( Speed Service Center :: ( enghany

**enghany** · 26-11-2012 06:48 PM

المشاركة الأصلية كتبت بواسطة Memo-kh

حابب أنقل لكم تجربتى مع مركز سبيد سيرفس و م / هانى الرجل المحترم صاحب الكفاءة والخبره واللى إتعرفت عله من المنتدى الجميل وقررت بعد تقارير الأفاضل أعضاء المنتدى وتوصياتهم إنى أروح للمركز على الرغم من بعد المسافة بينى وبينه طبعآ مش هكرر الكلام اللى ذكره حازم فى التعليق اللى فات ولكن أوضح أن المهندس هانى شّخص الونة فى بلية العجله بسهولة و إحترافية ومشكورآ عمل مج شاى محترم وقعدنا ندردش شويه قبل ماخلص الشاى لاقيت وائل الفنى اللى عند المهندس هانى خلص طقم السيور بالبلى 10 دقائق فك العجلة وارح الخراطة يكبس البلية الجديدة و تقريبآ 10 دقايق كمان كان كله تمام ( بالمقارنة بأى مكان تانى هيفهمك أنه بيعمل تركيبة القنبله النيترونيه وهيضيع اليوم كله فى الفك والتركيب ) وتم عمل صيانة كاملة وتنظيف الأنجكشن والماتور والعربيه مشاء الله رجعت جديدة كانت البليه عامله وش بس الحمد لله رجعت بورش تانى
كل الشكر لأعضاء المنتدى اللى إستفدنا بخبراتهم وتجاربهم مع سبيد وكل الشكر للمهندس هانى ذو الخلق والحرفيه المهنية العالية

يا باشمهندس مؤمن الشكر لحضرتك ويارب دائماباحسن حاااال

**enghany** · 26-11-2012 06:51 PM

المشاركة الأصلية كتبت بواسطة bekatcho

استاذ هانى
حضرتك انا معايا اكسنت 2006 لسة شاريها الاسبوع دة
هيا عاملة 98 الف كيلو
صيانة الالف بيتم فيها اية
وعايز اعرف التكلفة كام عند حضرتك

صيانه الالف؟؟؟؟؟؟؟؟؟؟
بص صيانه ال100 بيتغير فلتر هواء و بوجيهات غير صيانه العفشه و الفرامل و البوابه و التكييفومصنعياتها 50 جم

**enghany** · 26-11-2012 06:52 PM

المشاركة الأصلية كتبت بواسطة mohamed_salama

ازيكوا يا بشمهندس هانى عامل ايه اكيد حضرتك فاكرنى

انا عندى مشكله فى العربيه مش عارف ايه حلها وروحت للميكانيكى وبتاع الكربراتير ومفيش فايده

العربيه بتاكل بنزين كتيييييييير اوى انا حسبتلها بتاكل حوالى لتر لكل 7 كيلو وده كتير جدا

العربيه 1500 موديل 1995 وانا لسه عامل عمره ومشيت بيها بعد العمره 2000 كيلو لحد دلوقتى يعنى غيرت الزيت بعد الالف الاولانيه وغيرته تانى من يومين

روحت للميكانيكى قالى روح لبتاع الكربراتير وهو هيظبطهولك روحت لبتاع الكربراتير قالى الكربراتير سليم ومفيهوش مشكله طيب الحل ايه فى الاستهلاك الزايد ده مع العلم انى بمشى براحه مبشدش بالعربيه ولا حاجه وبنقل على 2.75 ار بى ام فى كل الغيارات انا شاكك فى البوجيهات بس بتاع الكربراتير شافهم وقالى لا كويسين.

يا باشا دا من غير كلام كربراتيررررررر
روح لمركز الصفا اللي عامل اعلان علي المنتدي ممتازيين

**dr_walid** · 27-11-2012 06:18 PM

مساء الخير بشمهندس هانى:

اخبار سياتك اية
كنت عاوز اعمل صيانة ال 40000 كنت بستفسر عن هل قطع الغيار الى محتاج اغيرها حضرتك ممكن توفرها و لا اجيبها من التوكيل زى فلتر الهو و البنزين والبوجيهات و التيل تقريبا عاوز يتغير و مياة الريداتير
وكنت عاوز انظف الانجكشن لان تقريبا محتاج ينظفز
و اية انسب ميعاد ممكن اجى فية
و شكرا .

**enghany** · 28-11-2012 12:43 PM

المشاركة الأصلية كتبت بواسطة dr_walid

مساء الخير بشمهندس هانى:

اخبار سياتك اية
كنت عاوز اعمل صيانة ال 40000 كنت بستفسر عن هل قطع الغيار الى محتاج اغيرها حضرتك ممكن توفرها و لا اجيبها من التوكيل زى فلتر الهو و البنزين والبوجيهات و التيل تقريبا عاوز يتغير و مياة الريداتير
وكنت عاوز انظف الانجكشن لان تقريبا محتاج ينظفز
و اية انسب ميعاد ممكن اجى فية
و شكرا .

الاخ الفاضل
يا باشا نورنا في اي وقت نحدده سوا و لو حضرتك عايز تشتري قطع غيار او اجيبهلك مفيش مشكله

**doctorhos** · 01-12-2012 04:43 PM

لو سمحت يا بشمهندس هاني ممكن اعرف تكلفة تغيير طقم دبرياج اسطوانة و ديسك و بلية لفيرنا كام عند حضرتك

**enghany** · 01-12-2012 05:20 PM

المشاركة الأصلية كتبت بواسطة doctorhos

لو سمحت يا بشمهندس هاني ممكن اعرف تكلفة تغيير طقم دبرياج اسطوانة و ديسك و بلية لفيرنا كام عند حضرتك

حضرتك
حسب الخصم لنايل موتورز بيبقي 125 جم

**Ashraf_Ibrahim** · 01-12-2012 07:34 PM

شكرا يا اتش :D

http://www.nilemotors.net/Nile/32194...post3874667967

**enghany** · 03-12-2012 01:43 PM

المشاركة الأصلية كتبت بواسطة bekatcho

بجد استاذ هانى حد محترم جدا جدا
انا ودتلة العربية من كام يوم عملت صيانة ال100 الف وغيرت سيور وكلة
سبتلة العربية ومشيت ورجعت تانى
حسيت بفرق الصراحة لما اشتريت العربية وبعد ما طلعت من عندة :)
عقبال ما نكمل باقى صيانتها بقى

اهلا وسهلا بحضرتك و عقبال صيانه 10000000