( Speed Service Center :: ( enghany

**ismailnd** · 11-08-2012 05:18 AM

بشمهندس هاني انا معايا عربيه النترا 2005 والدي اشتراها واكتشفت انها عامله حادثه والعجله اليمين قدام خارجه حوالي 2 سم بره ومأخره شويه وفيه مسمار قدام شفه الشمعدان الي بتركب في المساعد السؤال هنا ديه مشكله عفشه ولا مشكله صاج يعني اغير عفشه الاول وبعدين اشوف الصاج ارجووك تفدني في الموضوع ده وشكرا مقدما

**Ashraf_Ibrahim** · 11-08-2012 02:20 PM

هاني باشا احنا اخر مرة وطينا الدبرياج وكان جامد جدا :d
لو سبته كدة فيها مشكلة او حاجة؟!
هو عاجبني كدة على فكرة :d

**enghany** · 11-08-2012 07:49 PM

المشاركة الأصلية كتبت بواسطة m.farouk

النوبيرا الاوتوماتك بتعتى بعد ال160والrpm بيبقى على 4تقريبا بترجع تنزل نقلة وتمشى على التالت وتفضل علية لحد لم المتور يفصل ولم اخف بنزين ترجع للرابع بس لو حبت ازود بنزن تنزل للتالت على طول ومش عارف اية السببوالزيت كويس وبغيروا كل 20000 وسعات اقل وبحط زيت موبيل 320 ابو 45 جنية ومغير فلتر من 40000 ياترى اية السبب

99 % ده عيب فتبس و هذه السياره مشهوره جدا بعيوب الفتيس الاوتو ماتيك فنصيحه غيره كله لانه مابينفعشي تصليح فيه

**enghany** · 11-08-2012 08:00 PM

المشاركة الأصلية كتبت بواسطة ismailnd

بشمهندس هاني انا معايا عربيه النترا 2005 والدي اشتراها واكتشفت انها عامله حادثه والعجله اليمين قدام خارجه حوالي 2 سم بره ومأخره شويه وفيه مسمار قدام شفه الشمعدان الي بتركب في المساعد السؤال هنا ديه مشكله عفشه ولا مشكله صاج يعني اغير عفشه الاول وبعدين اشوف الصاج ارجووك تفدني في الموضوع ده وشكرا مقدما

بص حضرتك
الاول ياريت اشوف العربيه
ثانيا لما العجله فاتحه او ماخره فده ليه سببين
1- زي ما انت قلت كده مشكله او خبطه شديده بالشمعدان و دي هتحتاج ان العجله يتعمل لها زرجينه و دي بسيطه
2- او يكون الخبطه ماثره في الشاسبه يكون فاتح او قافل و لازم يستعدل و اللي يكشف علي الموضوع ده هو جهاز الزوايا

**enghany** · 11-08-2012 08:03 PM

المشاركة الأصلية كتبت بواسطة ashraf_ibrahim

هاني باشا احنا اخر مرة وطينا الدبرياج وكان جامد جدا :d
لو سبته كدة فيها مشكلة او حاجة؟!
هو عاجبني كدة على فكرة :d

يا ابن الذينا انت مستاخسر تسال في التليفون يارب الديكور يقع عليك بتاع فودافون هههه
المهم يا جماعه اشرف السبب انه فاز و قهر الدايو انه جالي و ضبطله الدبرياج و السحب بس هو كده احسن للاسطوانه زي الفل يا معلم و اي خدمه و عليك خمسين جنيه الحساب

**enghany** · 11-08-2012 08:08 PM

النهارده سبيد اتشرفت بزياره الاستاذ كريم منير بجد قمه في الادب و الذوق و الاحترام و يا رب نكون رفعنا راسك في العربيه و اهلا و سهلا بحضرتك في اي و قت speed team

**Ashraf_Ibrahim** · 12-08-2012 03:40 AM

المشاركة الأصلية كتبت بواسطة enghany

يا ابن الذينا انت مستاخسر تسال في التليفون يارب الديكور يقع عليك بتاع فودافون هههه
المهم يا جماعه اشرف السبب انه فاز و قهر الدايو انه جالي و ضبطله الدبرياج و السحب بس هو كده احسن للاسطوانه زي الفل يا معلم و اي خدمه و عليك خمسين جنيه الحساب

هو على حسب مانا فاهم توطية الدبرياج بيخلي الريسبونس احسن انما بيأثر على السحب ازاي يا هاني فهمني معلش

**roland_yamaha** · 12-08-2012 02:04 PM

المشاركة الأصلية كتبت بواسطة enghany

الزميل الفاضل
اولا العربيه بتاخد 3 ك زيت عند التغير كل 40000 كم
ثانيا عند وضع السياره علي غيار ال p ( السياره دايره)
انقل عصا الحركه و السياره في حاله السكون الي الغيار التالي اللي هو r ثم ال n الي d ال 3 الي 2 الي l ثم ارجع تاني الي p
كرر هذه العمليه مره اخري
ارفع المقاس و امسحه ثم ضعه مره اخري و افرا القراءه ( ملحوظه : عند القياس يجب الن يكون وضع عصا الغيارات علي ال p )

شكرا علي ردك يا بشمهندس بس استفسار اخير كل الخطوات دي وأخد القراية والعربية دايرة ولا مبطلة