الموضوع: اشترى الجين 2 ولا لأ ؟؟!!

بلاش احسن ، العربية ممتازة و سواقتها ممتعة جدا

بس التوكيل فى الضياع ، خصوصا توكيل اسكنرية ، تقريبا عز العرب شكله هيقفل و فيه ناس كتير بتقول انه بيفلس ، باع مقر توكيل اسكندرية لبى ام دبليو و التوكيل فضل مقفول فى اسكندرية لمدة شهر لغاية لما نقل لمكان تانى

انا عنى نفسى باحب العربية جدا ، بس لو رجع بيا الزمن مش هاشتريها ، طول ما انا ماشى حاطط ايدى على قلبى يحصل فيها اى عطل و احتاس مع توكيل اسكنرية الى اقل كلمة تتقال عليه مزبلة ( ده لو فضل فيه توكيل فى اسكندرية و ماقفلش خالص )

ثانيا مافيش قطع غيار فى التوكيل ، و القطع الى بره التوكيل مضروبه ، يعنى الضمان زى قلته

بس ارجع و قولك مافيش عربية فى فئة 90 الف بتدى الاحساس بتاع جين 2 من ناحية الثبات و قوة الموتور و متعة السواقة ، كانك سايق جولف ،،،، بس الخلاصة ان اللى غاويها يستحمل قرف توكيلها و يصرف عليها كانها عيل من عياله

المشاركة الأصلية كتبت بواسطة tamerosman

بلاش احسن ، العربية ممتازة و سواقتها ممتعة جدا

بس التوكيل فى الضياع ، خصوصا توكيل اسكنرية ، تقريبا عز العرب شكله هيقفل و فيه ناس كتير بتقول انه بيفلس ، باع مقر توكيل اسكندرية لبى ام دبليو و التوكيل فضل مقفول فى اسكندرية لمدة شهر لغاية لما نقل لمكان تانى

انا عنى نفسى باحب العربية جدا ، بس لو رجع بيا الزمن مش هاشتريها ، طول ما انا ماشى حاطط ايدى على قلبى يحصل فيها اى عطل و احتاس مع توكيل اسكنرية الى اقل كلمة تتقال عليه مزبلة ( ده لو فضل فيه توكيل فى اسكندرية و ماقفلش خالص )

ثانيا مافيش قطع غيار فى التوكيل ، و القطع الى بره التوكيل مضروبه ، يعنى الضمان زى قلته

بس ارجع و قولك مافيش عربية فى فئة 90 الف بتدى الاحساس بتاع جين 2 من ناحية الثبات و قوة الموتور و متعة السواقة ، كانك سايق جولف ،،،، بس الخلاصة ان اللى غاويها يستحمل قرف توكيلها و يصرف عليها كانها عيل من عياله

اشكرك على صراحتك
وانت بكة بتاكد كل معلوماتى ... دا انا بعد ما شوفت الموضوع بتاع الشكاوى للمهندس بتاع التوكيل اترعبت والمصيبة ان معظم المشاكل فى العربيات اللى مكملتش 1000 كم

يا سيدى الفاضل دقيقة واحدة طبيعى أنك تلاقى معظم أللى بيدخل المنتدى بيكون عنده مشكلة وطالب المشورة والحل ولكن ده مش معناه ان كل أللى راكب الجين2 عنده مشاكل العربية ممتازة ومافيش عربية فى سعرها تعطيك الأوبشنز والركوبة الألمانى والشكل الثورى نعم فى مشاكل فى فطع الغيار والتوكيل يعنى مش سىء ومش كويس جدا حالة حال معظم التوكيلات فى مصر ولكنه فى تحسن مستمر ومن الأخر هى عربية ليها كاريزمة خاصة جدا ومش أى حد بيركبها إلا أللى بيحبها ونظير السعر والركوبة والأوبشنز تعايش مع باقى الظروف المحيطة بيها ومافيش حاجة 100%

بصراحة مفيش كلام يتقال تاني
صراحة ما بعدها صراحة

عايز اقول لحضرتك على حاجه لانى زيك بالظبط وبرضو فى حيره بس انشاء الله رب العالمين نويت عللى جين2 بس لانى ركبتها قبل كده وسوقتها وسعررها والاوبشنن اللى فيها وشكلها الجمالى عربيه ركوبه لازم تضحى بحاجه الا وهى توكيلها منيل لو هتعرف تتعايش من غيره يبقى توكل على الله وهاتها الحمد لله دلوقتى بقت حاجتها موجوده وفى بدائل كمان والاعضاء موجودين وكلنا هنا بصراحه اخوه ومفيش حد عنده مشكله الا بتتحل الحمد لله القرار قراراك اخى الفاضل مفيش عربيه كامله اديك قارنت الاكسنت الار بى شوف ورق ازاى ومفهاش الاوبشنز اللى فى الجين وطبعا متتقارنش بالثبات معاها على الطريق يااما لوجان وفيرنا ودايو العربيات اللى ماشيه بستر ربنا طبعا كلنا ماشيين بستر ربنا بس انا عن نفسى مدفعش 72الف فى فيرنا حديد بياكل فى حديد بصراحه بروتون تكسب من وجهه نظرى وبعد مقارنات كتير وحيره حوالى سنه وبرضو قرار يرجعلك وضحتلك ميزات والعيوب برضو
تحياتى وربنا يجبلك اللى فيه الخير:)

بصراحة ده كلام محترم