انا عندى سؤال :
انا كشفت على العربيه بالكمبيوتر وقالى وحده الحقن محتاجه تتنضف ضرورى
ياترى بقى وحده الحقن دى هى رشاشات الانجيكشن ولا دى حاجه تانيه وبتتنضف ازاى ؟؟؟
عرض للطباعة
انا عندى سؤال :
انا كشفت على العربيه بالكمبيوتر وقالى وحده الحقن محتاجه تتنضف ضرورى
ياترى بقى وحده الحقن دى هى رشاشات الانجيكشن ولا دى حاجه تانيه وبتتنضف ازاى ؟؟؟
وحدة الحقن طبعا الي هي الرشاشات
في 3 طرق للتنظيف
1- اليدوي زي الموضوع دة
2- المنظفات زي stp وليكوي مولي
3- الترا سونيك ultra sonic او موجات فوق الصوتية ودي عايزة مركز زي مركز الصفا
دوول طرق تنظيف الرشاشات
انا ماجربتش الموجات فوق الصوتية
لكن جربت المنظف واليدوي
اليدوي يكسب عن جدارة
واهم شئ تغير فلتر بعد التنظيف
وربنا يعينك
والله المستعان
،
،
أزيك يا استاذ محمد عامل ايه ..
انت روحت التوكيل مش كده و هما اللي قالولك تنظيف وحدة الحقن تمام ؟
وحدة الحقن اللي يقصدوها هي البوابة وليس الرشاشات ده للعلم بس
عارف بقول كده ليه لأني كنت مغير فلاتر و فاكك البوابة و غاسلها تماما و محميها كمان و بتبرق و رحتلهم قالو نفس الكلام فقلتلهم خلاص نضفو وحدة الحقن دخلت العربية صيانة و خرجت بعدها مكتوب مصنعيه مش فاكر كام كده و منظف ب 15 جنيه تقريبا لتنظيف وحدة الحقن و اكتشفت بعدها انهم معملوش حاجه !!!!
و طبعا موضوعي عن التوكيل مكتوب من السنة اللي فاتت و قلت فيه انهم معرفوش يحلو مشكلة تنبطيل العربية اوقات مع التكييف وانا اللي فضلت معاها واحدة واحده لحد ما ظبطتها بفضل الله أولا و أخيرا
ولو عايز تنضفها صح تتفك بره تماما بألانكيه 5 و تغسلها كويس ببنزين و رجعها مكانها تاني و بس
و بالتوفيق ان شاء الله
اممم
وانا أقول بردو
معقولة في صنايعي هيقولك وحدة الحقن
اتاريك روحت التوكيل
أخيرا ردو علي التليفون
سيبك منهم يا باشا
اعمل زي المهندس ايهاب مابيقول
اتبع الخطوات في موضوع احمد عبدالسلام تنظيف البوابة خطوات ونتائج
وان شاء الله في القريب انا كمان هعمل موضوع عن البوابة (بس افكها بس الأول)
والله المستعان
،
،
الف شكر ليك يا محمد انت وايهاب والله بتفيدونا اوى
انا فعلا رحت التوكيل وياريتنى ماكنت رحت عشان اتبهدلت جامد وانتظرت كتير حوالى اربع ساعات وفى الاخر مااستفدش اى حاجه وهما هناك مش بيهتموا غير بالموديلات الحديثه بالذات الليون هما عايزين اللى بيدخل ويدفع 3 او 4 الاف صيانه
مش قلتلك قبل ما تروح هما ما يستهلوش بنزين المشوار و الوقت اللي هيضيع ولو يستاهلوه اكيد كنت رحت يعني هخسر ايه يعني ؟؟؟
خلي بالك انهم صنفو عطل معين لعربية ابيزا 2006 في موضوع موجود هنا علي المنتدي و العيب للأسف طلع حاجه تانيه خالص غير كلامهم و غير كلام صنايعي فاتح مركز صيانة و كان شغال في توكيل فولكس ههههههههههههههههههههه تخيل
و قالوله برضه .... تنظيف وحدة الحقن ..... في التقرير يعني شكلها كده انشا واحده بيكتبوها عشان يملو التقرير :dzey:
عليه العوض و منه العوض و يارب اشوف حد عنده ضمير قبل ما اموت ياااااااااااااااا رب
معلش
قدر الله وماشاء فعل
انت كان نفسك تروح من السنة الي فاتت
واديك روحت
وبعدين يا باشا احنا خلاص عربياتنا مش مستاهلة توكيل
انت هاتها معاك في اي مقابلة لينا وان شاء الله نعملك تقرير احسن من التوكيل
والي كنت هتدفعه هناك، هاتلنا بيه 4 كيلو كباب وكفتة و 3 ك جمبري جامبو و 2 لتر بيبسي وتجيبلنا شاي وقهوة
بس
ههههههههههههه
ربنا يباركلك في عربيتك
والله المستعان
،
،
انتوا بجد تستاهلوا اكتر من كده الواحد اتشرف بمعرفه ناس محترمين زيكم وفى ناس كتير بتكون عارفه وبتحب تحتفظ بالمعلومات لنفسها لكن انتوا غير كده خالص
بس مش كتير شويه كباب وكفته وجمبرى :stink[1]:
بالمناسبه بقى كان عندى استفسار تانى
طبعا احنا فى الصيف وانا كل شويه بشوف المياه اللى فى القربه وبلاقيها على طول فى نص القربه بين min & max بس مره رحت مشوار وبعد ما رجعت ببص على القربه لقيتها مليانه على الاخر من غير ما ازود مياه ياترى ايه السبب ؟؟
وامبارح وانا فى محطه البنزين لقيت جركن مياه خضراء 5 لتر بـ 20 جنيه حلو ده ولا اى كلام ؟؟
ده عادي لأن مستوي المياة بيرتفع في القربه مع ارتفاع درجة حرارتها ولما بتبرد بترجع تاني للمستوي الطبيعي تاني
الجركن ده فاكس .... يعني اي كلام أحسنلك زود مياة مقطرة لو احتجت و دي زجاجة نصف لتر تقريبا بتتباع ب جنيه او اتنين من فاكر ولو عندك مياة تكثيف من التكييف حط منها و خلاص المهم تكون مياه خالية من الاملاح لأن مياة الحنفية كلها أملاح و ترسيبات كتيرة