الى اهل الاسكندرية عايز اصيف يوم واحد

**Dr. Elsaadani** · 07-05-2012 03:15 PM

المشاركة الأصلية كتبت بواسطة ghostmido

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور:copy of m-s5:

اهلا بيك فى الاسكندرية مقدما

مصطفى كامل منطقة جميلة وقريبة من كل حاجة
حتخرج منها الى طريق الجيش (شارع الكورنيش او البحر)

يمين

كده ممكن تروح الاتى: المنتزة - ممكن تقضوا يوم هناك ومن اجمل المناطق اللى اسرتك ممكن تتبسط بيها الجزء اللى بين قصر المنتزة والبحر - اليوم حيكون وسط الخضرة - ممكن تشوى لو بتحب الشوى - ممكن تدخل بارادايز ان فيها داى يوز حيكلفك حوالى 450 جنيه لكابينة للاسرة امام حمام السباحة - وفيه فرع لماكدونالدز داخل المنتزة

ممكن كمان بعد المنتزة تدخلوا المعمورة وفيها مجموعة شواطىء فيهم واحد بتذاكر ممكن برضوا تقضوا وم هناك وفيها مجموعة هائلة من المطاعم والكافيتريات

لو خرجتم من مصطفى كامل ودخلتم شمال (عديتم للناحية الثانية ومشيتم جنب البحر)

كده ممكن تروح الاتى:
قلعة قايتباى وحتبقى باينة بنهاية البنايات والطريق حيوصلك لهناك مباشرة وفيها كمان متحف للاحياء المائية

منطقة راس التين وتاكلوا عند الشيخ الاكلة العثمانية (منطقة الانفوشى)

وعندك فى منطقة مصطفى كامل لما تتمشى على رجليك للبحر
حتلاقى مجموعة كبيرة من المطاعم وكوبرى ستانلى بسحر الغروب ومجموعة هائلة من الكافتيريات كمان

ديه افضل الترشيحات واجازة سعيدة ان شاء الله

**Dr. Elsaadani** · 07-05-2012 03:24 PM

المشاركة الأصلية كتبت بواسطة ghostmido

معلش يا باشا عندى طلب كان شاء الله انا مسافر يوم الثلاثاء نازل فى حتة اسمها مصطفى كامل كنت عايز اعرف لو هبات 3 ايام ممكن اتفسح فين عشان انا كمان زياراتى لسكندرية مش كتير يعنى معرفش اماكن كتير ياريت حضرتك توصفلى محل سمك يكون كويس و اسعاره هادية انا عارف هتعبك معايا.
كمان استفسار هو فى حديقة حيوان فى اليكس اصل انا معايا الاسرة وكدة.
متابع باهتمام.
مشكور:copy of m-s5:

بالنسبة لمحل السمك

اطلع من مصطفى كامل يمين وقبل المنتزة ادخل الشارع الموازى للبحر (اسمه شارع جمال عبد الناصر) حتلاقى مطعم مشهور اسمه حسنى واكلات السمك عنده هايلة - وفيه مطعم تانى اسمه قدورة - ده توصله لو طلعت من مصطفى كامل ودخلت شمال مع جانب البحر قبل قلعة قايتباى بحاجة بسيطة قبل ابو العباس المرسى - المسجد المشهور

لكن لو تاخذ نصيحتى انتى ممكن تشترى الانواع اللى انت بتحبها او نفسك تجربها وتسويها وتاخذها البيت والكل يهيص حتلاقى نفسك اتكلفت تقريبا النصف - لكن حقول اجازة بقى وخلى الكل يهيص

عندنا حديقة حيوان فى اسكندرية لكنها فقيرة جدا فى الحيوانات الاحسن منها افريكا اللى قبل الاسكندرية على الطريق الصحراوى بحوالى 60 كيلو تقريبا ممكن تخليها لاخر يوم وانتوا مسافرين للقاهرة حتكون يمين الطريق الدخول ليها بتذكرة واحدة للسيارة باى عدد فيها بحوالى 250 جنيه وفيها حيوانات كتير والقرود بتتنطط على السيارة ومفاجئات اخرى - ايوة اللف جواها بالسيارة من مترجلين - لكن فيها اماكن جوة الاولاد حيعرفوا يلعبوا فيها وتستريحوا كمان

**Dr. Elsaadani** · 07-05-2012 03:29 PM

ولو فيه اى استفسار انا تحت امركم وانتم منورين اسكندرية وتليفونى 01111979966

**ghostmido** · 07-05-2012 03:56 PM

المشاركة الأصلية كتبت بواسطة احمدعبدالعزيز

فى عند كوبرى استانلى كافيهات كثير المنظر بالليل عند الكوبرى جميل جدا والمطاعم فى مصطفى كامل اسمه ابن البلد للمشويات والاسماك تتغدى واتفرج على البحر ساعة العصارى الجو بيكون رائع والمولات ممكن سان ستفانو وجرين بلازا فى سموحه و البحر ممكن شاطىء البوريفاج فى ميامى او ستانلى او فنيسا المنترة او المعموره وتحت امرك فى اى استفسار

تسلم يا جميل ربنا يباركلك
ان شاء الله لما اروح هحاول اكلمك بالمرة اتعرف على حضرتك لو مش هيعطلك.
مشكور مرة تانية

**ghostmido** · 07-05-2012 04:02 PM

المشاركة الأصلية كتبت بواسطة dr. Elsaadani

ولو فيه اى استفسار انا تحت امركم وانتم منورين اسكندرية وتليفونى 01111979966

مش عارف اقول لحضرتك ايه بجد مشكور على الاهتمام انا عارف كل اعضاء المنتدى جدعان ومش بيتاخروا فى اى استفسار او طلب.
ان شاء الله لما اوصل هكلم حضرتك ممكن نتقابل انا وانت واستاذ احمد ممكن تبقى مقابلة بسيطة ويا سلام لو القرصان شنر يعرف يجى معانا واى حد من اليكس طبعا والاستاذ صاحب الموضوع اللى انا حاسس انى شبه بوظتله موضوعه مش عايزه يزعل .
الدعوة عامة بس فين وامتى مش عارف ياريت حد من اليكس مهتم بالموضوع ومتحمس يحدد ميعاد ومكان وليكن الخميس وبالمرة الواحد يعوض مقابلة تويوتا اللى هاتفوتنى غصب عنى.

**aboomar22** · 07-05-2012 07:27 PM

المشاركة الأصلية كتبت بواسطة elbeheri

ازيك يا ابو عمر عامل ايه اتمنى ليك رحلة سعيدة
اخوك / محمد البحيري

اهلا يا استاذ محمد حضرتك عامل ايه يارب تكون بخير والف شكر للدكتور السعدنى والاستاذ احمد عبد العزيز بصراحة اكثر من ماكنت اتوقع لدرجة خلونا محتارين نروح فين لكم كل الشكر

**Dr. Elsaadani** · 07-05-2012 10:13 PM

المشاركة الأصلية كتبت بواسطة ghostmido

مش عارف اقول لحضرتك ايه بجد مشكور على الاهتمام انا عارف كل اعضاء المنتدى جدعان ومش بيتاخروا فى اى استفسار او طلب.
ان شاء الله لما اوصل هكلم حضرتك ممكن نتقابل انا وانت واستاذ احمد ممكن تبقى مقابلة بسيطة ويا سلام لو القرصان شنر يعرف يجى معانا واى حد من اليكس طبعا والاستاذ صاحب الموضوع اللى انا حاسس انى شبه بوظتله موضوعه مش عايزه يزعل .
الدعوة عامة بس فين وامتى مش عارف ياريت حد من اليكس مهتم بالموضوع ومتحمس يحدد ميعاد ومكان وليكن الخميس وبالمرة الواحد يعوض مقابلة تويوتا اللى هاتفوتنى غصب عنى.

العفو وتنوروا اسكندرية