الأخوة الكرام
الحقيقة أنا اتأخرت فى كتابة التعليق ده ، بس حق الراجل عندى يحتم إنى أكتب التعليق (والكلام ده بقاله حوالى 20 يوم)
أنا رحت لمركز سبيد سيرفيس ـ المهندس هانى طبعاً .. والحقيقة كان الرجل كما قلتم عنه تماماً من حيث الأخلاق الطيبة والاستقبال الرائع.
المهم أنا كنت رايح له علشان صوت فى العربية ـ إلانترا 2008 أتوماتيك ـ وكان عندى احتمال كبير إن الصوت ده من طلمبة المياة مع إنى مغيرها من أقل من سنة.
وفعلاً طلعت الطلمبة محتاجة تتغير.
وقلت بالمرة أغير بوجيهات / وزيت فتيس / وسير مجموعة
واتصل المهندس/هانى بتجار قطع الغيار لحد ما لقى الحاجات المطلوبة ورحت اشتريتها ورجعت له وقام بالتركيب والتغيير المطلوب والنتيجة:
ــــــ 1. تغيير سير المجموعة مع تغيير طلمبة المياه 70جم
ــــــ 2. تغيير طقم البوجيهات 20جم
ــــــ 3. عدد 3كجم زيت فتيس مع تغييرهم 119جم
ــــــ 4. خصم نايل موتورز 25جم
ـــــــ وبذلك يكون المجموع 184جم
والملاحظة إنى كنت مركب طلمبة قال لى الميكانيكى اللى مركبها إنها أصلى ولكن لما اتفكت اتضح إنها مش أصلى ومع ذلك سعرها إتحسب أعلى من الأصلى.
الموضوع أخد حولى ساعتين ودردشنا شوية عن العربيات وسقانى قهوة عملها بنفسه
إختصاراً الراجل ممتاز ومحترم جدا ، والمركز يحتاج فقط بعض الترتيب لمحتوياته.
تحياتى
محمد ندا