هي لسه المهازل دي بتحصل في مصر؟

**OlaOsman** · 13-06-2008 07:38 PM

العدل ترفض توثيق زواج عربي من فتاة مصرية تصغره بـ 75 سنة 6/12/2008 9:45:00 AM

القاهرة - رفضت وزارة العدل توثيق زواج عجوز عربي يبلغ من العمر 92 سنة من فتاة مصرية صغيرة عمرها 17 سنة وتصغره بـ 75 سنة.
واكد المستشار احمد السرجاني بالمكتب الفني لوزير العدل لصحيفة الاخبار ان رفض التوثيق يعني استحالة سفر الفتاة مع الزوج العجوز.
وقال ان القوانين واللوائح المنظمة لزواج المصريات من اجانب تشترط الا يزيد فارق السن عن 25 سنة الا في حالات محددة بدقة وتقديم الزوج لشهادتين من سفارته حول حالته الاجتماعية وعمله، وحضور الزوج بشخصه وتقديم شهادة ميلاد الزوجة.
كما اكد السرجاني ان تطبيق اللوائح يضمن الا يتحول الامر الي تجارة في البشر والفتيات الصغيرات.
واشار إلى انه عند زيادة فارق السن عن 25 عاما يجب علي الزوج ايداع شهادات استثمار قيمتها 40 الف جنيه باسم زوجته في البنك الاهلي المصري.
وقال انه تم توثيق 633 حالة زواج مصريات من اجانب خلال عام ومعظمهم من دول عربية وحالات قليلة من امريكا ودول اوروبية، وانه تم استثناء 173 حالة من شرط فارق السن خلال عام بعد ايداع شهادات الاستثمارات وحضور الازواج والزوجات والتأكد من رغبتهم في الزواج.
المصدر: صحيفة الاخبار.

انا كنت فاكرة ان الموضوع ده قل شوية في مصر.. انما طلعت متفائلة بزيادة.

**alaa_dash** · 13-06-2008 07:46 PM

ماهو قل .. يعني 633 حالة بس ..كويس جدا...و كويس انه في اجراءات تحفظ حق الزوجة المصرية ..انا اول مرة اعرف
انه فيه اجراءات تحول دون الزواج بمصريات عشان يشغلوهم خادمات في بلادهم..
اما لو كان القصد على موافقة الاهالي...فاللي بيبع اولاده اكيد مش هيرفض يزوجهم
زيجات من ديه....للأسف..

**hazem_khidr** · 13-06-2008 07:48 PM

و ايه المشكله؟؟؟؟؟؟؟

**Karim_Monir** · 13-06-2008 07:55 PM

في قرى كاملة في مصر ما زالت مشهورة بتزوج بناتها للعرب
في قرية منهم في ضواحي امبابة
وفي واحدة تانية في اول الصعيد
العياط تقريبا او حاجة زي كدة الحوامدية

**modux** · 13-06-2008 10:12 PM

طبعا لسه بتحصل و هاتحصل

**MoToRiZeR** · 13-06-2008 10:24 PM

الاغرب بقي حاجة يا علا ..

ان الموضوع مبقاش مرتبط بالمستوي المادي و الاجتماعي .. يعني الناس مبقتش بتعمل كدة عشان بيشحتوا و مش لاقيين ياكلوا فا بيبعوا عيالهم او يبيعوا نفسهم .. لأ ده بتبقي ناس مستريحة بس عايزين اكتر

دنا بشوف بنات عندنا في الجامعة و احنا جامعة خاصة بيروحوا للعرب برجليهم خاصة و ان في ال Msa و الجامعات اللي في 6 اكتوبر فيه عرب كتير جدا و ابناء امراء عرب كتير جدا و عربيات فخمة كتير جدا .. فا المنظر ده بقي مألوف .. عربية هامر او ليكزس او بي ام لو مرسيدس الي اخره من العربيات الفخمة مفيمة و حاطة نمر جمرك تيجي تقف ادام الجامعة و واحدة من زميلاتنا المصريين يطلعوا يركبوا فيها .

و كام مرة كدة العربية مبتبقاش متفيمة و بنشوف ما لا يسرنا
ده غير نظام المندوبين .. واحد ابن امير عربي ميروحش يكلم البنت بنفسه ! لأ يبعتلها بنت صاحبتها تقولها انتي عجبتني معاليه .. و عايزك !

و اظن واحدة في جامعة خاصة يعني مستريحة مادياَ نوعاَ ما و احسن في المستوي الاجتماعي من بنات كتير .. تسمي ده ايه !؟

**OlaOsman** · 13-06-2008 11:34 PM

المشاركة الأصلية كتبت بواسطة MoToRiZeR

الاغرب بقي حاجة يا علا ..

ان الموضوع مبقاش مرتبط بالمستوي المادي و الاجتماعي .. يعني الناس مبقتش بتعمل كدة عشان بيشحتوا و مش لاقيين ياكلوا فا بيبعوا عيالهم او يبيعوا نفسهم .. لأ ده بتبقي ناس مستريحة بس عايزين اكتر

دنا بشوف بنات عندنا في الجامعة و احنا جامعة خاصة بيروحوا للعرب برجليهم خاصة و ان في ال Msa و الجامعات اللي في 6 اكتوبر فيه عرب كتير جدا و ابناء امراء عرب كتير جدا و عربيات فخمة كتير جدا .. فا المنظر ده بقي مألوف .. عربية هامر او ليكزس او بي ام لو مرسيدس الي اخره من العربيات الفخمة مفيمة و حاطة نمر جمرك تيجي تقف ادام الجامعة و واحدة من زميلاتنا المصريين يطلعوا يركبوا فيها .

و كام مرة كدة العربية مبتبقاش متفيمة و بنشوف ما لا يسرنا
ده غير نظام المندوبين .. واحد ابن امير عربي ميروحش يكلم البنت بنفسه ! لأ يبعتلها بنت صاحبتها تقولها انتي عجبتني معاليه .. و عايزك !

و اظن واحدة في جامعة خاصة يعني مستريحة مادياَ نوعاَ ما و احسن في المستوي الاجتماعي من بنات كتير .. تسمي ده ايه !؟

يعني احنا بتكلم في أمور بتحصل في إطار الزواج و مش عاجبنا.. امال على رأيك يعني ده نسميه ايه؟

**Chicco** · 13-06-2008 11:43 PM

المشاركة الأصلية كتبت بواسطة OlaOsman

يعني احنا بتكلم في أمور بتحصل في إطار الزواج و مش عاجبنا.. امال على رأيك يعني ده نسميه ايه؟

تجارة رقيق .....للاسف الشديد

**MoToRiZeR** · 13-06-2008 11:45 PM

المشاركة الأصلية كتبت بواسطة Chicco

تجارة رقيق .....للاسف الشديد

بس عالاقل يا شيكو باشا ان في تجارة الرقيق فيه اجبار
انما دنا بشوف حالات بترمي نفسها .. و والله ما بتبقي محتاجة فلوس ولا حاجة بتبقي مستريحة جدا .. بس عايزة بقي العربية الفخمة و الهوتيلات الخمس نجوم و البرستيج .. عايزة تدلع يعني .. و في الأخر بيتزهق منها و تترمي

و اللي يبيع نفسه ميستغربش الناس تديه بالجزمة