Blaupunkt Hamburg MP 68

**iunknown** · 12-06-2008 09:54 PM

حد عنده الكاسيت ده يا جماعة

انا الحمد لله جبت لانسر اوتوماتيك 1600 مافيهاش كاشيت ومن اساسيات الكاسيت عندي انه يكون بيدعم التليفون
لظروف الشغل

هو بتصل بالتليفون بلو توث وفيه 500 اسم ولوحة ارقام تليفون

طبعا MP3 WMA USB
هو سعره هنا في التوكيل 1400 جنيه ايه رأيكم اشتريه على بركة الله ولا فيه حاجة افضل

**modux** · 13-06-2008 12:04 AM

اتوكل علي الله البلو بنكت تحفه

كان عندي واحد و فرطت فيه بسهوله من فترة ( بس مش ده - بس كام mp3 )

**iunknown** · 13-06-2008 02:44 PM

( بس مش ده - بس كام mp3 )

ده سؤال؟؟
لو قصدك فيه سي دي تشانجر لأ مافيهوش

**modux** · 13-06-2008 06:02 PM

قصدي كان ام بي 3ثري mp3

بس كان ممكن يركب عليه يس دي تشانجر بس انا مكركبتش سي دي تشانجر

كنت مركي سماعتين بايونير 330 وات و صب جي بي ال 450 امريكي و جي ام سيمفوني 600

و كان مقوم العدة دي 100 100

**iunknown** · 22-06-2008 09:40 PM

الحمد لله
اشتريته وركبته في توكيلا كلاريون اللي في سانت فاتيما

بصراحة حاجة ممتازة جدا
النالس في التوكيل استغربوا اني طلبه بالاسم وكانوا تقريبا اول مرة يركبوه

بعد 10 ايام استخدام شيئ رائع جدا انك اول ما تدخل العربية الكاسيت يتعرف على التليفون ولو جات لك مكالمة تستقبلها عليه وترد منه

هو بيحمل الاسماء كلها من التليفون وبيدعم ان الاسم يكون له اكثر من رقم

وبيقدر يستغل مع 5 تليفونات مختلفة كل تليفون فيه دفتر الاسماء بتاعه (طبعا واحد بس اللي بيشتغل في اي وقت) لكن لو بتسوق العربية ومراتك بتسوقها ممكن الموضوع ده يكون مفيد

الكاسيت فيه Cd Mp3 Wma انا مش هدعي اني خبير صوت او ليه متطلبات خاصه لكن الصوت اكثر من ممتاز على السماعات بتاعة العربية واحسن من الكاسيت اللي بينزل في اللانسر الاسبوت بمراحل

ممكن يوصل ليع فلاش ميميوري (السلك بتاعها بيوصل جوة الدرج الايمن) وبرضه الصوت فوق الممتاز

التركيب شكله كان مرعب بالنسبة لي انه فك الجزء اللي في التابلوه اللي فيه مفاتيح التكييف والمايك بتاع التليفون ركبه ورا مراية الصالون ومشى السلك بتاعه تحت الفرش بتاع السقف مرورا بالقايم الايمن نزولا الى الدرج فالكاسيت

العربية طبعا رجعت زي ما كانت تماما مافيش حاجة خالص

انا راضي جدا عن اداء الكاسيت كجهاز صوت راقى وكتليفون يرحمني من اني استخدم ايدي وانا سايق

اضافة اخيرة

هو الكاسيت مركبشي على توصيلة العربية علىطول
استخدم وصله وسيطه اسمها ايزو (سمعته بيقول عليها كدة) باعهالي ب خمسين جنيه + 1400 سعر الكاسيت

ضمان الكاسيت سنه