الموضوع: شنطه ابيزا 98

المشاركة الأصلية كتبت بواسطة hamada_elzayat

انا كنت بشوف عربيه ابيزا 98 النهارده وجبت واحد من اللى بيفهموا (انا ماليش فيها خالص ) وقالى العربيه كويسه بس انا شوفت لما شيلت فرش الشنطه من ناحيه اليمين فى الصاج اكن فيه صاج تانى فوق الصاج والراجل اللى انا جايبه قالى بتاع الفبريكه بس مش عارف مش مستريح
فعايز اعرف الصاج من جوه الشنطه من ناحيه اليمين بيكون فيه حاجه زى كده فعلا ولا بيكون مستوى واحد ( حته واحده ) على فكره انا مشوفتش الجمب الشمال
واحد قالى يمكن التلبيسه بتاعه تانك البنزبن
افيدونى افادكم الله

دة طبيعي جدا
ولو كنت مديت ايدك تحت الصاج الي تقصده
كنت هتلاقي طرمبة الهوا بتاعة السنتر

وهو مش طبقة تانية ولا حاجة
دي عبارة عن قايم صاج بيتركب فيه طرمبة الهوا للسنتر
وبردو صباع السنتر بتاع باب تانك البنزين بيبقي وراه

والتانك عموما تحت الكنبة
مش يمين شنطة العربية

تحياتي


والله المستعان
،
،

المشاركة الأصلية كتبت بواسطة hamada_elzayat

الله يعزك ويطمنك يا سعاده الباشا

طب وده بيكون فى الناحيتين ولا ناحيه واحده ؟

لا دة من ناحية واحدة
اليمين فقط علي ما اعتقد

المشاركة الأصلية كتبت بواسطة hamada_elzayat

واسف معلش اسألتى كتير

العربيه بيتعملها عمره صاج عشان الفحص بتاعها قرب وهيا من غير تكييف وموتورها 1000 ( اللى اعرفه انه الاستوك بتاعها الاصلى ) وفيريكه دواخل وطبعا الرش الخارجى حيكون جديد

تعمل فى حدود كام تقريبا

لا يا باشا اتفضل مفيش مشاكل
والله لو العربية فاضية خالص وسواء بالموتور ال1000 او ال1400 هتعمل في حدود من 28 ل 30 علي حسب حالتها وباقي مكوناتها زي الفرش والطابلوه وحالة الكاوتش وحالة الموتور والبطارية وكل الكلام الباقي

وكل لما يبقي فيها كماليات السعر بيختلف
لحد لما تبقي كاملة (باور - زجاج - مرايات - سنتر - مفتاح بالريموت) ودي بتعمل من 32 لحد 35 علي حسب الحالة بردو كما سبق

المشاركة الأصلية كتبت بواسطة hamada_elzayat

العربيه طلعت 1400 انجكشن من 1000

مش هتفرق كتير
ال1400 بيركب مكان ال1000 علي نفس اداوت التغذية بالظبط ومش بيحتاج لأي تعديلات تاني زي الفرامل والعفشة والكنترول والفتيس
وبالتالي مش بيفرق في سعر العربية او يقلل منها
الكلام دة لو كان 1600 او 1800 او 2000
هو الي يقلل منها لأنك بتغير كل ماسبق وبالتالي العربية بتبقي مشكلة من كل فيلم أغنية ولما تيجي تجيب قطع غيارها بتوه وبتبقي مش عارف تجيب للجولف ولا البولو ولا الأبيزا
لذلك لا ينصح بال1600 وما اعلي

اتمني تكون الفكرة وصلت لحضرتك

ربنا يوفقك

والله المستعان
،
،

المشاركة الأصلية كتبت بواسطة hamada_elzayat

طب سؤال تانى طمعا فى كرم حضرتك ورغبه فى المعرفه
ممكن لو حبيت اقلبها اوتوماتيك قدام الموتور ده بيركب عليه فيتيس اوتوماتك ولا لأ وفى حدود كام ؟

والله انا محرج من كتر الاسئله بس الغريب اعمى ولو كان بصير وانا حاسس انى اعمى وسط ناس بيشوفوا وانا الوحيد الجاهل ودى او حاجه ليا وشوفت فى خلال 20 يوم محاولات نصب بالهبل

للأسف المكنة ال1400 مش نازلها فتيس اوتوماتيك
الأوتوماتيك نازل من اول ال1600 فيما فوق

كلنا كنا كدة اول لما جبينا العربية
واخوانا هنا علمونا كل حاجة

ربنا يكرمك فيها ان شاء الله ويجعلها قدم خير عليك

والله المستعان
،
،