فلتر تكييف ولا التلاجة عايزة تتنضف

**meda2711** · 07-05-2012 03:58 PM

بسم الله الرحمن الرحيم

انا العربية عندى الصبح بدرى بيبقى على 1 وبيبقى تلاجة وبرد جدا وفى الظهر على 4 ومش واصلى , لما بحط ايدى على الهوايات الهوا ساقع جدا بس ضعيف مش بيوصلى علشان الجو بيبقى حر جدا

الراجل اللى بيعملى التكييف بيقولى كده ممكن يكون فلتر او التلاجة محتاجة تتنضف " هو قالى لو العربية فيها فلتر يبقى هو السبب لانه مكنش متأكد ان العربية فيها "

فهل بقى العيب الفلتر ولا التلاجة عايزة تتنضف ولا ايه ؟؟؟

وشكرا مقدما ليكم

**HANYCAR** · 08-05-2012 11:53 AM

حضرتك بديهيا تدور وتتاكد الفلتر موجود والا لا لو موجود يبقى طلعه ونظفه بالهوا او غيره اذا كان بايظ خالص واذا لم يكون موجود فلتر فى العربية يبقى عليك وعلى غسيل الثلاجة لان عدم وجود الفتر بيخلى التلاجة عبارة عن علبة محملة بالطين والاتربة وفروع الشجر الرفيعة ونا لسه غسلها عندى من يومين غسلتها بنفسى فى البيت بدون فكها لان لو فكتها هتبقى عاوزة شحن وده انا كنت رفضه بس محتاجة حوارات شوية ومش هتتصور على كمية التراب والطين وفروع الشجر الرفيعة اللى طلعت منها وده كله بيفرق فى التبريد طبعا

**meda2711** · 08-05-2012 08:11 PM

المشاركة الأصلية كتبت بواسطة hanycar

حضرتك بديهيا تدور وتتاكد الفلتر موجود والا لا لو موجود يبقى طلعه ونظفه بالهوا او غيره اذا كان بايظ خالص واذا لم يكون موجود فلتر فى العربية يبقى عليك وعلى غسيل الثلاجة لان عدم وجود الفتر بيخلى التلاجة عبارة عن علبة محملة بالطين والاتربة وفروع الشجر الرفيعة ونا لسه غسلها عندى من يومين غسلتها بنفسى فى البيت بدون فكها لان لو فكتها هتبقى عاوزة شحن وده انا كنت رفضه بس محتاجة حوارات شوية ومش هتتصور على كمية التراب والطين وفروع الشجر الرفيعة اللى طلعت منها وده كله بيفرق فى التبريد طبعا

شكرا على ردك
هى العربية فيها فلتر تكييف انا اتأكدت وسألت عليه
فاغيره وممكن يكون هو ده سبب ضعف الهوا ؟؟
وهو ازاى غسلت انت التلاجة من غير ما تفكها لان ده مهم جدا لو نفع معايا لانى مش عايز افك الطابلوه

**engwael** · 09-05-2012 11:48 AM

وعن تجربة دائما خلي دورة الهواء من داخل السيارة وبكدة مفيش هواء جديد سخن هايدخل السيارة وبالتالي الفلتر مش هايكون ليه اي لزمة وبالتالي تفضل الثلاجة الداخلية دائما نظيفة

**meda2711** · 09-05-2012 03:18 PM

المشاركة الأصلية كتبت بواسطة engwael

وعن تجربة دائما خلي دورة الهواء من داخل السيارة وبكدة مفيش هواء جديد سخن هايدخل السيارة وبالتالي الفلتر مش هايكون ليه اي لزمة وبالتالي تفضل الثلاجة الداخلية دائما نظيفة

انا على طول بشغلوا يبقى دايرة الهوا من جوه العربية عمرى ما بخلى العربية تاخد الهوا من بره
انا فكيت الفلتر وجربت لقيت الهوا بقى اقوى عن الاول بكتير يعنى انا بقيت مستريح جدا لكن برضوا قوته مش واصلة مثلا للكنبة ورا

كده بقى علشان يزيد كمان يبقى لازم انضف التلاجة ؟؟