الموضوع: سؤال كل صيف .... افضل تكييف صيف 2012 ؟؟

والله انا لسة مركب مكيفات فى الشقة عندى فى مصر والحقيقة انا عملت دراسة ميدانية عملية قبل الشراء على ارض الواقع لانه الجيران عندى فى البيت مركبين من انواع مختلفة ومساحة الشقق واحدة وتوصلت لعدة حقائق
شارب ممتاز وهادئ بس قوة تبريدة اقل من نفس القوة فى كارير ولذلك الغرفة 15 متر تحتاج لشارب 2.25 حصان بينما ممكن كارير يغطى المساحة نفسها ب 1.5 حصان
ضمان شارب طبعا ممتاز مع العربى
المكيفات من 3 حصان وطالع العربى شارب موش بيجمعها فى مصر وانما مستوردة من الصين
كارير اقوى مكيف فى التبريد على الاطلاق والضمان 5 سنين على الكمبريسور وسنة على الباقى
كارير الجديد الحائطى موديل 2011 فيه كل الامكانيات من شاشة ديجيتال لبلازما لتنقية الهواء ايونايزر وهادئ جدا
اليونيون اير الموديلات الجديدة موش بطالة لكن من سنتين كان سئ جدا جدا وفى المجمل هو اضعف واسوء تكييف والميزة الوحيدة انه رخيص شوية
الريش فى شارب بتعمل صوت بعد فترة مع الحركة المستمرة
فى النهاية استخرت ربنا واشتريت كارير حائطى لغرف النوم وارضى للصالة والمدام بتشكر فيه جدا وماشاء الله تلاجة
تقبل تحياتى

المشاركة الأصلية كتبت بواسطة ahmedtalat

الأستاذ اللى مركب تكييف كاريير ارضى يا ترى ايه اخباره انا عاوز اشترى واحد 4 او 5 حصان علشاتن الريسبشن عندى
يا ترى الصوت عامل ايه و ؟؟ و بكام
هو ده النوع الهارمونى ؟؟

تقدر حضرتك تقوللى العرض بتاع الجهاز كام بألظبط علشان عاوز اركب واحد

هو ريسيبشان حضرتك اكتر من 45 متر؟؟؟
لأن الــ 3 حصان يغطيهم مرتاح جدا جدا جدا بس حضرتك تركبه في وسط المكان ولو فيه بلكونة تحط عليها ستارة تضلل على الباب بتاع البلكونة هتفرق كتير جدا جدا جدا

عندى غرفه نوم مساحتها حوالى 16 متر والشمس ضاربه فيها طول النهار

راكب فيها يونيون اير 1.5 حصان سبليت وفى عز الحر مش بينزل الحراره عن 26

وعندى غرفه تانيه مساحتها اصغر شويه والشمس مش ضاربه فيها فعاوز انقل ال

يونيون اير فيها واشترى واحد جديد للاوضه ال 16 متر

السؤال بقى هل اجيب 1.5 حصان تانى (عشان يمكن يونيون اير ضعيف شويه) ولا

عامل الشمس ده لازم معاه 2.25 حصان ؟؟ الف شكر