السلأم عليكم ورحمة الله وبركاته
على وحوش الرينو وملوك الداستر
نظراً لأن كل معركة يسبقها أستعدادات حربية وتجهيزات , وهو ده بالضبط اللى بيحصل معايا اليومين دوول وخصوصاً أنى فى حالة أستعدادات قسوة وأنا على خط العد التنازلى لشراء الداستر, وما هى الأ أيام ويصبح أن شاء الله الحلم حقيقة
ألأ أن اللى هيحسم المكسب والخصارة بالنسبة لى فى الجولة الأخيرة وهو يتلخص فى كلمة واحدة (((الـــــــــــــــــــــ ـــوكـــــــــــــــــــ ـــيل ))
بصراحة حاجة تقلق , ناس كاتبة فى التعليقات أن توكيل رينو فى المقطم زفت وناس تانية كاتبة أنه مية مية وناس تالتة كاتبة أن العبور فيه ناس محترمة بس الفنيين اللى فيه مش كفء زى بتوع المقطم.. مش عارف أصدق مين وأكدب مين
وناس رابعة كاتبة أن أستاذ أحمد عبد المقصود فى مرة دفع 500 مش عارف لأيه بالضبط وبعدين لما رجع البيت ودخل بص على الأسعار فى المنتدى للحاجة اللى أشتراها فلأقى السعر 300 جنيه وبعدين أتصل بيهم وأعترفوا بالخطأ ده .
حلوة دى والله !!!!!!!!!!
يعنى اللى يأخد بأله يقولوا له معلش واللى مش واخد باله يبقى بركة يا جامع .
وبعدين فى حوار مهم أوى ... هو أنا لأزم أجى كل عشر ألأف كيلو من نويبع عشان أعمل صيانة العشر ألأف علماً بأن العشر ألأف دوول أنا ممكن أعملهم فى شهرين وأسبوع لأنى بمشى كتير , طب أفرض أنى مجتش صيانة واحدة منهم لأى سبباً كان فيسقط كده الضمان ولأ أيه ؟!!!
أنا شايف أن أى عربية جديدة ما بتحتاجش أكتر من غيار الزيت وفلتر الزيت وتغير بوجيهات وكبيرها أوى كمان فلتر بنزين
والله أنا كنت بعمل كده مع أى عربية كنت بشتريها جديدة ,, أروح أشترى قطع الغيار الأصلية من التوكيل وأركبها بره فى أى ورشة متخصصة وأفضل ماشى على النظام ده لحد ما تجيب العربية 60 ألف كيلو أو أكتر شوية وبعدين أقلبها وأشوف غيرها
أنا مش بقول الكلأم ده عشان التوفير وعدم أستغلأل الوكلأء وبس , ,,لأ ,,, أنا بقول الكلأم ده
لأن فى بعض الوكلأء تيجى عشان تعمل عنده صيانة فتفوجأ بعد كده بحاجات بأيظة أو حاجات مش متركبة صح .
ده غير بقى خد عندك , أن التوكيل دايماً بيغير كل قطعة على قبل ميعاده بكتير.. يعنى مثلأً البوجيه ممكن يمشى لحد 40 ألف وهما يبقوا عايزين يغيروه على 20 ألف . طب والنبى ده ينفع ,, وبعدين كل واحد أستخدامه للعربية مش زى التانى , ففى واحد هتلأقى فعلأً عربيته محتجة حاجات تتغير كل شوية وواحد تانى تيجى تبص فى عربيته فتلأقى كل حاجة فيها زيروووووووو
أنا من رأئى أن التوكيل يبقى للحاجات الكبيرة بس لأن فى ورش كتير فنية ومتخصصة وأصحبها بيبقوا من اللى كانوا شغالين فى التوكيل وفاهمين كويس فى العربيات دى وبعدين بيعمل اللى أنت بتطلبه وبس, مش بس كده لأ , وبيقدم خدمة كمان ممتازة لأنه عاوزة تجيلوه وتجيب غيرك , وبعدين مش بيقعد بقى يفتح لك حوارات ويغير لك فى حاجات ملهاش لأزمة , أما التوكيل فمش فارقة معاه ,, واحد راح فيجى غيره كتير !!!!!
بصراحة ديه وجهة نظرى ولأ أيه رأيكم فى الكلأم ده, أنا محتاج نصيحتكم بما يرضى الله