الموضوع: ( Speed Service Center :: ( enghany

المشاركة الأصلية كتبت بواسطة wael_dosoky

المهندس / هاني
أزيك يا باشمهندس ،، انا المهندس / وائل ،، صاحب العربية الأوبترا السوداء 2010 ،، اكيد مش هتفتكرها ،، المهم كنت جيت لك من فترة علشان نقصان المياه وترشيح زيت وغيرنا الريداتير فيها وظبطنا موضوع الزيت
دلوقتي انا عاوز اعمل صيانة
تغيير زيت الموتور والفلتر
تغيير زيت الفتيس والفلتر
تغيير فلتر البنزين
تغير فلتر الهواء والتكييف
والكشف بأه علي السيارة عامة من تيل فرامل و تربيط العفشة وخلافه
دلوقتي المستلزمات دي من زيوت وفلاتر تنصحني اشتريها من فين وايه الأنواع
ولا فيه مكان جنبك ممكن نشتري منه
وياريت تحدد لي ميعاد او تديني تليفونك علشان نتفق علي موعد مناسب وخصوصاً اني هأجي لك من حلوان
وشكر لك

لاااا طبعا الناس الناس المحترمه لازم افتكرها
حضرتك شوف الميعاد اللي يناسبك و انا تحت امرك

المشاركة الأصلية كتبت بواسطة enghany

لاااا طبعا الناس الناس المحترمه لازم افتكرها
حضرتك شوف الميعاد اللي يناسبك و انا تحت امرك

ده انت إلي محترم يا هندسة
بس ما ردتيش عليا اشتري المستلزمات دي من بره وتنصحني من فين
ولا اجيلك و هنشتريها من مكان جنبك

السلام عليكم جميعا يا اهل الاكسيل

انا لسة ربنا كارمنى من شهرين وجيبت اكسيل موديل 1994 كورى
وكان فيها الكوبلن الداخلى بيطقطق على العدل والحمد للحمد جيبت راس صليبة مكان الكوبلن بتاعة ودة نصحنى بيه بتاع العفشة وجيبت فعلا بتاع الفيرنا

بس بتاع العفشة وهو شغال فى العربية من تحت قالى تعالى بص على البلية اللى بتجمع الكبالن مع بعضها قالى فيها بوش ودة نتيجة الفترة اللى مشيت بيها العربية والكوبلن الداخلى باض فاقلى نشوف بلية فتيس اللى جوة الحلة وانصحك غير الفتيس كلو وهات واحد 6 غيار لان ع الوقت ميش هتلاقى فى غيارات غير الاول والتانى
فهل الكلام دة صحيح ولا اية رايكم

وشكرا

ازى حضرتك يا باشمهندس هانى دلوقتى انا عندى مشكلة فى ميه المساحات لما بملاها عادى الى الماكس منغير تشغيل بلاقى الميه بتنقص لو العربية مركونة فترة لتحت المينى او لو انا ماشى بلاقيها نقصت كمية لو هى على الماكس تكون تحت المينى و كل ده من غير تشغيل المساحات او استهلاك الميه خالص يا ترى ايه السبب و شكرا جزيلا لحضرتك

المشاركة الأصلية كتبت بواسطة wael_dosoky

ده انت إلي محترم يا هندسة
بس ما ردتيش عليا اشتري المستلزمات دي من بره وتنصحني من فين
ولا اجيلك و هنشتريها من مكان جنبك

اخي الكريم
حضرتك عايز تجيبها مفيش مشكله عايز نجبها من جنبنا لما سيادتك تشرفنا مفيش مشكله

المشاركة الأصلية كتبت بواسطة pondok

السلام عليكم جميعا يا اهل الاكسيل

انا لسة ربنا كارمنى من شهرين وجيبت اكسيل موديل 1994 كورى
وكان فيها الكوبلن الداخلى بيطقطق على العدل والحمد للحمد جيبت راس صليبة مكان الكوبلن بتاعة ودة نصحنى بيه بتاع العفشة وجيبت فعلا بتاع الفيرنا

بس بتاع العفشة وهو شغال فى العربية من تحت قالى تعالى بص على البلية اللى بتجمع الكبالن مع بعضها قالى فيها بوش ودة نتيجة الفترة اللى مشيت بيها العربية والكوبلن الداخلى باض فاقلى نشوف بلية فتيس اللى جوة الحلة وانصحك غير الفتيس كلو وهات واحد 6 غيار لان ع الوقت ميش هتلاقى فى غيارات غير الاول والتانى
فهل الكلام دة صحيح ولا اية رايكم

وشكرا

الاخ الفاضل بص اعتقد ان حضرتك قصدك علي الكرونه بتاعه الفتيس اللي هي بيركب فيها الكبلن
لكن انصحك متكلفش نفسك انك تجيب فتيس حضرتك ممكن تغير الكرونه دي عند واحد بتاع فتايس اما لو انك بتبص لمبدا تغير الفتيس للغيارات الاعلي و النقطه دي غريبه شويه -- هي العربيه عندك كام غيار كل الاكسيل 5 غيار امامي و واحد خلفي مفيش اكسيل 4 غيارات فارجو التوضيح

المشاركة الأصلية كتبت بواسطة aymanshebl

ازى حضرتك يا باشمهندس هانى دلوقتى انا عندى مشكلة فى ميه المساحات لما بملاها عادى الى الماكس منغير تشغيل بلاقى الميه بتنقص لو العربية مركونة فترة لتحت المينى او لو انا ماشى بلاقيها نقصت كمية لو هى على الماكس تكون تحت المينى و كل ده من غير تشغيل المساحات او استهلاك الميه خالص يا ترى ايه السبب و شكرا جزيلا لحضرتك

ا ايمن
هي حاجه من اتنين
يا اما القربه مخرومه
او ان الماتور بتاع القربه بتاع المساحه بيبقي فيه اولسيه صغير ممكن يكون مش محكوم او متحرك من مكانه

مهندس هاني لو سمحت عندي سيارة الانترا 2009 مانوال لي سؤالين لو تكرمت
سؤالي الاول عند الطلوع من وضع السكون لو انا مش كابس بنزين جامد بسمع صوت كأن صاجه بتخبط في حاجة
السؤال التاني مع المشي على السرعات بحس بصوت صفارة ولما بحمل دبريج الصوت بيروح فياريت الافادة