هي لسه المهازل دي بتحصل في مصر؟

**OlaOsman** · 13-06-2008 07:38 PM

العدل ترفض توثيق زواج عربي من فتاة مصرية تصغره بـ 75 سنة 6/12/2008 9:45:00 AM

القاهرة - رفضت وزارة العدل توثيق زواج عجوز عربي يبلغ من العمر 92 سنة من فتاة مصرية صغيرة عمرها 17 سنة وتصغره بـ 75 سنة.
واكد المستشار احمد السرجاني بالمكتب الفني لوزير العدل لصحيفة الاخبار ان رفض التوثيق يعني استحالة سفر الفتاة مع الزوج العجوز.
وقال ان القوانين واللوائح المنظمة لزواج المصريات من اجانب تشترط الا يزيد فارق السن عن 25 سنة الا في حالات محددة بدقة وتقديم الزوج لشهادتين من سفارته حول حالته الاجتماعية وعمله، وحضور الزوج بشخصه وتقديم شهادة ميلاد الزوجة.
كما اكد السرجاني ان تطبيق اللوائح يضمن الا يتحول الامر الي تجارة في البشر والفتيات الصغيرات.
واشار إلى انه عند زيادة فارق السن عن 25 عاما يجب علي الزوج ايداع شهادات استثمار قيمتها 40 الف جنيه باسم زوجته في البنك الاهلي المصري.
وقال انه تم توثيق 633 حالة زواج مصريات من اجانب خلال عام ومعظمهم من دول عربية وحالات قليلة من امريكا ودول اوروبية، وانه تم استثناء 173 حالة من شرط فارق السن خلال عام بعد ايداع شهادات الاستثمارات وحضور الازواج والزوجات والتأكد من رغبتهم في الزواج.
المصدر: صحيفة الاخبار.

انا كنت فاكرة ان الموضوع ده قل شوية في مصر.. انما طلعت متفائلة بزيادة.

**alaa_dash** · 13-06-2008 07:46 PM

ماهو قل .. يعني 633 حالة بس ..كويس جدا...و كويس انه في اجراءات تحفظ حق الزوجة المصرية ..انا اول مرة اعرف
انه فيه اجراءات تحول دون الزواج بمصريات عشان يشغلوهم خادمات في بلادهم..
اما لو كان القصد على موافقة الاهالي...فاللي بيبع اولاده اكيد مش هيرفض يزوجهم
زيجات من ديه....للأسف..

**hazem_khidr** · 13-06-2008 07:48 PM

و ايه المشكله؟؟؟؟؟؟؟

**OlaOsman** · 13-06-2008 08:44 PM

المشاركة الأصلية كتبت بواسطة hazem_khidr

و ايه المشكله؟؟؟؟؟؟؟

ايه المشكلة في ايه بالظبط؟

**hazem_khidr** · 14-06-2008 03:12 AM

المشاركة الأصلية كتبت بواسطة OlaOsman

ايه المشكلة في ايه بالظبط؟

ايه المشكله في الموضوع كله
مش شايف فيه حاجه عيب او غلط او حرام
دا جواز
و زي اي جواز فيه قبول و رفض
و ما فيش دين حدد الفرق بين الزوجين يبقي اد ايه
ليه بقي احنا بنسميها مهازل و بنسميها مسميات كبيره اوي علي حجمها؟؟؟!!!!!!!!!
مش معني ان انا ارفض اني اتجوز واحده اكبر مني ب 20 سنه مثلا او واحده اصغر مني ب 30 سنه اني انا كده صح
كل واحد ليه ثقافه و تربيه مختلفه باختلاف البيئه الناشئ فيها
و طالما الشرع محلل حاجه العادات و التقاليد رفضاها يبقي نمشي علي الشرع لانه هو الاساس

**MoToRiZeR** · 14-06-2008 03:56 AM

المشاركة الأصلية كتبت بواسطة hazem_khidr

ايه المشكله في الموضوع كله
مش شايف فيه حاجه عيب او غلط او حرام
دا جواز
و زي اي جواز فيه قبول و رفض
و ما فيش دين حدد الفرق بين الزوجين يبقي اد ايه
ليه بقي احنا بنسميها مهازل و بنسميها مسميات كبيره اوي علي حجمها؟؟؟!!!!!!!!!
مش معني ان انا ارفض اني اتجوز واحده اكبر مني ب 20 سنه مثلا او واحده اصغر مني ب 30 سنه اني انا كده صح
كل واحد ليه ثقافه و تربيه مختلفه باختلاف البيئه الناشئ فيها
و طالما الشرع محلل حاجه العادات و التقاليد رفضاها يبقي نمشي علي الشرع لانه هو الاساس

مع حترامي لرأيك طبعا .. بس كل حاجة في الشرع و العادات و التقاليد و العرف و الأصول و مجلة ميكي الخ الخ .. يمكن الالتفاف حولها .. و ممكن يبقي الرأي و الحكم واضح و صريح .. و نـتـفذلك و نلتف حوله

زي ما طبعا معروف ان مفيش حد تحلله واحدة قد ارضعته .. قام طلع واحد من بتوع فتاوي الفضائيات الظراف دول قالك لو لازم تختلي براجل يبقي ترضعه الأول .. يعني ممكن ترضع زمايلها في الشغل عادي و تقعد معاهم .. امان و زي الفل

ونبي ده كلام !؟

واحدة بقي بتتجوز واحد اكبر منها ب 75 سنة .. يعني كانت هي بتقول واء و هو already رجل من رجليه في القبر .. اكيد مفيش اي اختلافات ثقافية او بيئية او مجتمعية او فضائية تفسر هذا الزواج غير انه بيعة و شروة .. تجارة رقيق .. و معتقدش الحاجات دي الشرع يحللها و يكون زواج صحيح رغم عدم علمي بالمسائل الدينية و اني مبحبش اصلا اتناقش من خلالها لأن برده عندنا منطق بيقولنا ان مفيش حاجة تجمع بنت عندها 17 سنة بواحد داخل عال 100 سنة !

**OlaOsman** · 14-06-2008 10:56 AM

المشاركة الأصلية كتبت بواسطة hazem_khidr

ايه المشكله في الموضوع كله
مش شايف فيه حاجه عيب او غلط او حرام
دا جواز
و زي اي جواز فيه قبول و رفض
و ما فيش دين حدد الفرق بين الزوجين يبقي اد ايه
ليه بقي احنا بنسميها مهازل و بنسميها مسميات كبيره اوي علي حجمها؟؟؟!!!!!!!!!
مش معني ان انا ارفض اني اتجوز واحده اكبر مني ب 20 سنه مثلا او واحده اصغر مني ب 30 سنه اني انا كده صح
كل واحد ليه ثقافه و تربيه مختلفه باختلاف البيئه الناشئ فيها
و طالما الشرع محلل حاجه العادات و التقاليد رفضاها يبقي نمشي علي الشرع لانه هو الاساس

انا بس عايزة أسألك سؤال: هل انت شايف ان فرق 75 سنة بين زوج و زوجة حاجة عادية؟

**Ahmed Hassan** · 14-06-2008 11:05 AM

المشاركة الأصلية كتبت بواسطة OlaOsman

انا بس عايزة أسألك سؤال: هل انت شايف ان فرق 75 سنة بين زوج و زوجة حاجة عادية؟

يمكن واخدين بعض عن حب

لأ طبعا مش حاجه عاديه.

**Karim_Monir** · 13-06-2008 07:55 PM

في قرى كاملة في مصر ما زالت مشهورة بتزوج بناتها للعرب
في قرية منهم في ضواحي امبابة
وفي واحدة تانية في اول الصعيد
العياط تقريبا او حاجة زي كدة الحوامدية