الموضوع: اسعار ومواصفات تويوتا فورتشنر دفع رباعي-التجميع المصري

المشاركة الأصلية كتبت بواسطة falcon77

سعر 295 الف للمتور 2.7 دا غالي جدا لعربية متجمعة فى مصر
اما سعر 349 الف للمتور الكبير غالى بس مش قوى يعنى المفروض تكون اقل من الشيروكي اللى بتتجمع فى نفس المصنع يعنى كان مفروض تكون اقل من الشيروكي ب 20 لو 30 الف يعنى كان كويس قوى عليها 300 او 310 بالكتير.
اما سعر الماتور 2.7 دا اللى غريب جدا جدا يعنى الماتور دا نفس فئة النيسان اكس تريل والكابتيفا والنيسان بخوالى 220 الف يعنى من وجهه نظر العربية الفورتشنر 2.7 ماكنش المفرض تزيد عن 250 الف لاسيما وانها متجمعة فى بلدنا فين بقى التوفير اللى بيقولوا عليه. انا محبط جدا من سعر ال 2.7 دا

أنا فعلا جالي احباط لما عرفت سعرها خصوصا الموتور 2700 سي سي .. والغريبة ان موتورها 160 حصان في حين ان موتور الاكس تريل 2500 سي سي و 180 حصان ( أنا متأكد من 180 دي بالنسبة للموتور اللي في مصر ماليش دعوة باللي برة مصر ، لأن اللي في مصر حاليا هو القديم اللي كان بينزل فيها برة لحد 2007) .http://en.wikipedia.org/wiki/Nissan_QR_engine#QR25DE ..

وبالاضافة لكده الاكس تريل 4 ايرباج في حين الفورتشينر 2 ايرباج بس .. طبعا مع الأخذ في الاعتبار شكل تابلوه الاكس تريل غير العاطفي بالمرة لكن سعرها 220 ألف جنيه يعني فرق حوالي 75 ألف جنيه عن الفورتشينر الفئة الأولى ...... تمن عربية تانية ...

أنا بقالي فترة مذبذب وعيني على الاكس تريل بس لما سمعت عن الفورتشينر قلت أستنى أشوفها على الطبيعة .. هي كبيرة وواسعة ماشاء الله وتكييف خلفي من السقف لكن السعر مبالغ فيه جدا فضلا عن ملحوظات الاخوة من المنتدى اللي ركبوها في دول الخليج وعلقوا سلبا على ثباتها وفراملها ........

متهيألي الاكس تريل تعتبر في المجمل كصفقة أحسن منها خاصة في القيمة .مقابل السعر ... ولا إيه راي حضراتكم ؟

ال200000 جنية الزيادة دول جمارك فئة السعة اللترية يعني البنزين مش مدعم ده مدفوع تمن فرق الدعم مقدما في سعر السيارة واركب ياباشا لان في مصر السيارة ---تعتبر وسيلة ترف لم يعترف بها كحق للناس هما هيركبو زي اسيادهم ولا ايه ---وباب رزق غير كريم للمتسولين في المواقف واشارات المرور ووووووووووو

المشاركة الأصلية كتبت بواسطة waelfarid

ال200000 جنية الزيادة دول جمارك فئة السعة اللترية يعني البنزين مش مدعم ده مدفوع تمن فرق الدعم مقدما في سعر السيارة واركب ياباشا لان في مصر السيارة ---تعتبر وسيلة ترف لم يعترف بها كحق للناس هما هيركبو زي اسيادهم ولا ايه ---وباب رزق غير كريم للمتسولين في المواقف واشارات المرور ووووووووووو

يا باشا جمارك الفئة اللترية ازاي؟ دي عربية متجمعة في مصر مش مستوردة ... والسبب الرئيسي لتجميعها ان تمنها يقل قدر الامكان وهو بالفعل تمنها أقل مما لو كانت مستوردة .. بس برده يظل السعر عالي بالنسبة لعربية 2700 سي سي في الفئة الأولى وكذلك بالنسبة للفئة التانية 4000 سي سي ( 350 ألف) في حين ان بالمبلغ ده الواحد\ يجيب شيروكي اسم وسمعة أعتقد افضل فضلا عن المميزات ووسائل الأمان ( مثلا 6 ايرباج - نظام الاتزان الالكتروني esp وخلافه .... )