لأ ؟؟!!

**mostafa basha** · 06-05-2012 09:12 PM

واللة يا جماعة انا شايف انها عربية كويسة جدا وسعرها بالنسبة لامكانيتها اجمد
بس اللى انا فاهمة كدة ان مجموعة من الناس فقط اخدة العربية اصلا وهيا فها مشكلة ومعظم الناس لا وانامحتار جدا العربية عاجبانى بس مش عايز بعد ما اجيبها ادخل فى دوامة المشاكل لانى قريت ان ناس اشترت العربية وبيشتكوا منها وهى لسة مكملتش 1000 كم !! واخطرها ان واحد لاقى الفرامل موزعة على 3 عجلات بس و غيرة وغيرة من حاجات بتعلق من سنتر و ابواب و زجاج ...........
المفروض ان الواحد لما يجيب زيرو ميفكرش فى اى مشكلة قبل 3 او 4 سنين بمعنى انى حدفع 95000 الف جنية كاش ومش عاوز اوجع دماغى باى مشكلة والا بالفلوس دى اركب حاجة مستعملة نضيفة وممكن تكون المانى زى اسكودا او جولف مثلا
انا بجد محتار وعاوز مساعدة لانى المفروض انى اشترى العربية خلال اسبوع وكنت ناوى على الكيا ريو بس لما روحت المعرض وسالت عنها لقيت الهاى لاين بتاعها اللى بـ 125000 جنية خليجى مش وكيل والفئة اللى قبلها اللى بـ 115000 جنة وكيل مفاش abs ebd airbags دا غير ان شكلها من جوة غير الصور اللى الموقع بتاع كيا منزلها و البدل بتاع الريو هو الاكسنت rb بس انا مش حاببها بالاضافة لانتشارها الرهيب علشان كدة انا شاف ان الجين 2 مناسبة جدا وسعرها اقل بكتير بس مرعوب ان اشتريها وتوجع دماغى وهى زيرو

**saint2011** · 06-05-2012 09:55 PM

حضرتك مشكلتك انك قريت جامد فى صفحة الشكاوى الموجه لمدير صيانة بروتون ودى أسمها صفحة الشكاوى يعنى كلها شكاوى مش هتلاقى حد بيشكر او بيقول مزايا وكده حضرتك شكلك قفلت من العربية انا ارشحلك نيسان صنى عربية كويسة وأعتمادية جدا وبدل توكيل الصيانة توكيلات وقطع غيارها متوفرة فى كل مكان يعيبها شكلها متغيرش من 10 سنوات والكنبه الخلفية ضيقة شوية غير كده عربية ممتازة والرأى الأخير لحضرتك

**mostafa basha** · 06-05-2012 10:23 PM

المشاركة الأصلية كتبت بواسطة saint2011

حضرتك مشكلتك انك قريت جامد فى صفحة الشكاوى الموجه لمدير صيانة بروتون ودى أسمها صفحة الشكاوى يعنى كلها شكاوى مش هتلاقى حد بيشكر او بيقول مزايا وكده حضرتك شكلك قفلت من العربية انا ارشحلك نيسان صنى عربية كويسة وأعتمادية جدا وبدل توكيل الصيانة توكيلات وقطع غيارها متوفرة فى كل مكان يعيبها شكلها متغيرش من 10 سنوات والكنبه الخلفية ضيقة شوية غير كده عربية ممتازة والرأى الأخير لحضرتك

شكرا يا باشا
بس انا مش بحب النيسان واللانسر ومنتشرين اوى صراحة الجين 2 اشيك وشبابى اكتر
انا متقفلتش ولا حاجة انا بس عاوز اجيب عربية حلوة من كل حاجة ثبات وكمااليات وتوكيل وعجبانى الجين 2 وحتوفر عليا بس مرعوب من مشاكلها بجد

**saint2011** · 06-05-2012 11:57 PM

المشاركة الأصلية كتبت بواسطة mostafa basha

شكرا يا باشا
بس انا مش بحب النيسان واللانسر ومنتشرين اوى صراحة الجين 2 اشيك وشبابى اكتر
انا متقفلتش ولا حاجة انا بس عاوز اجيب عربية حلوة من كل حاجة ثبات وكمااليات وتوكيل وعجبانى الجين 2 وحتوفر عليا بس مرعوب من مشاكلها بجد

ذى ماقلت لحضرتك سابقا مافيش حاجة 100% وعشان حضرتك معجب بها يبقى تتحمل مشاكلها

**SonaSteel** · 07-05-2012 12:35 AM

المشاركة الأصلية كتبت بواسطة saint2011

ذى ماقلت لحضرتك سابقا مافيش حاجة 100% وعشان حضرتك معجب بها يبقى تتحمل مشاكلها

صح كده .... لازم تضحي بحاجه
الكمال لله وحده .... عايز تركب هاتدفع
بس ككده :)

**eng.m7md.ali** · 07-05-2012 03:31 AM

المشاركة الأصلية كتبت بواسطة amrelsha3er

ماتشتكى جهاز حمايه المستهلك يافليكس اعملهم مشكله طالما قارفينك اوى كده....معلش ياجماعه لازم نقدر ان الرجل شايل منهم وعلى اخره واكيد مش قصده ينفعل على حد فليكس عضو محترم ونكن له كل التقدير ده بروتونى اصيل بس هو التوكيل تعبه شويه بقاله فتره :)

ربنا يخليك ياعمرو باشا
والله ياباشا ياااااما بعت لحماية المستهلك وبروتون ماليزيا ولا حياة لمن تنادي
لدرجة اني حسيت انهم متأمرين عليا

**mostafa basha** · 07-05-2012 05:23 AM

المشاركة الأصلية كتبت بواسطة eng f3lix

ربنا يخليك ياعمرو باشا
والله ياباشا ياااااما بعت لحماية المستهلك وبروتون ماليزيا ولا حياة لمن تنادي
لدرجة اني حسيت انهم متأمرين عليا

قابل !!
مش بقولوكوا مرعووووووووب

**egyseadragon** · 07-05-2012 10:18 AM

أنا بسافر ماليزيا كتير وسألت الناس هناك عن ماركة proton اغلبهم إن مكنش كلهم أجمعو انهم اشتروها لرخص سعرها بس..لكنهم مش مقتنعين بجودتها
بدون زعل من أصحاب ال proton...أنا مجرد بأقول حاجة شفتها

**amrelsha3er** · 07-05-2012 02:59 PM

المشاركة الأصلية كتبت بواسطة egyseadragon

أنا بسافر ماليزيا كتير وسألت الناس هناك عن ماركة proton اغلبهم إن مكنش كلهم أجمعو انهم اشتروها لرخص سعرها بس..لكنهم مش مقتنعين بجودتها
بدون زعل من أصحاب ال proton...أنا مجرد بأقول حاجة شفتها

بالظبط لو مصر عملت عربيه اللى هيركبها فى مصر عشان هيبقى سعرها مقارنه بالاوروبى والامريكى واللى معاه فلوس مش هيركب عربيه بلده هيركب المستورد انا برضو سالت ناس ماليزين قالو فعلا نفس كلامك بس انا حللتها كده هما بيحبو الالمانى عموما ومبيركبوش بروتون كتير ومش حابنها بس احنا بنسبالنا عربيه كويسه وسعرها على اد امكانياتها