البى ام والمرسيدس لسا عندك ليه يا عصام يا شرف

**mohamedkordy** · 09-05-2012 11:29 AM

ليا واحد زميلى حكالى حكايه منرفزانى اوى عصام شرف ساكن قدام بيتو بيقولى اول ما مسك الوزارا جابولو مرسيدس وبى ام يبدل فيهم ولغايه دلوقتى عندو هوا دا اسموووو ايه بقاااااااا حتى انت يا شرف

**Mshawky** · 09-05-2012 11:36 AM

الله اعلم بصحه الكلام ومش عايزين اى حد يقول كلام على ناس تبقا فتنه واشاعه لحين التحقق

بدل هو صاحبك روح شوف بنفسك قبل ماتنشر فتنه عن حد تتحاسب عليها

**Inteltech** · 09-05-2012 11:48 AM

المشاركة الأصلية كتبت بواسطة mshawky

الله اعلم بصحه الكلام ومش عايزين اى حد يقول كلام على ناس تبقا فتنه واشاعه لحين التحقق

بدل هو صاحبك روح شوف بنفسك قبل ماتنشر فتنه عن حد تتحاسب عليها

اتفق في ما قاله الاخ الكريم في المشاركة

**mailo** · 09-05-2012 01:42 PM

ال bm كانت e60 وال مرسيدس كانت c class ودي بتاعت الحرس
ده اللي شفته

**mr_vampire** · 09-05-2012 02:59 PM

-ايه ياشباب مش لما حد فيكو بيطلع معاش او بيسيب الشغل زمايله بيجبوله علبة شيكولاتة ( كوفارتينا لكل المناسبات ) نوع من التقدير...

اهي ده بقي ( كوفرتينا بتاعة الناس ده ) ...

وعلي راي اللي قال ( كوفرتينا فالصباحية ..... يبقي هيعيشو عيشة هنية )....

**mohamedkordy** · 09-05-2012 04:36 PM

المشاركة الأصلية كتبت بواسطة mailo

ال bm كانت e60 وال مرسيدس كانت c class ودي بتاعت الحرس
ده اللي شفته

كلام مظبوط بس السؤال هما لس ا عندو بيعملوا ايه

**mohamedkordy** · 09-05-2012 04:37 PM

المشاركة الأصلية كتبت بواسطة mshawky

الله اعلم بصحه الكلام ومش عايزين اى حد يقول كلام على ناس تبقا فتنه واشاعه لحين التحقق

بدل هو صاحبك روح شوف بنفسك قبل ماتنشر فتنه عن حد تتحاسب عليها

اخى الكريم انا مبنشرش اى حاجه تتقال من اى حد دوت صاحبى وانا واثق فيه اوى

**Screenplays** · 09-05-2012 04:41 PM

ممكن تكون عربيته و بعدين لو سابوهاله ايه المشكله ؟ ده اقل تقدير علي احترامه و نظافه يده و علي انه مسك رئاسه الوزراء في الظروف المنيله دي و برضه معجبش الناس و اخره لغي التوقيت الصيفي اللي اكنت بحبه هههههههههههه حسبي الله و نعم الوكيل

**mailo** · 09-05-2012 06:16 PM

المشاركة الأصلية كتبت بواسطة mohamedkordy

كلام مظبوط بس السؤال هما لس ا عندو بيعملوا ايه

هي ممكن تكون ال bm بتاعته الله أعلم عشان أنا لما شفته كان هو اللي راكبها قدام وكان معاه العيلة كلها

وممكن يكون البروتكول كده
إن أصحاب المنصب ده يفضل متعينلهم حرس بعد مايسيبوا المنصب

وممكن يكون اشترى العربية بقيمتها 'book value' بعد مخرج
ودي بتبقى اقل كتير من سعرها فالسوق وده عادي في معظم الشركات الكبيرة حتى مش الوزارات
أي حاجة بتاعتك جهاز عربية وإنت جوه الشركة ممكن تاخدها معاك وإنت ماشي عادي

الله أعلم

**kimo-nubira** · 09-05-2012 06:37 PM

بص ياباشا كلمه حق ولازم تتقال في حق الراجل ده موقفين خلوني ما أشكش في نزاهة وزمه الراجل ده

اولا انا ساكن في الدقي وشغلي في مصدق جمب بيته ( للعلم )

اول موقف لما بقي رئيس وزرا ابنه ركن صف تاني في مصدق والعربيه اتكلبشت

راح الحرس بتوعه جابو الونش وقالوله انت مش عارف ديه عربيه مين فك الكلابش

وللاسف فكه ولما الموضوع وصل لعصام شرف جاب الظابط وقاله ابني يتعامل زي اي حد عادي والزمه ياخد المخالفه زي اي حد واخدها

تاني موقف بارضو لما مسك رئيس وزرا كان فيه واحد واقف بعربيه فول هناك اسمه علاء

والحرس بتوع عصام شرف قالوله ماينفعش تقف هنا خلاص ومشوه بدون علمه

ولما سال عليه عرف ان الحرس مشاه من المكان ده مستريحش غير لما رجعه مكانه تاني

الموقفين دول انا سمعتهم من امين شرطه بيقف في مصدق وأعرفه كويس يعني مش محتاج يكدب في حاجه منهم

العربيتين الله اعلم بيهم اعتقد بتوع الحرس فعلا ملهاش تفسير تاني

الموضوع: البى ام والمرسيدس لسا عندك ليه يا عصام يا شرف

LinkBack

أدوات الموضوع

عرض

البى ام والمرسيدس لسا عندك ليه يا عصام يا شرف - انشر الموضوع فى :

-

-

-

المواضيع المتشابهه

محتار بين البيجو 508 والمرسيدس c180 ,, ال 2013

ستاير الفلوينس والمرسيدس وكاربون لجسم العربيه .....

انا والبواب والمرسيدس (البيه البواب)

كتالوج صيانه دورة الانجيكشن البوش بتاعه البى ام والمرسيدس

الكلمات الدلالية لهذا الموضوع

المفضلات

المفضلات

ضوابط المشاركة