اقتباس المشاركة الأصلية كتبت بواسطة ahmed1006 مشاهدة المشاركة
بص يا باشا اسمحلي اقول راي شخصي فقط

الي يخليك تشتري عربية ماشية 300 الف كيلو وفيها كل ده علشان تصرف عليها 10 او 15 الف
علشان تبقي عربية من تاني كل ده لانها كورولا يبقي غلط جدا
ممكن اقولك حلين غير ده :
1_انك تشتري عربية زيرو زي لوجان مثلا او ما شابه
هنقول مش عاجبك الحل ده وعاوز عربية ياباني اصيلة والفلوس مش هتكفي
2_اقولك الحل التاني والي انا بفضله وهو ايه
تنزل تجبلك عربية تويوتا ياريس 2007 ولا 2008
1300مانيول او 1500 اوتو وهتبقي اغلي شوية عداد اقل بكتير مش هتكمل ال 100 الف كيلو اساسا
وهتبقي بتجيب اخت الكورولا باختلافات بسيطة موديل احدث و احسن وعربية فبريكا ولا الهوا فيها

صدقني اعمل مقياسة للمصاريف والتعب علشان تشدها هتلاقي انك هتوزد 5 الف جنيه مثلا
مقابل انك هتبقي راكب عربية بنت بنوت اظن فاهمني

لو مش مقتنع بكلامي حضرتك ممكن تاخدها وبردوا شوف راي الاعضاء هنا وهيكون احسن مني وبردوا هتستفيد اكتر

تحياتي ليك واي سؤال انا معاك ....
ربنا يخليك يا استاذ أحمد ومعلش هتعبك معى هو زى ما حضرتك بتقول عربية يابانى ، طيب خلينا نفترض ان العربية كويسة بنسبة 60% وانى ممكن اخلصها على 54 ازيد شوية او قل وهنقول هصرف عليها كمان عشرة شغل دوكو وسمكرة وتظبيط كل حاجة فيها ، يعنى العربية هتبقى وقفه مثلاً بـ55 او 57 كده سعرها كويس واعادة البيع هتبقى سهله ؟ بصراحه من الاسعار اللى شوفتها على النت بتقول ان العربية كده حتى لو عملت كل اللى فيها و تكلفتها بقت 65 الف اعتقد كده برضه سعرها كويس ، ولا حضرتك ليك وجهة نظر تانية ؟