الى اهل الاسكندرية عايز اصيف يوم واحد

**aboomar22** · 06-05-2012 06:59 PM

بصوا يا شباب انا عايز اخد اولادى واروح الاسكندرية يوم واحد كده قبل الزحمة وبصراحة انا ماسفرتش من وانا طفل غير كده زيارات سريعة شغل مش عارف اروح فين انا عايز اخد التوربينى الصبح من القاهرة اروح اى بلاج كويس وامشى بعد العصر ناكل فى اى مكان مميز يعنى يفكرهم بالاسكندرية وياريت لو يزوروا كوبرى استانلى لاننا بنشوفوا فى الصور ونرجع فى القطار على اخر النهار ممكن تقولى على مكان كويس فى ناس بتقول المنتزه ولا فيه مكان تانى ياريت بقى كل حاجة بالتفصيل يعنى تزل محطة سيدى جابرتركب تاكسى تقولة ودينى فين وهكذا والف الف شكر مقدما (لو حد برضه عنده اقتراح لمكان تانى غير اسكندرية يبقى كتر خيره)

**aboomar22** · 07-05-2012 12:05 AM

ايه يا جماعة دا اهل الاسكندرية هنا اكتر من القاهرة ومفيش حد يرد ولا انتم مش عايزينى اجى بقى

**Dr. Elsaadani** · 07-05-2012 10:50 AM

اخى الكريم
بعد التحية

ممكن اقترح على حضرتك اقتراح وان شاء الله حتدعيلى لما تجربه

بعد متنزل من القطار تاخذ تاكسى وتقوله ستانلى على البحر وتنزل عند كازينو اسمه الجوهرة امام فرع ماكدونالدز مباشرة

تنزل الشاطىء من فتحة خاصة بعد ما تدفع التذاكر للاسرة

الشاطىء هناك جميل وامامك كوبرى ستانلى ووراك ماكدونالدز

يعنى كل طلباتك موجودة: الشاطىء الجميل ، الاكل والشرب ، كوبرى ستانلى

يا رب تتبسطوا اليوم ده

سلامى

**Dr. Elsaadani** · 07-05-2012 11:21 AM

نسيت اقولك متدفعش للتاكسى اكتر من 5 جنيهات لان المشوار مش حياخذ منه اكتر من خمسة دقائق

ولما تزهقوا وييجى ميعاد القطار فى وقت الرجوع تمشوا قبلها بنصف ساعة او ساعة مش اكثر وتركبوا من ناحية البحر

لو ليك استفسار تانى انا تحت امرك

**aboomar22** · 07-05-2012 12:01 PM

الف الف شكر يا دكتور يعنى انا هدخل الشاطىء ولا هدخل كازينو الجوهرة ومنة ادخل الشاطىء يعنى الشاطىء تابع للكازينو ولا هو جنبه ولحضرتك جزيل الشكر

**elbeheri** · 07-05-2012 12:22 PM

ازيك يا ابو عمر عامل ايه اتمنى ليك رحلة سعيدة
اخوك / محمد البحيري

**Dr. Elsaadani** · 07-05-2012 12:36 PM

لا حضرتك حتنزل بس عند الكازينو لان فيه عنده زى موقف للسيارات صغير التاكسى ينفع ينزلكم فيه بدل متنزلوا عكس الطريق وتعدوا للناحية التانية على رجلكم

حتلاقى فتحة الدخول للشاطىء قريبة جدا

لو فيه اسئلة تانية تحت امرك

**ghostmido** · 07-05-2012 02:15 PM

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور

**احمدعبدالعزيز** · 07-05-2012 02:55 PM

ممكن كمان شاطى البوريفاج فى ميامى امام شارع 45 نفس فكرة شاطى استانلى بالظبط وفيه العاب مائية للاطفال وجنبك جميع انواع المطاعم من اول الفول والفلافل حتى الاسماك واللحوم ومن سيدى جابر الى ميامى بالتاكسى 15 جنيه وتحت امرك فى اى استفسار .

**احمدعبدالعزيز** · 07-05-2012 03:01 PM

المشاركة الأصلية كتبت بواسطة ghostmido

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور:copy of m-s5:

فى عند كوبرى استانلى كافيهات كثير المنظر بالليل عند الكوبرى جميل جدا والمطاعم فى مصطفى كامل اسمه ابن البلد للمشويات والاسماك تتغدى واتفرج على البحر ساعة العصارى الجو بيكون رائع والمولات ممكن سان ستفانو وجرين بلازا فى سموحه و البحر ممكن شاطىء البوريفاج فى ميامى او ستانلى او فنيسا المنترة او المعموره وتحت امرك فى اى استفسار

الموضوع: الى اهل الاسكندرية عايز اصيف يوم واحد

LinkBack

أدوات الموضوع

عرض

-

-

-

-

-

-

المواضيع المتشابهه

عايز اصيف اروح فين

عاوز اضبط تاكيهات عند واحد بيفهم فى الاسكندرية

مين اضمن واحد عنده اطاراتgt فى الاسكندرية??

الان فى الاسكندرية ملك الموسيقى والكامير فى ان واحد w902

عايز اصيف ... عاوز اأجر شاليه !!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة