نيتروجين ولا هواء ؟!

**dr.hazem** · 07-05-2012 01:50 PM

هو انا غيرته من فتره قريبه ومحستش بأي فرق اطلاقا حتى حرارة الجنط هيا هياها مفيش فرق ولا اي كلام هلامي ولا وهمي عن القياس وبيحتاج يتزود برده والخلاصه اني مش هحطه تاني لاني حسيت بالأوهام كلها والاشتغالات كلها

نسيت اقول اني حطيته في الكاوتشات الجديده بعد اما جربتها اسبوعين هوا بس ومكنوش بينقصو زي الكاوتشات القديمه

تحياتي
تحياتي

**MMamdouh** · 07-05-2012 03:05 PM

المشاركة الأصلية كتبت بواسطة hm414

حتى حرارة الجنط هيا هياها مفيش فرق

ايه علاقة النيتروجين بحرارة الجنط؟

ولا اي كلام هلامي ولا وهمي عن القياس

انت قيست ضغط الكاوتش بعد ما مشيت بالعربية و قارنت فرق القرايات بين الفردة اللى فيها هوا و الفردة اللى فيها نيتروجين؟؟

وبيحتاج يتزود برده

محدش قال انة مش بيحتاج يتزود... احنا بنقول انة بيحتاج تزويد على فترات اطول بكتير من الهوا العادى... عربية والدى مزودها مرتين فى حوالى سنة كاملة

MMamdouh

**dr.hazem** · 07-05-2012 10:24 PM

المشاركة الأصلية كتبت بواسطة mmamdouh

ايه علاقة النيتروجين بحرارة الجنط؟

يابشمهندس ممدوح كان عندنا احد افراد قسم السوزوكي كان بيشتكي ان الجنط بيسخن وضغط الهوا بيتظبط عندنا على 27 كان بيلاقيه بعد مشوار وصل ل 40 وده رقم كبير جدا جدا
وبعد لف كتير ومراجة التوكيل كتير جدا حطوله نيتروجين واتظبط الموضوع ده
بالنسبالي لا يوجد اي فرق يذكر....

انت قيست ضغط الكاوتش بعد ما مشيت بالعربية و قارنت فرق القرايات بين الفردة اللى فيها هوا و الفردة اللى فيها نيتروجين؟؟

ما قستش لان باختصار الهوا عندي كان بيزيد من 27 بيبقى 32 ودي زياده مقبوله
ومقستش لان مكنتش عندي مشكله في الزياده دي

محدش قال انة مش بيحتاج يتزود... احنا بنقول انة بيحتاج تزويد على فترات اطول بكتير من الهوا العادى... عربية والدى مزودها مرتين فى حوالى سنة كاملة

mmamdouh

هو للاسف انا قصدت ان موضوع الفترات ده برضو مش قوي لان انا بعد 10 ايام لقيته نقص درجتين والكاوتشات جديده الاربعه والجنوط كويسين والبلوف مش بينفسو ولا اي حاجه

جايز الماروتي لان جنطها صغير فبيتأثر بالمطبات اكتر مش عارف
بس الاكيد اني مش حاسس بأي فرق ولما هزود هزود هوا وخلاص

مش بقول ان كلامي يستند الى حاجه علميه انما دي تجربتي ياهندسه

تحياتي