( Speed Service Center :: ( enghany

**enghany** · 17-07-2012 01:38 AM

المشاركة الأصلية كتبت بواسطة SE_coralsea

شكرا ياباشمهندس هاني , ده اللي كنا متوقعينه منك و نتمني أن نري مزيدا من التقدم و الرقي في الخدمات لعضاء نايل موتورز و بالاخص نجوم هيونداي

**enghany** · 17-07-2012 01:39 AM

المشاركة الأصلية كتبت بواسطة helper

حكايتى مع المهندس هاني
أخدت رقم تليفونة من الاعلان دا
و كلمته على عربية هيونداي الينترا اني عاوز اكشف عليها
لما رحتله و كشف على العربية كمبيوترو فحص عادي قالي بالحرف الواحد لا تشترى هذه السيارة لوجود عيب فيها
أقوى ما في الموضوع ان الراجل كان و اضح جدا و قالي كلمة و احدة م شتتنيش
و الاهم انه رفض تمام اخذ اي مقابل للكشف و فعلا بعد الحاح اخذ مقابل كشف الكمبيوتر فقط و هو مبلغ زهيد جدا
الراجل دا محترم و بيفهم في شغلة
ربنا يباركلة

انت فين يا كبير و لقيت ولا لسه ؟؟؟؟؟؟؟:

**enghany** · 17-07-2012 01:41 AM

المشاركة الأصلية كتبت بواسطة El Prince

كله تمام يا باشمهندس هانى
السحب أصبح ممتاز بالتكييف و من غيره - الفرامل شغاله عادي مفيش مشكلة
شكراً لأهتمامك

تحياتى
وليد

اهلا وسهلا بحضرتك و مسنينك في الكاتينه ولا نسيه هههههههه

**enghany** · 17-07-2012 01:43 AM

المشاركة الأصلية كتبت بواسطة mido6995575

بشمهندس هاني ازي حضرتك معلش غيبت كتير مكنتش متواجد الفترة الي فاتت
راجل محترم وتستاهل كل خير
انا محمد عبد الله جارك وعملت عندك النيو اكسنت 2006

باشمهندس محمد وحشني كتيررررررررررررر انت فين
عملت الباور ولا لسه و القواعد طمني عليك

**fataka** · 17-07-2012 04:36 AM

ياستاذ هانى انا مستنيك عشان تشوفلى عربية وبعدين انت مرديتش عليا رديت على كل الناس معادا انا
انا لما ببص على عربية ببص بالطرية العادية متور وصاج وحجات بسيطة كدة ايه العيب الى ممكن يطلع فى الكمبيوتر وميبنش باى طريقة تانية
والنبى ياعم لتشوفلى عربية

**mido6995575** · 17-07-2012 10:50 AM

القواعد عملتها بس الباور لسة معملتوش لان العربية مبثتش تقفل بصراحة مني ويجعل كلامي خفيف عليها بس كنت بستاذنك سامع صوت صفارة في التيل الي ركبناه بس مش دايما من الناحية اليمين والفتيس بيعض في الغيارات كتير وساعات بيحجر مني في وسط الشارع ممكن تقولي اية السبب لاني مسافر ومش عارف اجيلك في الوقت الحالي بس طمني عشان لوهو الموضوع دة خطير اسيب العربية واتنقل بالمواصلات لغاية م ان شاء الله ارجع القاهرة
معلش طولت عليك

**Moh.Abdelbaset** · 17-07-2012 05:30 PM

أنا عملت صيانة 100,000 للقيرنا عند م/هاني من 3 أو 4 أسابيع تقريباً
والحمد لله راضي جداً
وكنت مخطط أعمل تقرير عن الزيارة دي...بس علشان كنت بحضر لسفري للعُمرة ولسة راجع القاهرة امبارح
إن شاء الله أعمل التقرير قريباً
شكراً م/هاني على كرم الضيافة والشغل والمعاملة وكل حاجة :)

**enghany** · 17-07-2012 09:22 PM

المشاركة الأصلية كتبت بواسطة enghany

باشمهندس محمد وحشني كتيررررررررررررر انت فين
عملت الباور ولا لسه و القواعد طمني عليك

هههههههههههه
بص حضرتك انت هاتلنا العربيه و احنا نكشف عليها علشان ناخد منك فلوس بس صدقني مفيش حاجه قدامي انا ضامنها و قريب الاقيلك واحده

**unks** · 18-07-2012 04:00 AM

بشمهندس هاني ازي حضرتك انا فاكر حضرتك ايام توكيل ابو رواش بس انا مكنتش اعرف ان حضرتك فاتح مركز
المهم انا واقع في ورطه كبيره ومش عارف احلها ازاي انا موتور عربيتي الفيرنا باااااظ جاب زيت واتبهدل خالص المهم روحت لمركز معروف جدا جدا في الحرفيين وكشفت على العربيه وقالولي الموتور في الضياع المهم قالولي حنجيب بلوكه بوش استيراد بدون ادوات التغذيه وتكلفتا لوحدها بس كانت 3500 جنيه المهم علشان مطولش لان الموضوع كبير جدا دورنا العربيه وكانت صوتها في الاول ناعم ومكنش في صوت ظاهر غير تكتكه ومش ملحوظه المهم خدت العربيه ومشيت وبعد حوالي اكتر من 15 يوم بدات اسمع صوت نقر المهم انا مركزتش اوي مع الصوت بس يوم مع يوم لقيت صوت النقر ده زاد وصوت العربيه بيخشن روحت لاكتر من 7 ميكانيكيه وقالولي دي بلوف زيت عيزه تتغير رجعت للميكانيكي قالي دي مفيهاش حاجه دي بلوفة زيت قولتلو طيب انا متلزمنيش المكنه دي قالي كده كده مدتك انتهت والورق جه انا مش حرجع المهم قالي هات بلوفة المكنه بتاعتك وحيروح الصوت وتجيلي يوم الاتنين اللي هوه كان اول امبارح وروحت وفعلا غيرنا البلوف دي ببتاعتي لان بتوعي سلام وخلص وقفل وجينا للحظة الحسم و دورنا العربيه والصوت زي مهوه بالظبط ولا كاني عملت حاجه وبقولو الصوت موجود بيقولي لالا ده راح قولتلو انا استعوضت ربنا في الفلوس وفي الموتور وانا دلوقتي مش عارف اعمل ايه انا عاوز راي حضرتك ايه والنقر ده حيروح ازاي وانا اسف للتطويل وشكرا

**feto81** · 18-07-2012 11:19 AM

مهندس هاني ازيك انا لسه عضو جديد و متابع مواضيعك و بصراحه استفدت منها جدا كنت عايز اسال حضرتك على حاجه انا لما عملت صيانة ال40000 لنيو اكسنت اتوماتيك موديل 2008 غيرت فلتر الهواء و الزيت و فلتر الزيت و فلتر البنزين و ركبت نوع كوري نضيف و غيرت البوجيهات و جبت ان جي كيه ياباني 3 شمعه كان واحد صاحبي قالى استعملها و هتفرق معاك و مكنتش اعرف انه لازم كل حاجه و ليها نوع انا اسف طولت عليك بس العربيه من ساعتها و فيها مشكله انها مش بتدور علاطول لو كانت سخنه ولازم مرتين على ما تدور اما لو بارده بتلقط علاطول و رجعت لمركز الصيانه الي غيرت عنده الفلتر قالي طلمبة البنزين بايظه و ان الفلتر راكب كويس و مفهيوش حاجه و فكيناه تاني و راجعته ملقتش حاجه راكبه غلط و كشفت عليها كمبيوتر عند مركز تاني قالي الطلمبه ممكن تكون بايظه و انا محتار من يومها مع العلم ان العربيه مش بتقطع او تتخنق ولا فيها اي مشكله و اسف على الاطاله