( Speed Service Center :: ( enghany

**enghany** · 23-08-2012 06:57 PM

المشاركة الأصلية كتبت بواسطة ramy_fiat_2000

هانى باشا كل سنه وانت طيب واخبارك ايه يا رب تكون بخير وبصحه جيده

الزميل الخلوق
واللهي يا رامي باشا انت بجد واحشني يا سيدي مش لازم تجيب العربيه تعال اشرب الشاي معايا يا كبير كل سنه و حضرتك والاسره بالف خير

**enghany** · 23-08-2012 07:01 PM

المشاركة الأصلية كتبت بواسطة eng.mina

باشمهندس هاني كل سنة وحضرتك طيب
كنت بسأل علي زيت الباور للفيرنا أستخدم ايه ؟؟؟؟ هو الكاتالوج بيقول psf3 ياتري الزيت ده موجود في مصر ؟؟؟
وفي ناس بتقول استخدم زيت موبيل اوتوماتيك atf320 ياريت اعرف من حضرتك الزيت المناسب واللي التوكيل بيستخدمه .
شكرا مقدما

باشمهندس مينا تحياتي لحضرتك
بص هما في التوكيل بيغيروا زيت شل بحوالي 33 جم انا مش عارف رقمه و ياريت لو تحط الموبيل احسن من الشل في زيوت الباور و هو نفس القيمه

**ahmedhilmy** · 23-08-2012 08:24 PM

بشمهندس هاني كنت عايز استفسر من حضرتك عن حاجه في عربيتي
انا معايا نيو اكسنت 2006 عداد 127000 مواعيد صيانتها منتظمه اخر مره من شهريت ممغير بوجيهات و زيت الميكانيكي قللي المره الجايه عايزين نعمل فلاش قبل منغير الزيت لانه مش حلو و حاول المرة دي مطولش عليه و غيره بدري دلوقتي بقالي اسبوع ادور العربيه الالقي صوتها عاالي 3 دقايق و ترجع لطبيعتها هاديه اوي اشغل التكييف و اروح مشوار الاقي صوت العربيه برده عالي بزياده ده بالاضافه ان المموتور بقي فيه رجه خفيفه زي رعشه مش عارف من ايه راي حضرتك ايه

**ysamerlabib** · 24-08-2012 05:18 PM

مهندس هاني كل سنه وانت طيب بمناسبة عيد السيدة العزراء
انا كنت كلمتك امبارح علشان فتيس الاكسنت ال 2002 والفتيس الاوتماتيك وان شاء الله اجي ليك يوم الاثنين
وياريت لو في عنوان gps او وصفه علشان اعرف اوصل
وشكرا

**Eng.Mina** · 25-08-2012 04:37 PM

المشاركة الأصلية كتبت بواسطة enghany

باشمهندس مينا تحياتي لحضرتك
بص هما في التوكيل بيغيروا زيت شل بحوالي 33 جم انا مش عارف رقمه و ياريت لو تحط الموبيل احسن من الشل في زيوت الباور و هو نفس القيمه

شكرا لرد حضرتك يا باشمهندس هاني
زيت الشل اللي حضرتك قلت عليه ده زيت فتيس اوتوماتيك ولا زيت مخصوص للباور وبالنسبة للموبيل انا شفت في زيوت الفتيس الاوتوماتيك atf320 وده الكواليتي ليفل بتاعه dexron iii وال atf 220 وده الكواليتي ليفل بتاعه dexron ii ياتري ايه الانسب فيهم ؟؟؟؟ اسف علي الاطالة يا باشمهندس هاني بس اللي انا فهمته من سؤال كذا شخص ان مفيش زيت باور في مصر وكله بيستخدم زيت فتيس اوتوماتيك

**easy2002** · 25-08-2012 06:58 PM

السلام عليكم ازي حضرتك ا باش مهندس هاني
أنا عندي عربية فيرنا عاوز أغيرلها الشكمان كامل لإن صوته بقى وحش جدا العربية 2007 ماشية 100 الف كيلو تقريبا يا ريت أقدر أعرف سعره كامل وصيانة ال 100 الف تكلف كام
وشكرا جزيلا لحضرتك

**ahmad--ezzat** · 25-08-2012 07:05 PM

سلام عليكم
ازيك يا بشمهندس هانى

انا مهندس احمد اللى كلمتك بخصوص النوبيرا....كان في زيت بينقط عندى وقلتلك عليه بس الحمد لله وقف بعد غسيل العربيه من تحت

بس عندى مشكله وهى ان الرفرف الامامى يمين مسافته بين الكاوتش ازيد 4 مم بالظبط عن الرفرف الشمال...مش عارف دى مشكله بطاحات ولا ايه وبعدين العجله اليمين بتحود اكتر من الشمال شويه
فعايز حد متخصص شويه يبص على العربيه من تحت
عموما
انا عامل بالعربيه 66 اللف وان شاء الله وعملت فى ال55 الاتى

1-غيرت زيت موبيل 10 الاف وغيرت البوجهات وسلوك البوجهات
2- غيرت جميع الفلاتر بنزين زيت هوا
3-عيرن سير كاتينه وبليتين
4-طنابير امامى عشان كان عندى رجه مع الفرامل وراحت وطبعا تيل امامى وخلفى
5-ولسا من فتره مغير ال 4 مساعدين kyb لانها افضل من العاديه بمراحل
يعنى تقريبا صيانه كامله
و
عملت صياته ال 65
وغيرت زيت شل 5 الاف وسلوك لوجهات وجوات وش التاكيهات فقط

مش عارف بقى الصيانه الجايه هتبقى على كام

هل اجيلك على ال 70 اللف ؟؟؟؟؟

شكرا وكل سنه وانت طيب

**lamborghini911** · 25-08-2012 07:32 PM

لو سمحت يا بشمهندس هانى انا كنت عايز اغير البوجيهات لعربيتى الانترا 2011 الشكل القديموقالولى اجيب ال ngk بس مش عارف اجيب اى نوع لأنى لقيت كذا نوع واسعار مختلفه
ياريت تقولى على النوع المناسب واسمه ايه بالظبط
وكمان بخصوص زيت الفتيس الوتوماتك ناس كتير شكرتلى فى الموبيل atf320 ايه رأيك فيه مقارنة بالشيل والزيوت التانيه
اسف ع الاطاله وشكرا